Lo Dim (Closed)

6299一年都會來港兩次，老人家來港不外乎吃吃喝喝。今次趁他們來港，特登請兩天假陪食，算唔話得吧？！老人家喜歡吃中菜，所以等他們落機後，就帶他們到老點吃點心。老點已經光顧過幾次，它是我和星仔第一次在香港見面的地方，知道星仔喜歡周圍尋食，所以當時故意搜尋一些評價不錯的食店帶他去食。＊＊＊＊＊＊＊＊＊＊＊＊平日中午和周末的老點都坐滿食客，快快食完就要趕住走，但由於今日是平日加上已過了午膳繁忙時段，所以甫進店內時亦只有一兩枱食客，正好可以讓我們慢慢食慢慢坐。鮮蝦肉餅竹筒飯($32)6299未食午餐，點都要有飯落肚，但為免食得太飽吃不了其他點心，就點個竹筒飯share。竹筒飯雖然份量看似不多，但裡面放滿白飯，面層再放上肉飯，其實都夠二至四人分吃。醬油是分開上，食客可以按個人喜好澆在飯上。肉餅肥痩適中，口感軟滑味道濃淡得宜，對得起價格有餘。冬筍普通鮮蝦餃($20)蝦餃通常是出面茶樓的頂點，老點的蝦餃雖然只有兩隻，但$20確是抵食。蝦餃皮帶點微彈不會過厚，餃皮內除了鮮蝦和豬肉外，還多了冬筍，令爽彈的蝦肉間多了一絲爽口，都幾特別。吾係老點小漢堡($28)小漢堡一客有兩個，這裡是兩客份量。小漢堡中間的不是牛肉，是蝦堡，所以食起來帶點彈口，加上芥末醬，味道非常清新。鮮上肉響鈴腸($29)響鈴腸顧名思義就是腸粉皮包裹著響鈴，相比出面的春風得意腸來得更鬆脆。響鈴入面還有鮮蝦，所以鬆化得來又食到蝦肉的紹實爽彈，絕對是必點項目之一。清酒雲吞雞($32)雲吞雞經過烹調後其實酒味已經所剩無幾，不過湯頭仍然鮮甜，雲吞皮又薄又滑，雞肉亦不鞋口，食味不錯。雖然茗茶加價至$7/位，但不用加一，相比傳統茶樓仍然算平，點心特別之餘仍能維持高水準，但午膳時段確是多人，建議可以的話下午兩三點來最好。…Read More

舖面唔算太，晚飯時間要等位了，但為左食係值得。係攞飛既時候，會派埋點心紙，所以仲未入座諗定食乜，始於新鮮制，制作需時，快快落單入座就可快d上野食。🤤佢地有多款自創點心，甚至比起一d高級酒樓更有創意，吸引鐘意嘗試新野既人。七味虎皮尖椒 $28尖椒十分香口，配味撒上的七味粉更惹味。鮮上肉響玲腸 $28滑碌碌既腸粉包住超脆既響玲，入面仲有彈牙既蝦肉做夾心，三重口感，十分豐富。完全感受唔到響鈴既油膩，size大小剛好，必試之選。川貝雪梨燉海底椰 $48平時返工講野多，呢個湯滋陰潤肺，生津止咳岩哂我飲。足料。吾係老點小漢堡 $26包皮係自制，較香軟一點。夾心既係千島醬吉列蝦，蝦夠哂彈牙，比響鈴腸既蝦肉更厚更甜，趁熱食香囗、惹味，比想像中味道好。愛心白汁芝士蘑菇雞批 $28新鮮出爐勁香，十分多芝士，有雞有菇口感豐富，連埋個底食邪惡感十足。藍莓仙淮山 $28淮生就成日食，但生食真係未試過，表面口感滑滑，食落爽口，配上新鮮既藍莓醬，清新，有驚喜。傳統定新派點心我都好鍾意食，總結賣相、味道、價錢、創新，其實真係抵食，性價比高。…Read More

#雪雪茄大滿足 😋🈵 味道：🔴🔴🔴🔴🔴🔴🔴🔴⚪️⚪️👁‍🗨 環境：🔴🔴🔴🔴🔴🔴🔴⚪️⚪️⚪️💰CP值：🔴🔴🔴🔴🔴🔴🔴🔴⚪️⚪️🔙 番撻 : 🔴🔴🔴🔴🔴🔴🔴🔴⚪️⚪️每次約朋友食飯都好頭痛呢 🙈要諗好食、就腳又要唔俾人趕既餐廳 😂今次就試下呢間唄 ～ 😎（1）新鮮肉排竹筒飯 $30👉🏻 飽肚足料抵食 👍🏻👉🏻 竹筒飯食到愈底愈好食 👍🏻👉🏻 4人有4票（2）吾係老點小漢堡 $26@2件👉🏻 真係好mini 可以一啖食晒👉🏻 醬汁好夾好味（3）咸香黑魚子燒賣 $19👉🏻 夠大粒正 ～（4）冬荀普通鮮蝦餃 $19👉🏻 加左冬荀既配搭唔錯呢 ～（5）戚風班蘭馬拉糕 $22👉🏻 驟眼望加左好多色素咁🙈👉🏻 食唔出班蘭味～ 普通（6）蜜味叉燒包 $19👉🏻 麻麻地 ～ 👉🏻 汁多過肉（7）高湯浸小棠菜 $22（8）安格斯牛肉腸粉 $22👉🏻 有啲令人失望既腸粉 🙈👉🏻 皮厚肉略乾（9）可愛四色小甜點 $33👉🏻 非常驚喜的4款甜品呢 😍👉🏻 呂宋香芒小布甸 + 一口忌廉焦糖蛋 + 回味石榴小布甸 + 荷蘭唂咕小慕絲👉🏻 好食呢 😆話說我地今晚要賀壽星,餐廳叔叔即場扭左個狗仔氣球送俾我地,又一路同我地同在場其他客人有講有笑,好有親切感 哈哈 😆仲好醒水好配合我地既計劃成功送出驚喜蛋糕俾壽星公 😎絕對唔係果啲問到出口係咪有蛋糕呀咁🙊又幫埋手點定蠟蠟 💕…Read More

在我和男友特別想吃點心的時候，總會想起老點，也來過好幾次。好久沒來了，今天經過，決定重溫這裡的滋味！設計沒變，仍是紅黑為主。舖面不太，再晚點來就要等位了~非繁忙時間也頗多人。他們有好多款自創點心，比酒樓傳統點心更有創意，吸引我們喜歡嘗試新東西的人。響鈴腸是他們的經典，把新鮮、彈牙的蝦肉加到響鈴內，還包了腸粉皮在外圍，那個響鈴竟然，竟然還是非常脆口！外皮軟，內脆再彈牙，這多重口感真是不得了，果是是招牌！小漢堡也是用了蝦肉，外皮炸得脆，內裡爽口彈牙，比響鈴腸內的蝦肉更厚更甜，正！可惜醬料有我不喜歡的芥末味道，我盡量刮走才吃。燒賣是我喝茶必點的item，此特色是咸魚子把燒賣提味，比普通豬肉餡味多了點咸鮮味，有畫龍點睛的效果。男友喜歡吃灌湯餃，所以他好期待這裡的湯頭。這個高湯味道鮮甜，帶點咸香，他好滿意呢。另外，“魚翅”的份量多，也吸收了高湯的鮮味，頗彈牙呢。破開餃皮看到裡頭有好多餡料，蝦仁，帶子，竹笙等較為高級的材料，全部都熟透入味，帶來味覺享受。最後已此煎堆甜品作結，小顆煎堆球芝麻香脆，內牆有一層像綠茶味麻糬質感的東西，正中就是麥提莎，甜滋滋的。這個又玩豐富口感，外脆，內軟再脆~只要like老點點心竹筒飯的facebook專頁和打卡，連茶錢都免了，爽歪歪~~…Read More

今日中午我們去咗旺角染布房街嘅「老點點心」食午飯！我們叫咗師傅冬筍鮮蝦餃嘅餃皮好晶瑩薄身，蝦肉嘅肉質好爽甜彈牙！高湯魚翅灌湯餃嘅高湯味道好鮮，魚翅嘅份量都幾多，灌湯餃入面嘅有蝦肉、帶子同豬肉，材料都幾豐富！吾係老點小漢堡嘅賣相相當精緻吸引，小漢堡嘅包質好鬆軟，中間夾著炸得金黃香脆嘅蝦膠肉同沙律菜，肉質相當爽口彈牙，再配埋清新嘅wasabi沙律醬一齊食，味道非常惹味！珍寶鮮蝦腸嘅腸粉好滑身，每一件腸粉入面都包著一隻爽甜嘅大蝦，真係幾抵食！順民百花魚肚嘅魚肚燜得好腍好入味，蝦膠嘅肉質好爽滑彈牙！高湯牛肉球嘅味道比較淡，牛肉味唔係好香濃，但肉質都幾軟滑！蜜味叉燒包食落嘅感覺唔同平日喺酒樓食開咁，包質比較腍身，:(但叉燒嘅味道都幾香甜！蟲草花鷄竹筒飯嘅飯係用紅糙米，感覺好健康，鷄肉嘅肉質好鬆軟！…Read More

點心是最代表到香港的食物，外國人認識香港，第一個印象都是來自「dim sum」。作為香港人，又怎會不愛點心，說到底，點心都是由細吃到大的食物。不過，香港的美食這麼多，要留住我們這群年青人的胃口，當然要在保留傳統之餘，再加一點變化。*蟲草花雞竹筒飯($29)老點點心竹筒飯打正旗號賣竹筒飯，那當然是今餐的必點菜。蟲草花雞竹筒飯是新出的竹筒飯。竹筒內裝了飯，上面鋪上蟲草花和雞肉。竹筒飯的豉油另上，可自行調教咸度。蟲草花的香味沒有想像中濃，更像是配角，有少少爽口；雞肉很入味，而且很嫩滑。飯用上了白米和紅米，份量比想像中多。*吾係老點小漢堡($24/2pc)平時食點心，都是點一些奶黃包、叉燒包，漢堡包就真的第一次見。中式包都是迷你的size，所以為了切合點心的形象，這個漢堡亦裝成迷你的size。這個迷你漢堡並不是一般的漢堡，不是用上了牛肉，而是用上了炸蝦膠和混醬（蛋黃醬律混wasabi），再夾了一片沙律菜，是一個很西式的點心。蝦膠打得很彈牙，外脆內彈牙的，剛炸起就即上枱，很燙口；混醬吸了漢堡蝦的溫度，其wasabi味攻了出來，口感很刺激。*鮮上肉響玲腸($26/6pc)我並非一個響玲愛好者，打邊爐都謝絕吃響玲，不過店員很落力的推介，說這個是全港首創的，出面沒有得吃，而且有一個會吃響玲的朋友，那就即管一試。果然真的非試不可！先將中間的響鈴釀了蝦膠和豬上肉炸得脆脆的，外面再包上好滑好軟的腸粉。內裡好脆，好夠熱，有一個外軟內脆的口感。*愛心白汁芝士磨菇雞批($26/3pc)這個又是店員的另一個推介，說撻皮是師傅自己搓的皮。迷你的雞批，用上了圓形的湯匙盛。以為放了一會，已經放涼了，但仍然很熱。原本想咬開一半，可以影一下內餡，但撻皮實在太鬆脆，碎開了；撻皮除了夠脆之外，亦很香牛油味；內餡很夠熱，白汁很濃；表面的芝士亦很香。*清酒雲吞雞($28)傳統的雲吞雞都是用紹興酒，而老點將紹興酒換成清酒，但酒味並沒有因而減少，店員一打開蓋，酒的香氣一擁而出。雞很滑很入味，很有酒香；雲吞是自家包的，蝦肉很爽口。稍為品嚐了一下湯，很香的酒氣，而沒有酒精味（因為我對酒精味很敏感），而且用上大地魚煮的湯，很鮮甜。想讚一下的是，每款食物上枱的時候都非常夠熱，食物的溫度真的很重要，因為涼了是非常影響口感和味道的。曾經有人對我說過，兩個人吃，五籠點心就剛剛好，似乎這個統計都幾準確；茗茶$5一位亦很合理。順帶一提，這裡的點心都是用上時令的食材，約兩三個月會轉一次，所以經常都會有不同的款出現，最適合香港人愛新鮮的特質。沒錯，香港人那麼怕悶，沒有新款推出，又怎能在激烈的競爭下站得住腳?…Read More

難得星期六放假，去咗旺角行街。行行下過咗食飯時間跟住就諗起好耐冇食過點心，於是就諗起老點。去到都幾熱鬧，等咗陣位先有位。上次來冇食過《鮮上肉響腸》$26，今次決定要試試。腸粉皮包住鮮蝦同響鈴，食落有鮮嫩脆上次食咗好味，今次再來《吾係老點小漢堡》$24。細細個漢堡好cute ,咬落去包同蝦肉餅好鬆軟加埋醬汁好夾。接住唔好比佢停《芝心脆炸蝦丸》$28，蝦丸好脆口，一d都唔會太乾硬，加埋中間芝士醬，好有新鮮口感。 最後來個傳統點心《百花壤魚肚》$24，雖然話係傳統點心，實際上好摩登，魚滑和魚肚壤在一齊，魚肚吸收晒魚滑的鮮味，咬落去多汁又有彈牙的口感老點個知不錯，不過可惜係服務質素退步了，需要努力改善:(…Read More

由本身不太喜歡吃點心變到開始喜歡的我上星期又去了老點點心，已經是第三次吃老點了！^_^一間有創意的點心店~今次去了旺角分店，地址很方便大眾！店鋪裝修非常舒服~一打開餐牌看看是什麼"天天不同"，哈哈 那天星期二，是懷舊薑汁糕，只雖$2！當然每人只限一份喔。薑汁糕口感很軟彈 膠質黏感，有點像泰式的糕點，薑味不會太濃太甜，調味得宜！很喜歡這個糕點再來的就是沙參玉竹燉上肉，熱辣辣的湯特別濕潤可口，味道很濃郁，這個湯入面的料也很多，每次去也必點的湯~點了招牌菜"吾係老點小漢堡"，很可愛的小漢堡^_^ 點心有漢堡都是第一次看到。麵包夾著的肉外脆內嫩 ，肉汁豐富，所以一口吃很有滿足感！平時不中式早茶樓點開的棉花雞，今次在老點點了清酒雲吞雞，一樣愛上了！老點的雞特別香滑，還有清清淡淡的酒味，配上濕潤的雲吞皮，真是很撘！最後就是一口忌廉焦糖蛋和回味朱古力小幕絲了，份量剛好，焦黃色的焦糖面配蛋 甜已不膩，朱古力幕絲軟林林的，不太濃，很適合吃完點心後吃！整體來說，是很特色的點心，價錢合理，埋單 $123，下次再試試其他小點！ …Read More

諗住係旺角食特色小食, 揀左呢間點心店呢個點心都正常, 但又唔係好特別, D 醬太多啦咸水角內軟外脆, 正!呢個點心見好多人叫所以叫, 但炸到濃左, 層皮一舊咁, 唔得外相好靚, 味道都唔錯, 係個皮太厚整體味道一般, 無想像中咁好食, 試一次就夠…Read More

 「老點」一般而言, 也有「搵笨」的意味; 就傳統中國人的概念來說，那有人會用此作店名!因此，單看招牌已感受到老闆的別樹一格!早已聽聞老點的大名，可惜一直被它門口長長的人龍所嚇退......今天剛好和男友也放早,故便提議提早去晚飯吧!我們6時多已到達，幸運的，門口還未有人龍。第一樣來到的點心是吾係老點小漢堡, 它給我的第一感覺是 -「細」! 但有樣東西叫: 貴精不貴多! 蝦炸得非常香脆，外脆內軟，炸粉的份量剛好，沒有蓋過蝦的鮮味，但同時帶出了香脆感。最想不到的是漢堡內含芥未沙律醬 ，吃下時滲出一陣陣wasabi 的味道，跟炸蝦的感覺非常搭，而且很開胃，這個這漢堡作為前菜，大大提升了我的食慾芝心脆炸蝦丸咬開後，內裏的芝士便湧出來了!香脆的外層配上軟滑的芝士，不得了!雖然吃的時候很有罪惡感，但同時心靈上很滿足!冬筍普通鮮蝦餃用料新鮮，蝦爽口彈牙，而且份量十足，皮薄餡靚，每一口都是滿滿的蝦肉, 但一籠只有2粒，未免有點不夠喉!鮮上肉響鈴腸 ，這算是變奏版的炸兩吧! 腸粉中間包的不是油條，而是打邊爐的響鈴!  響鈴香脆鬆化，中間更包了豬肉及蝦肉，肉質鮮味， 而最外層則鋪上透薄的粉皮, 大大提升了整個點心的層次感及鮮味，是整晚最滿意的點心。最後上場的是戚風班蘭馬拉糕! 綠色的馬拉糕還是頭一次見，自從在新加坡吃過班蘭蛋糕後，便愛上了班蘭的口味! 馬拉糕做得非常鬆軟，班蘭味也很香，而且味道不太甜，值得一試。是晚非常滿足，對於我們兩口子來說，這種新派點心更適合我們!…Read More

旺角區最有人氣既特色點心「老點點心竹筒飯」，雖然話就話係老點，d野食既味道一d都唔點你，而店內食既都是新派點心。呢間點心店周不時都排曬長龍，所以成日都唔想等既清況下都無食到，不過好好運今日見門口無人排隊就一於入去食。店唔算好大，但都坐得舒服。睇下點心紙，原來每天都有唔同既燉湯。今次就係鱷魚肉淮山燉豬踭。鱷魚肉有效防止吸煙過多引起肺氣腫或咳喘不止。呢個湯相當足料，味道鮮甜清潤，帶有點肉香，飲落又無油味。材料十足，經典點心灌湯餃上面有大量素翅，裡面係有原隻大蝦、瘦肉、竹笙、瑤柱等等，成個餃大大隻賣相唔錯。另外個湯底好鮮甜，忍唔住會飲曬。有濃郁酒香但唔會話太重酒味。話明係雲吞雞，所以d雞肉都係主角之一，酒香浸曬入d雞肉清到，令到煮完既雞肉異常地吸引。湯帶甜味好易入口。另外雲吞都唔差，大大隻夠睇頭。非常有創意既腸粉，腸粉分小件上桌很貼心，唔洗自己夾開。佢地用左響鈴代替平時食開既油炸鬼可以令到油味較輕, 響鈴內還仲有蝦肉，豬肉，都幾另類。值得一讚係腸粉皮夠曬薄而且軟滑幼嫩，同響鈴配搭起上黎啱啱好，唔會成口粉皮咁。又係一個好得意既創意點心。佢既賣相係非常之迷你既小漢堡，比人第一眼既形象係好精緻，但唔好睇佢細細個其實份量都唔細ga~~裡面既漢堡扒用左蝦肉去整，蝦肉既外層炸好到好脆，但係咬落去又幾彈牙。另外小漢堡上面有芥末醬，睇落去好似唔係好夾覺得怪怪地，但係食入口果d芥末味同個蝦肉味，配合得非常之好，係鮮甜蝦肉味中帶小小辣辣地既感覺，真係令到我喜出望外。賣相好得意。唔好睇佢細細個，其實好夠份量。佢上面佈滿左芝麻粒，炸到漲漲咁，非常香脆可口。炸到脆sin糯米皮夠sin煙韌，入面包住粒麥心，麥心味道甜甜地，雖然唔脆，但係同糯米皮一軟一脆食入口既感覺又幾特別。最出名既竹筒飯又點可以唔試呢。竹筒飯有排骨、嫩雞、豬手和肉餅。今次就叫左豬手。豬手燜得好入味，夠sin淋，無牙都食到。竹筒飯既飯係白米同紅糙米，粒粒飯都分開，唔會痴埋一舊，證明煮既時間計得好好。最好既賣點係，佢既飯全部都有竹筒既香味，配上濃郁既豬手汁，絕對係最好既配合。整體而言點心既價錢平民化，以店內既味道同埋我見到既點心手工真係絕對唔貴，所以真係明白點解平時可以咁多人去排隊都要食呢間點心店。…Read More

今天突然想吃點心，所以在OR找了一間點心店來試試。老點　位於染布房街尚算方便，OR評分是大比數讚好，所以就試試這一間。平日下午2點多去到，和我預期一樣，客人不算多，可以直入。點心選擇方面略嫌種類不夠，我們２個人點了８款點心。吾係老點小漢堡見係招牌作，所以試下。 蝦膠配芥末沙律醬，雖然都係大路之作， 但係勝在夠清新。芝心脆炸蝦丸今日ＭＶＰ，蝦丸彈牙，芝士味道正。冬筍普通鮮蝦餃做得很好，有水準紅魚子海皇餃叫得海皇餃,食落都係似蝦餃賣相放得有Ｄ求其咸香黑魚子燒賣咸香唔多覺，味道還好不過感覺有Ｄ捨身同賣相又係有Ｄ求其彩絲正常牛柏葉真係正常牛柏葉，不過不失不過本人偏好再淋多些少聲音百花壤魚肚比較淡口，略帶腥味(唔知蛋白定魚肚)戚風班蘭馬拉糕 (圖片欠奉)班蘭味唔重,糕身偏實我會建議食番傳統馬拉糕服務黎講不錯,因為REFILL茶水速度神速，我係一個成日要飲水既人，亦都次次飲清。但我想飲水既時候，杯入面總已經FILL滿左，呢方面真係要比個讚！但係呢，食芝心蝦丸既時候，當我食剩一粒，服務員將裝蝦丸既湯匙直接放係台到，然後收左個底碟，呢個做法我就唔係咁鍾意喇。同樣講服務黎講,點心師傳哥哥建議練好D歌喉因為我坐係出面都聽到佢既歌聲。食物方面感覺上比較少選擇，同埋可能係我自己點野既問題，我點既8個點心，6個都有蝦。雖然佢D蝦膠都真係幾好食，不過就感覺好重覆。同埋佢既食物設計都係走精緻路線，但係出品有Ｄ好拿西下，呢到好扣分。海皇餃就求其放，燒賣捨晒身，又魚子周圍飛。柏葉就係碟邊半天吊，始終對印象分好有影響。所以評分黎講只能中規中舉比個ＯＫ…Read More

同老友出去旺角中旅附近買完汽車用品，都已經係晚飯時間，於是就起附近搵下有無好野食！老友左點右點，點左我去呢間點心店，個店名都幾得意！入去啦！地方有少少窄，不過旺角地段貴，係咁架啦，野食先至係最重要，看看點心紙上面有好多新穎點心，一般酒樓少見，當然要盡情點，起點心紙上剔、剔、剔啦!碧綠帶子腸，腸粉皮又薄又滑，帶子鮮甜加埋時菜又好爽脆，唔錯。紅魚子海皇餃，餃皮晶瑩剔透，未食已經見到入面橙黃色嘅魚子同蝦肉，咬落去係原隻大蝦，連埋紅魚子一啖咬入口，認真爽口兼彈牙，皮薄餡靚，絕對係食過番尋味。戚風班蘭馬拉糕，質感很鬆軟，入口有淡淡的班蘭葉味，食完感覺好清新。高湯魚翅灌湯餃，賣相已經好吸引，湯餃上面舖滿魚翅，忍不住咬了一口，餃入面有帶子和蝦，高湯又鮮甜，我一滴不漏將湯全部清哂。吾係老點小漢堡，蝦膠好彈牙，再配埋芥辣同沙律醬，真係正到冇朋友，唔怪得係招牌菜之一，真係要點點。芝心脆炸蝦丸，蝦丸很新鮮，外層脆口，內裡彈牙，一口入去，芝士仲會流出黎，說明係即點即做。愛心白汁芝士磨菇雞批，賣相非常別緻的雞批，曲奇餅皮加上芝士白汁雞肉，酸酸嘅芝士配上嫩雞肉，別出心裁。…Read More

今日同敏敏去旺角取回鄉証，因為我們打算回上海吃喝玩樂，取完証件己差不到五時了 !路過一間叫老點的點心店，我們餓透了，决定入去坐一會!服務生態度殷勤地送上餐牌，我和敏敏点了六樣點心!冬筍蝦餃的蝦很大隻，用小盤子戴上兩隻，蝦味鮮甜，筍味也很香!  吾係老點小漢堡，很精緻鈴攏，用上炸蝦肉，我們一口己把這小漢堡吃完，真的很香口，難怪是皇牌必點點心!我們也豪點了高湯魚翅湯餃，滿滿的魚翅舖在湯餃上，真的很漂亮，咬了一口發現滿口都是海鲜，有鮮甜的帶子和蝦，我們覺得真的很鮮甜，還把湯全部喝完!最後女生的殺手攔是呂宋香芒小布甸和榴褳小布甸，兩個都是迷你板，!榴槤小布甸是我的致愛，真的不能抗拒地愛上這小布甸，敏敏也對芒果布典讚不絕口!老點老點，真的樣樣要點!…Read More

點心係我既至愛之一，相比起傳統點心我比較中意食創新既點心。今次係朋友推介之下黎到旺角老點，聽佢講老點有2間一間係旺角一間係元朗。當然要試左近近地個間先啦。叫左個鮮上肉響鈐腸，心諗應該都係炸兩既朋友，點知食落，一D都唔似最入面係蝦肉，中層就係香脆既響鈐，最外層就係腸粉，口感好特別，成個感覺都好鮮。之後點左個既吾係老點小漢堡，一碟2個細細個好cute，個包好新鮮，漢堡係用蝦做的，而且配埋芥末醬，好惹味。第二個點心，紅魚子海皇餃，非一般既蝦餃，除左蝦，仲有紅魚子，食起來魚子在口水卜卜響好特別，兩者夾起來鮮味倍增。之後，來了聲音白花壤魚肚， XO醬蒸鳳爪味道不算突出。和一般酒樓咁上下。最後，點了個向西嫩雞竹筒飯，竹筒飯香味十足，雞真係好嫩口，飯就加入了紅米有咬口，需要加點醬油會好味。最後，估唔到有甜點，我點了個可愛四色小甜點，4種口味石榴，呂宋芒布甸，咖啡，焦糖布甸。石榴酸中帶甜，好香好特別。呂宋芒布甸，芒果鮮甜。咖啡好香濃咖啡味。焦糖布甸好讚，好味。整體來計，真係幾好味!而且服務都幾好。…Read More