佢地有多款自創點心，甚至比起一d高級酒樓更有創意，吸引鐘意嘗試新野既人。
七味虎皮尖椒 $28尖椒十分香口，配味撒上的七味粉更惹味。
鮮上肉響玲腸 $28滑碌碌既腸粉包住超脆既響玲，入面仲有彈牙既蝦肉做夾心，三重口感，十分豐富。
完全感受唔到響鈴既油膩，size大小剛好，必試之選。
川貝雪梨燉海底椰 $48平時返工講野多，呢個湯滋陰潤肺，生津止咳岩哂我飲。
足料。
吾係老點小漢堡 $26包皮係自制，較香軟一點。夾心既係千島醬吉列蝦，蝦夠哂彈牙，比響鈴腸既蝦肉更厚更甜，趁熱食香囗、惹味，比想像中味道好。
愛心白汁芝士蘑菇雞批 $28新鮮出爐勁香，十分多芝士，有雞有菇口感豐富，連埋個底食邪惡感十足。
藍莓仙淮山 $28淮生就成日食，但生食真係未試過，表面口感滑滑，食落爽口，配上新鮮既藍莓醬，清新，有驚喜。
傳統定新派點心我都好鍾意食，總結賣相、味道、價錢、創新，其實真係抵食，性價比高。
