昭拍耶

Open Now

Now Closed

先前同班朋友去九龍城夜晚諗左好耐都唔知食咩好但一場黎到，又想食下泰菜，九龍城出名嘛:^p諗得到都宵夜時段啦，唔好啦掛？堅肚餓喎！最後我地幾個就決定去風評甚佳既昭拍耶一嚐:^DDD我地去既係舊店，環境裝潢係比較家庭式不過坐得舒服，同埋一大堆人一齊黎坐大圓枱個幾溫馨有別於走型格路線既新店，個人認為中意親近感覺既可以去番呢間服務都冇特別要講既最重要都係大家溝通到，冇爭執，冇錯單，冇漏上……態度方面都係有耐心，職員又都係頗為親切既因此我地吹水傾計都好安心好放得開，唔會話坐立不安，坐如針氊昭拍耶拼盤　$158我地話哂都咁多人，點個拼盤大家分黎食就啱哂可以試多款式，又唔怕食到厭都仲要夾硬清哂同一款食品店方已經將小食對半切好先上枱，份量恰當，仲點會驚食淨喎xd由左上起，雞卷頗是紥實，味道帶有雞肉肉香，冇俾香料味道遮哂咬落去係偏肉稔感覺，並非想像中似魚蛋既彈牙感春卷香脆非常，外皮薄身又唔會吸油至完全半透明入面既餡料幾足，調味剛好，沾上酸辣帶甜既雞醬，十分惹味炸魚餅外皮炸後有焦香，不過唔算極度乾韌既咀嚼間則是彈牙夾爽，稍滲香茅清香炸蝦餅用料叫幾大方既，至少睇到入面係有爽彈既蝦肉，唔係得一大堆凝固既粉漿炸

上了大學後，時間確是過得特別快，無聲無息地又走到了學期尾，今天也是上學的最後一天。正好朋友相約吃飯，我也來個順水之舟給自己來個"完sem"飯。這晚與朋友進城吃個泰國菜，九龍城確是美食匯聚，一街之隔已有數間食店，而泰國食店更甚。聽朋友說這間食店蠻有故事的，食店消失了一段長時間後，在不久之前才由後年輕一輩的店主回到九龍城重開店子。正值晚飯時段，店內早已有幾檯客人，檯面都擠滿多碟菜色，十分吸引。翻過餐單後也叫了數款菜色：青木瓜沙律($38)：切絲上的青木瓜條很爽口，混雜其他蔬菜配料如蕃茄，整個沙律清甜之餘也帶點酸，跟平時常吃的西式沙律蠻不同的，味道更為討好。酸辣無骨鳳爪(free)：是日信用卡優惠送贈的，鳳爪酸辣帶勁，口感也彈牙爽口，若配杯啤酒更為不二之選。原隻燒魷魚($58)：另一道小菜，原隻燒魷魚斬件伴醬汁送上。魷魚每件也煙齦彈牙，不乏鮮甜味。馬拉盞炒通菜($42)：不明什麼是飛天的通菜，還是選了這款。份量十足的通菜用上馬拉盞醬來炒製，每條通菜都掛滿醬汁，爽口且惹味。南瓜咖喱軟殼蟹($88)：整晚最期待的菜色也就數到這款，挖開的南瓜裡盛滿金黃的咖喱汁，當然內裡就有數件軟殼蟹，外表所見份量