Read full review
2015-02-01
3614 views
先前同班朋友去九龍城夜晚諗左好耐都唔知食咩好但一場黎到，又想食下泰菜，九龍城出名嘛:^p諗得到都宵夜時段啦，唔好啦掛？堅肚餓喎！最後我地幾個就決定去風評甚佳既昭拍耶一嚐:^DDD我地去既係舊店，環境裝潢係比較家庭式不過坐得舒服，同埋一大堆人一齊黎坐大圓枱個幾溫馨有別於走型格路線既新店，個人認為中意親近感覺既可以去番呢間服務都冇特別要講既最重要都係大家溝通到，冇爭執，冇錯單，冇漏上……態度方面都係有耐心，職員又都係頗為親切既因此我地吹水傾計都好安心好放得開，唔會話坐立不安，坐如針氊昭拍耶拼盤 $158我地話哂都咁多人，點個拼盤大家分黎食就啱哂可以試多款式，又唔怕食到厭都仲要夾硬清哂同一款食品店方已經將小食對半切好先上枱，份量恰當，仲點會驚食淨喎xd由左上起，雞卷頗是紥實，味道帶有雞肉肉香，冇俾香料味道遮哂咬落去係偏肉稔感覺，並非想像中似魚蛋既彈牙感春卷香脆非常，外皮薄身又唔會吸油至完全半透明入面既餡料幾足，調味剛好，沾上酸辣帶甜既雞醬，十分惹味炸魚餅外皮炸後有焦香，不過唔算極度乾韌既咀嚼間則是彈牙夾爽，稍滲香茅清香炸蝦餅用料叫幾大方既，至少睇到入面係有爽彈既蝦肉，唔係得一大堆凝固既粉漿炸
先前同班朋友去九龍城
夜晚諗左好耐都唔知食咩好
但一場黎到，又想食下泰菜，九龍城出名嘛:^p
諗得到都宵夜時段啦，唔好啦掛？堅肚餓喎！
最後我地幾個就決定去風評甚佳既昭拍耶一嚐:^DDD
我地去既係舊店，環境裝潢係比較家庭式不過坐得舒服，同埋一大堆人一齊黎坐大圓枱個幾溫馨
有別於走型格路線既新店，個人認為中意親近感覺既可以去番呢間
服務都冇特別要講既
最重要都係大家溝通到，冇爭執，冇錯單，冇漏上……
態度方面都係有耐心，職員又都係頗為親切既
因此我地吹水傾計都好安心好放得開，唔會話坐立不安，坐如針氊
昭伯耶拼盤
$158
95 views
2 likes
0 comments
我地話哂都咁多人，點個拼盤大家分黎食就啱哂
可以試多款式，又唔怕食到厭都仲要夾硬清哂同一款食品
店方已經將小食對半切好先上枱，份量恰當，仲點會驚食淨喎xd
由左上起，雞卷頗是紥實，味道帶有雞肉肉香，冇俾香料味道遮哂
咬落去係偏肉稔感覺，並非想像中似魚蛋既彈牙感
春卷香脆非常，外皮薄身又唔會吸油至完全半透明
入面既餡料幾足，調味剛好，沾上酸辣帶甜既雞醬，十分惹味
炸魚餅外皮炸後有焦香，不過唔算極度乾韌既
咀嚼間則是彈牙夾爽，稍滲香茅清香
炸蝦餅用料叫幾大方既，至少睇到入面係有爽彈既蝦肉，唔係得一大堆凝固既粉漿
炸得金黃色，無泛油，鬆脆可口
南瓜咖喱軟殼蟹
$138
76 views
0 likes
0 comments
71 views
0 likes
0 comments
50 views
0 likes
0 comments
軟殼蟹同咖哩係分開上既，可保持軟殼蟹既脆度
炸得香脆，入口不油膩
外殼尤如更為薄脆既炸皮，內層少許蟹肉唔算過老乾柴，仲帶有蟹肉香氣
調味得宜，唔會過鹹至掩蓋蟹肉既微甜
南瓜咖哩真係貨真價實，如名稱般係用南瓜盛起滿滿既咖哩
入面有不少蔬菜，感覺較肉類版本清新
當然啦，用黎蘸點炸物，味道不太複雜就反而更合適！
咖哩稠度剛好，緊緊黏上軟殼蟹
入口帶甜香，同軟殼蟹既鹹香形成對比，相映成趣
雖然我認為咁樣食係幾得意又唔膩口，但朋友就覺得兩者不配搭，都係視乎個人口味既
馬沙文咖喱（雞）
$72
127 views
0 likes
0 comments
馬沙文咖哩香氣濃郁，小嚐一口，花生香味重得讓人以為自己食緊沙嗲
味道甜中帶辣，淡淡椰香配上多種香料製成，香得黎富層次
雞肉稔身，雖然不能說有濃濃肉香，但都唔會話好勁雪藏味或者腥味
上桌會跟主食，我地揀左薄餅
一碟薄餅切開數份，進食時十分方便，我地都可以一齊分享
薄餅烙過後金黃焦脆，外層沒有泛起油光
輕輕拿起一塊，少許酥脆碎屑掉下，其實有如油酥餅
醬汁帶稠，便於醮點薄餅，咖哩味道之濃亦令薄餅膩感大減
泰式炸豬手
$140
120 views
0 likes
0 comments
豬手外皮的確是十分香脆，更帶惹人垂涎既金黃顏色
表面唔係油淋淋，沒有反哂光沾哂油，睇到個樣係會想食而不是倒胃口
豬皮入口是充滿膠質，黏身濃香
而且先是滷過，入味非常，食落比在外面淋醬調味更香更深邃
豬手肉其實反而比豬皮佔量少，勝在香稔易嚼，沒有豬肉易柴韌既通病
香葉辣肉碎炒飯
$68
57 views
1 likes
0 comments
面頭有個煎得金黃如日既煎蛋，賣相吸引
煎蛋其實真心係油既，不過邊緣是非常香脆，有煎過既香氣
當然啦，呢一道菜既重點都係係個炒飯之上
只小舀一匙試試味，香葉清香竟是如此突出及濃烈，讓人停不了口
肉碎刴碎後炒得惹味，又冇咩脂肪團，瘦肉都夠稔軟
而且佢既辣度亦係比我想像中香辣帶麻感，又未及地方中菜既嗆
飯粒是粒粒分明，感覺係濕炒，炒完都係重水分
食落就唔會話有嚼勁，但好彩唔係濕到淋爛姐:^)
成班朋友雖然有第一次見既，但吹水吹到一晚熟絡
真心一講就笑到冇停口，抽水功力中上，係得既！:^\
老老實實，又話搵日由朝早食到夜晚？幾時先？拋個日子出黎好喎！
Post
