Kobekyu (Nathan Road) (Closed)

一黎到員工已經貼心介紹套餐優惠 吉列牛套餐加埋咖喱忌廉烏冬先二百幾蚊絕對係抵食之選！首先黎到既係紫薯latte好淡岩哂唔中意甜既人☺️之後嚟到嘅係抹茶latte相對較濃比較岩抹茶控既我飲🤣再黎就黎重頭既吉列牛套餐，忌廉咖喱烏冬衫衫驚唔夾好奇怪，結果意外地夾最好味又濃又creamy完全係食到停唔到口！黎左個吉列牛我地都係咁不停食烏冬唔理個牛🤣燒個牛配埋飯都係完美組合 唔會好硬岩岩好 重點仲有配菜同麵豉湯 望住出面高樓大廈嘅環境食得好滿足😙…Read More

位於 #旺角 #彌敦道726號 成幢都有好多野食而bookmark咗好耐 17樓 嘅 #吉列牛忌廉烏冬 終於俾我去 #懲罰 到啦🥰近窗位置係可以坐到6-8人卡位 中間就2-4人枱以QR code自己落單#MainDish #吉列牛定食 $148#KobekyuKatsuSet 定食會有 麵豉湯 胡麻豆腐 胡麻車厘茄 同飯素飯#吉列牛 估唔到有排半 上枱時會連埋熱石 吉列牛生熟程度可自己調節唯獨燒嘅時候 唔好係咁反嚟反去 表面嘅麵包糠會好易跌哂配有燒汁 同 芥末醬吉列牛唔夠喉 仲可以加 $98 #追加 另外仲有2人 3人 4人 吉列牛套餐🍽#咖喱忌廉烏冬 $88#CreamyCurryUdon 可揀雞肉 或 牛肉 可埋留意返係 #小辣不過同啲cream撈完之後 唔單止成件事滑咗 同埋連唔食得辣嘅我都覺得唔辣咖喱入邊仲有洋蔥同西蘭花 雞肉亦唔少建議可少湯 咁樣撈完會更creamy😋食完成碗真係好full😂推🙌🏼推🙌🏼推🙌🏼#SideDish #小食#Kobekyu牛油蜜糖單骨雞翼 $68#KobekyuFriedHoneyButterChickenWings好多隻 好抵食👍🏻牛油雞翼 再加上蜜糖🍯所以不論牛油同蜜糖味都好出 仲帶點點檸檬香一啲都唔heavy🤭🤭推🙌🏼推🙌🏼推🙌🏼#RoseGarden $38係 #玫瑰梳打 記得要攪勻先好飲叫咗少甜 所以個人認為剛剛好😉👩🏼‍🍳🧑🏻‍🍳店員好nice 好配合🥰話說又想食吉列牛 又想食忌廉烏冬🍜但可惜個定食冇得🍚轉烏冬🥺然後叫走飯 店員都🆗 特登幫手同廚房講👍🏻=====================#懲罰 #黃色經濟圈 #yellowmongkok #yellow旺角 #yellow吉列牛 #yellow烏冬 #hker #hkig #hongkongfood #香港加油 #食好西😋 #互推互追互讚 #nofilter …Read More

吉列牛忌廉烏冬專門店係首爾弘大人氣餐廳，黎到香港呢個吉列牛+忌廉烏冬組合的確係幾有特色。除左招牌菜式，餐牌有其他主食，套餐，釜飯，涮涮鍋，小食同飲品。今日例牌叫左一個套餐，包兩款招牌菜同兩支汽水，即係吉列牛定食 + 咖哩忌廉烏冬（小辣）或者香辣忌廉雞肉炒麵+ 2汽水，價錢$256另加一。吉列牛定食餐廳選用美國牛裡脊肉，一客9件，上枱時已經係3成熟，可以自己喺個爐仔上面烤到自己鍾意嘅熟度先食。牛肉明顯見到中間係生肉嘅深紅色，外圍就係粉紅色。我鍾意燒到熟透咁滯，因為口感最腍，並唔會韌或者太乾。然後點上大量蒜味沙律醬，真係又滑又腍。另外都有甜酸燒肉汁同wasabi。伴碟有少量胡麻醬梛菜絲沙律。定食包兩款前菜，分別係胡麻醬車厘茄同胡麻醬豆腐。仲跟一碗撒滿飯素既熱白飯。跟餐仲有味噌湯，有唔少昆布同豆腐粒。咖哩忌廉烏冬大大碗烏冬上面滿佈白色忌廉同少少蔥花。我最鍾意呢度既讚岐烏冬係非常滑溜兼煙韌，真係少係其他地方食到。個忌廉汁同咖哩好夾，食完唔覺油膩，又香又滑，個辣度係最後係喉嚨度出黎，怕辣人士都可以食。平時多數食牛肉，今日食雞肉烏冬先。連皮雞肉有好多舊，配菜除咗洋蔥片，仲有西蘭花同菇片，好豐富，食完個身暖笠笠。Kobekyu牛油蜜糖單骨雞翼 $68 另加一一客5隻招牌牛油蜜糖單骨雞翼，雞翼單骨好易食。皮少脆而蜜糖味適中唔太甜。最後上面灑上白芝麻粒，仲體貼伴有檸檬一片。熱韓國柚子蜜 $28 另加一今日天寒地凍，都係叫杯熱飲好d。熱韓國柚子蜜大大杯，好潤喉，飲完暖笠笠，下底好多柚子皮。平日夜晚都有唔少食客，我見好多人都係叫招牌套餐。…Read More

今日收工去左OpenRice人氣高企位於旺角彌敦道既吉列牛忌廉烏冬專門店食返個晚餐先。餐牌有主食，套餐，釜飯，涮涮鍋，小食同飲品。今日例牌叫左一個套餐，已經包左兩款招牌菜同兩支汽水，另加一個飯同一份小食。套餐係吉列牛定食 + 咖哩忌廉烏冬（小辣）+ 2汽水，價錢$256另加一。吉列牛定食 吉列牛係來自韓國嘅菜式，絕對係必食之選。牛肉係美國牛裡脊肉，今次係兩細塊，上枱時已經係3成熟，可以每邊燒2秒至半熟，或者等你自己喺個爐仔上面烤到自己鍾意嘅熟度先入口。牛肉明顯見到中間係生肉嘅深紅色，外圍就係粉紅色。牛肉燒熟啲都唔會韌，肉質唔錯。跟吉列牛有蒜味沙律醬同甜酸燒肉汁等你點，仲有wasabi，個人最鍾意蒜味沙律醬，因爲令到塊牛更香滑。伴碟有少量胡麻醬梛菜絲沙律。定食包兩款前菜，分別係一粒車厘茄切開兩半加左胡麻醬同一細磚加左胡麻醬嘅豆腐。仲跟一碗白飯，上面撒滿飯素，同一碗正常有昆布既味噌湯。咖哩忌廉烏冬招牌咖哩忌廉烏冬係另一必食之選。大碗烏冬上面滿佈白色忌廉同少少蔥花。忌廉同咖哩香加埋原來好滑又唔太膩，味道其實係日式咖哩既甜甜地，好好食。餐牌寫明小辣，但係我覺得基本上完全唔辣。讚岐烏冬係粗身而有少少嚼勁同勁滑，好好味。其他配料有唔少牛肉粒，都算幾腍吓，另外仲有洋蔥。流心蛋韓式牛肉飯 $78 另加一流心蛋韓式牛肉飯大大碗，飯面有10塊肥牛同洋蔥絲，中間一隻大大溫泉蛋，可以整穿就有蛋汁撈飯，上面灑上白芝麻粒同蔥花。甜豉油份量夠多，飯唔乾。食完實飽肚。韓式甜辣醬單骨雞翼 $68 另加一韓式甜辣醬單骨雞翼一客5隻，雞翼單骨好易食。雞翼塊皮少少脆，味道甜甜地，食落完全唔辣，落到喉嚨先有少少辣，上面灑上白芝麻粒。餐飲可加錢升級其他飲品。熱韓國蜂蜜紅棗茶 跟餐加$8 另加一 凍韓國蜂蜜紅棗茶 跟餐加$13 另加一韓國蜂蜜紅棗茶下底有好多紅棗碎，飲落味道帶淡淡紅棗味，完全唔甜。凍同熱味道都差唔多。今餐飯食完都夠飽呀，上菜快速，效率高。…Read More

旺角實在太多嘢食，今日試咗新嘢。在彌敦道726號全幢都是食肆的17樓，有間食吉列牛和忌廉烏冬的專門店，兩樣都少食，就上去看看。上到去見地方都頗大，有臨窗的卡座，光猛明亮。坐下見人人枱面有個小火爐，當時已決定要食這個。餐牌主要是吉列牛、釜飯、麵食和小食等。第一次，就叫了餐廳的招牌菜。～～吉列牛定食+咖哩忌廉烏冬+汽水2罐（$256）雪冰冷麵（$68）牛舌雞肉串（$40）～～吉列牛定食有牛肉、前菜（麻醬豆腐和番茄）、味噌湯和白飯。牛肉來到時已包裏炸粉油炸至約3成熟，我們自己把牛肉放在小火爐上燒熱的石板上，每邊燒至合適的程度。開頭的兩片我就燒得太耐了，咬落去較韌，之後的只燒不足10秒，肉質軟腍有牛味。炸衣已有調味，也可蘸wasabi和豉油。整個過程都幾有趣。咖哩忌廉烏冬表面鋪滿厚厚忌廉，賣相很特別。把忌廉和咖哩湯拌勻後，湯底香濃有少少辣，很惹味，而且完全沒有忌廉的油膩感。烏冬麵條煙韌有口感，湯中還有嫩滑雞肉。這個烏冬很好吃，到最後剩下的湯，還可以用來撈吉列牛的白飯，變成咖哩忌廉飯。雪冰冷麵最啱夏天食，冰涼清爽。配料是椰菜絲和兩件魚卷。我本來期待的韓式冷麵會是用韓國素麵或蕎麥麵，現在有點失望。牛舌雞肉串軟嫩得來有少少咬口（我估是加了雞軟骨吧），質感幾好，加上七味粉，唔錯。…Read More

旺角有一家來自韓國的吉列牛忌廉鳥冬專門店連鎖店，餐廳裝修的光靚整潔，靠窗口位置有卡位，坐得闊落舒適。我是餐廳的忠實擁躉，每次光顧招牌菜吉利牛及忌廉鳥冬一定必點。吉列牛一如既往的好味夠水準，主食吉列牛上台後，我按自己的口味，再放在石板燒爐上燒成喜歡的生熟度，牛肉嫩腍，外脆肉嫩好好味👍。咖喱忌廉鳥冬更有特色，忌廉非常黏稠，買相十足，鳥冬煙韌掛汁，配有牛肉、冬菇和洋蔥等，口感豐而有層次，好足料。小食牛油蜜糖單骨雞翼，甜甜的易上口，好快清盤，值得一試，餐廳交通也很方便，食物出品保持水準，服務賓之如歸，以後還會光顧！…Read More

差唔多成年無黎呢間旺角既吉列牛忌廉烏冬專門店，即管黎食個lunch試下有無進步到。呢度餐牌除左招牌菜式吉列牛同忌廉烏冬之外，都有釜飯，Shabu-Shabu，冷麵，炒飯，韓式牛肉飯，主食，小食，沙律，亦都有午餐，套餐，同各樣飲品。吉列牛定食 $148 另加一吉列牛係必食之選。除左主角吉列牛之外，定食包兩款前菜，分別係一粒車厘茄切開兩半加左胡麻醬同一細磚加左胡麻醬嘅豆腐。仲跟一碗白飯，上面撒滿飯素，同一碗味噌湯。吉列牛一客13件，外皮香脆而入面嘅牛肉就三成熟左右，等你自己喺個爐仔上面烤到自己鍾意嘅熟度先入口。個人覺得完全唔燒就咁食其實仲嫩口。跟吉列牛有蒜蓉mayo同甜酸燒肉汁等你點，仲有wasabi，個人最鍾意蒜蓉mayo，因爲令到塊牛更香滑。伴碟有少量胡麻醬梛菜絲沙律。咖哩忌廉烏冬 $78 另加一招牌咖哩忌廉烏冬係另一必食之選。大碗烏冬上面滿佈白色忌廉同少少蔥花。咖哩加忌廉好滑又唔太膩，味道其實係日式咖哩既甜甜地，好好食。餐牌寫明小辣，但係我覺得基本上完全唔辣。烏冬係粗身而有少少嚼勁同勁滑，好好味。其他配料有唔少牛肉粒，都算幾腍吓。另外仲有少少西蘭花同洋蔥。我地都唔停口係咁食。最後我哋將吉列牛定食成碗飯倒落咖喱汁度清埋個咖喱汁。日式牛里脊炒飯配流心蛋 $72 另加一日式牛里脊炒飯配流心蛋都係堅好味。牛里脊份量唔少，味道好好而質感超稔。其他配料有好多菇片，洋蔥片，蔥花，白芝麻粒，口感豐富。炒飯唔係普通炒飯，好濕潤，而個汁甜甜哋，非常好食。整穿隻流心蛋將啲蛋汁撈埋啲飯一齊食仲正！牛油蜜糖單骨雞翼 $65 另加一叫左一客小食分享。係三款口味既單骨雞翼揀左牛油蜜糖口味。單骨雞翼一客五隻全部開一半易食啲，蜜糖汁勁豐富，而雞皮仲係脆嘅，上面仲灑上白芝麻粒，伴碟有一細塊檸檬。兩個人清哂所有野，大滿足！上菜好快，坐低半個鐘多少少就食飽走人。平日一點三左右到，唔洗等位，不過都好多食客。座位可以，不過如果張枱大少少就好d。…Read More

今日黎試下呢間超人氣既餐廳，吉列牛忌廉專門店先。去到都要等左一陣先有位，建議大家可以提早預約左枱先。我地一行二人，但由於三人餐好似望落飽肚又抵食，我地就叫左個3人餐。點餐係佢會比個qr code你落單，十分方便。吉列牛係炸好左外面，再自己放上石板上面燒，感覺新奇，有種參與感係入面。忌廉咖喱烏冬上面鋪滿左厚厚一層忌廉，撈勻後同咖喱毫無遺和感，十分好味另外個飯就比較偏硬，最後試左幾出啖就比左男朋友食，但味道係好食的。…Read More

呢間嘅忌廉咖喱烏冬想食好耐！啱啱開既時間已經想食☺️今次終於有機會！-❣️ 忌廉咖喱烏冬（雞）上碟嘅時候雪白一片，望落非常Heavy啊！但食落一啲都唔肥膩🥰忌廉同咖喱融為一體，就好似平時食咖喱加咗啲淡奶咁樣！唔會特別膩！烏冬軟硬度啱啱好！-❣️ 吉列牛同行嘅朋友仲嗌左個吉列牛定食！跟定食仲有白飯 麵豉湯 同埋麻醬豆腐牛大約有10塊左右😎食落去唔韌，有牛味！又唔會太肥！仲蜜糖芥末醬同埋普通嘅燒汁，想點食都得！-❣ 單骨牛油蜜糖雞翼單骨雞翼簡直係懶人恩物！呢個小食推介大家一定要嗌💁🏻‍♀️上碟嘅時候熱辣辣，數量又多，雞翼炸皮鋪滿蜜糖汁😁 食落有少少肉汁同檸檬香-❣️蜂蜜紅棗茶/ 紫薯latte蜂蜜紅棗茶一啲都唔輸蝕，紅棗味好夠，熱飲非常養生！朋友就揀紫薯latte，記住撈勻佢先至會變紫色㗎🙈如果唔係就好似我哋張相咁！…Read More

今次已經係第三次光臨呢間餐廳，餐廳地理位置非常之方便，喺正旺角中心地段！記得第一次嚟食嘅時候真係好多人排隊，真係大概等咗兩個鐘！今次好好彩中午尾聲時段，唔係特別多人！吉列牛定食 （$148）每次嚟呢度必食吉列牛，佢除咗個牛之外都有啲冷盤小菜，例如芝麻醬凍豆腐…牛記肉質非常嫩身，好有肉汁！個爐嘅火都夠大，唔會要每燒兩舊都要加次火！看似唔多但食落去真係好飽好正！香辣忌廉雞肉炒麵（$78）呢個辣雞麵係韓國品牌好出名好辣嘅公仔麵，雖然平時我都好食得辣，但係唔敢睇小呢個辣醬。好彩係佢溝咗忌廉成個面好易入口，基本唔會好辣，非常之開胃，而且棉質唔會過淋，忌廉好滑身，不錯！Kobekyu 牛油蜜糖單骨雞翼（$65）雞翼炸得非常之香脆，皮薄有肉汁，可惜唔係好食得出牛油味，只有好甜嘅蜜糖味。如果你係螞蟻人嘅話，咁呢一個雞翼一定好啱你胃口啦！雖然餐廳唔算特別平但係食物質素係有保證每一次食完我都非常之滿足期望下一次會再嚟啦！…Read More

已經是第二次來了第一次是疫情之前, 疫情期間很多餐廳都....仍然留低的, 不是大集團便是有真功夫才能留得住客仔果真, 昨晚來到吉列牛, 入座率很高, 幸好預早訂了位佢嘅野好食又平民價, 唔怪得都多人嚟幫襯啦~再次到來, 當然是吃返佢哋嘅招牌菜啦:咖喱牛肉忌廉烏冬, 上回吃過雞肉, 今次轉轉牛肉試試先滿滿一層白滑忌廉下, 隱藏住又香又滑又煙韌嘅烏冬忌廉是泡狀, 撩開攪一攪, 下層就是掛滿咖哩汁的烏冬而忌廉輕盈, 味道不濃, 絕不會遮掩咖哩嘅味道!牛肉份量都很多, 而且很稔身, 整體超好味!烏冬被醬汁包圍著, 但都依然煙韌有咬口, 唔會淋pat pat, 絕對唔會食到滿口漿住嘅感覺牛油蜜糖單骨雞翼雞皮有少少脆, 甜香嘅單骨雞翼食時很方便, 加埋少少檸檬汁, 實食無痴牙 吉列牛定食, 是這裡的招招招牌菜, 是基本必點的份量都多, 定食包括白飯, 面豉湯, 胡麻豆腐和小蕃茄, 當然還有主角: 吉列牛啦吉列牛不是全生血淋淋的放在你面前,  我相信是3成熟左右食幾多先燒幾多, 生熟度又可自行調效邊燒邊吃, 很新鮮燒完的吉列皮仲帶點脆, 唔會變淋身而牛肉都很嫩口, 一D筋都無, 外脆內軟石燒比網燒慢一點, 而且也不易燒燶破壞咗件牛肉, 也能鎖住牛肉嘅汁, 燒完唔會乾同柴皮減飯的男友都成碗白飯食得哂~話哂都食緊熱氣野, 所以大家都點了杯蜂蜜菊花蜜少甜口味, 冷熱都是同一個份量, 抵!…Read More

結婚後嘅一個中午我哋去咗食忌廉烏冬，其實之前都聽過呢度好出名，但係一直都冇黎試，今日終於的起心肝過嚟。由於之前睇OpenRice都會寫住都有人排隊，諗緊應該都未必有窗口位坐，點知上到去一個人都無，只有侍應兩三個，我哋兩個就直接去窗口位自己坐低。侍應都好快攞個餐牌俾我哋，一心諗住試佢哋個忌廉烏冬同埋個吉列牛肉定食，所以都唔使諗好耐就已經叫咗個烏冬嚟先，見到以為叫錯咗定黎錯左！點解會係成個面都白色？？？但係啲咖哩去咗邊呢撈暈之後變返正常，不過由於無餸嘅關係，齋烏冬其實有啲悶吉列牛定食都到了，侍應講解嗰塊鐵板嘅溫度其實係熱嘅，要小心唔好掂到之後就開始自己燒嗰塊牛，都有成七至八件，兩個人食啱啱好…Read More

超鍾意食烏冬嘅我，終於嚟朝聖一下呢間叫做吉列牛忌廉烏冬專門店🤩點咗一個套餐，第一樣包括：吉列牛定食，有一個陶瓷鐵板可以俾你煎熟吉列牛，大家可以決定自己想要嘅熟度🥩 白飯上有 d 飯素 + 麵豉湯 + 前菜有芝麻汁豆腐同一粒細蕃茄仔😅 不過不失 除咗吉列牛定食之外，仲有佢哋嘅招牌菜 - 咖喱忌廉烏冬!!!!!!!重頭戲終於嚟啦，我係為咗佢先嚟呢度嘅😛雖然上網已經睇咗好多相，但係實物一放上枱時候的確嚇一嚇😂 好似一個忌廉蛋糕加蔥 😂😂😂😂😂 加左 “cream” 嘅烏冬其實無影響到咖哩味，有少少酸酸甜甜感，都算配搭嘅 另外加點咗： 蜜糖單骨雞翼👍🏻👍🏻 超級推介！炸得好脆口，價錢$65，所以相對上大約都有九隻嘅👍🏻 都算價錢合理…Read More

自從食過一次石燒吉列牛之後，蕃薯妹就迅速愛上呢一個菜式😍今次朋友仔帶我嚟旺角食呢一間「吉列牛忌廉烏冬專門店」，同樣係出名食石燒吉列牛，而且仲有一樣非常吸引嘅創意招牌菜，忌廉咖喱烏冬，聽個名已經好想試。當晚我哋嚟到餐廳，店內都幾多食客，抗疫期間進入餐廳需要量體溫，冇問題店員就安排入座。 座位與座位之間都用隔板隔開左，等食客食得放心吉列牛Set dinner有三個選擇，方便1-3位客人share享用。我哋order左一個吉列牛定食+咖喱忌廉烏冬，另外叫多一客雞翼。吉列牛定食 $148首先上枱嘅係吉列牛定食，定食入邊包括前菜芝麻醬蕃茄仔、芝麻醬凍豆腐、麵豉湯、米飯同埋主角吉列牛，吉列牛炸到外層鬆脆，入面嘅牛大約3成熟，將牛扒放上石燒爐上面燒熱，只係聽到燒肉嘅滋滋聲同香味已經垂涎三尺🤤 牛肉口感鬆軟，牛味香濃，沾上芥末沙律醬或者燒肉汁兩種風味醬汁，各有各精彩。絕對值得一試！如果吉列牛唔夠食可以另外加錢加配，不過我地嘅食量唔大，就覺得兩個人食一客份量啱啱好😋咖喱忌廉烏冬 $78可以選擇牛肉或者雞肉，我地揀咗牛肉。原來咖喱汁同忌廉可以咁Match！撈勻之後忌廉令到個汁味道好豐富，咖喱味依然香濃，烏冬食落口好滑，好正👍🏻👍🏻👍🏻牛油蜜糖單骨雞翼 $65單骨雞翼食得好方便😋 雖然外層沾滿醬汁，但係口感依然係脆嘅，肉質依然係咁juicy，仲好香牛油味～ 價錢唔貴，質素又好！真係要推薦俾大家🙌🏻蕃薯妹而家寫寫吓又好想再去食過🤣…Read More

對上一次食吉列牛已經係舊年嘅事🤔心癮開始發作😌記得上次係旺角726果棟大廈見過有得食😎於是乎就捉埋老公過去慰籍心靈🤣見到佢餐牌有吉列牛套餐，不過由於我地唔飲汽水🥴所以最後都係散叫😎🔹吉列牛定食$148 ：定食包括咗有麻醬豆腐、麻醬番茄仔、麵豉湯同埋白飯一碗😎相信食過吉列牛嘅都識㗎啦❗️用枱上面嘅迷你鐵板火爐嚟燒，生熟度可以自行調教😌而我就鍾意每邊大約燒8-10秒😍咁就啱啱晒好🤗呢間嘅吉列牛水準都唔錯👍🏻牛肉味香濃，肉質入口幼嫩，一啲都唔韌🤩再加埋炸過嘅外層☺️入口完全係外層內嫩🤤配埋醬油或者芥末醬一齊食，餸飯真係一流😎🔹咖哩忌廉烏冬（牛肉）$78 ：呢個真係比到我驚喜，我覺得佢比吉列牛更加出色🤩最驚喜係我估唔到原來咖哩、忌廉同烏冬呢三樣野係可以組合埋一齊😎佢嘅烏冬本質都好滑溜，加埋忌廉，食起上嚟又滑又Creamy😍而咖哩係日式咖哩，唔會辣☺️超香濃嘅咖哩味道😌呢個真係真心推介👍🏻🔹KobeKyu牛油蜜糖單體雞翼$65 ：上枱果下勁香🤩牛油味比較重，食落夠晒香脆🤤唔油膩❗️單骨食起上嚟又夠晒方便👍🏻我覺得呢個下次可以Encore😎評分味道：5/5服務：4/5環境：4/5性價比：4/5回頭率：5/5…Read More