Seafood Port Restaurant

呢一間海鮮蒸氣火鍋真係CP值超級高！有刺身又有咁多新鮮海鮮～價錢都只係$318/位😍‼️（逢星期一至四平日仲要免加一/茶芥/小食費）呢個價位真心抵食呀❤️食材又新鮮～絕對可以再encore！📌$318套餐包括有 -🐟先會上刺身拼盤～有三文魚,北寄貝,希靈魚,帶子,油甘魚🦑另小食避風塘鮮魷～送酒小食perfect match1️⃣第一round海鮮/ 鮑魚大蝦扇貝魚件🦐大蝦大隻厚肉～扇貝鮑魚都好大隻！魚件很嫩2️⃣第二round海鮮/花甲花螺🐚花甲超大隻～超級鮮3️⃣第三round海鮮/ 蒸蟹🦀超級多肉多膏～勁鮮甜！4️⃣第四round /蒸雞時蔬烏冬底🐔個烏冬不得了!!吸收晒雞油嘅精華～超級好食！蒸雞肉好嫩滑～5️⃣最後一round / 蟹蓋瑤柱排骨粥🥣最初先放蟹蓋落最底層煲粥,食完以上嘅海鮮到個粥煲到最後岩岩好但其實未食到個粥已經係會超級飽⋯當日探店係星期一都全場full house仲要有人龍等位～所以記得要預早book定位啊✅…Read More

好友大肚唔食得刺身又想食海鮮，於是揀咗蒸海鮮。負責訂枱嘅話喺openrice見食評唔錯所以試一試。佢哋算係廚師發辦形式，menu只寫有幾款海鮮，幾款配菜，要落單時問侍應先知。我哋當日因為只得3個人，所以只可以揀$398/位嗰款餐，另外有一款$498/位要6人以上先可以揀。上蒸海鮮之前先上一盤刺身，然後就係龍蝦同斑馬瀨尿蝦，侍應姐姐會全程幫你蒸，自己完全唔使郁手。佢先將龍蝦頭同腳拆落嚟放入鍋煲粥，然後再喺上面蒸龍蝦同瀨尿蝦，侍應姐姐會set好時間，夠鐘嗌佢過嚟就ok，佢會幫忙夾上嚟再放其他海鮮落去蒸，如是者直到你食到雞件蒸烏冬為止，最後就係充滿海鮮精華嘅粥。龍蝦同瀨尿蝦好新鮮，而且瀨尿蝦將近有女仔前臂咁長，蝦同扇貝都好食，沙白一般，青口我唔食唔知好唔好味。蟶子唔算大隻但冇沙，另外仲有鮑魚同馬友。尾聲的雞件蒸烏冬有驚喜，雞油滲晒落手打烏冬度，好夠味，不過啲南瓜同芋頭都偏硬。最後因為食到好飽，個粥食唔落要打包，但煲得好綿又好鮮，宵夜直接成兜食晒。…Read More

爸爸知道我鐘意食海鮮🦀🦐🐟，特登訂左枱去“小漁港”，媽媽超級期待😍。店舖裝修同個名一樣，牆身及擺設都放有帆船⚓既佈置，坐位夠闊落。我哋揀左“是日廚師智選套餐“$318/位，套餐有一款主食，四款時蔬🌽，八款時令海鮮及刺身拼盤，最重要星期一至四套餐埋單❎免加一，❎免茶芥，❎免小食，真係好抵食👍。天婦羅蕃薯仔：熱辣辣即炸，外脆內軟仲要勁甜😋。刺身拼盤：全部都好新鮮肥美，食完爸爸話己經好飽，同我講要我加油海鮮，結果仲食得多過我。八款時令海鮮：套餐有貝殼三寶（花甲，黃蜆，東風螺），肉蟹，鮑魚，海蝦，馬友，扇貝，但姐姐話因為我哋隻肉蟹細隻，所以今次仲有瀨尿蝦。我哋食完刺身，姐姐就會幫我地放上去較時間蒸，夠鐘又會過黎幫我地開蓋，又會攪下個粥底，服務一流😘。每樣海鮮蒸既時間都吾一樣，貝殼三寶好乾淨👌無沙，扇貝鋪上滿滿嘅粉絲夠大隻又彈牙，肉蟹🦀都吾細隻啖啖肉，魚肉🐟蒸到岩岩好夠滑，瀨尿蝦做完運動好容易脫殼，真係食得好滿足。四款時蔬：最尾蒸既有勝瓜，粟米🌽，芋頭，南瓜，蕃薯仔🍠，蟲草雞🐓及烏冬。烏冬吸曬蟲草雞既精華，雞肉嫩滑岩岩好。一開始就放左蟹蓋同排骨一齊煲，粥底吸晒海鮮既精華，原來仲加埋瑤柱粒一齊煲，連平時吾食粥既我都食左兩大碗，大人小朋友都食得好開心。最尾既甜品入面係豆沙餡料，吾會好甜。📍小漁港海鮮舫 鮮蒸‧鮮味火鍋📌太子荔枝角道127-133號地舖#小漁港 #海鮮餐 #甜番薯 #刺身拼盤 #火鍋 #粥底 #ilovefood #hkfoods #hkfoodblogger #yummy #foodie #香港美食 #美食推介 #美食日記 #太子美食 #太子好去處 #hkkol #blogger #hkfoodie #親子 #全職媽媽 #育兒日記 #育兒 #育兒日常 #寶寶日記 #成長記錄 #凍檸茶…Read More

有得食蒸海鮮的地方已買少見少，太子「小漁港海鮮舫 鮮蒸•鮮味火鍋」是我近期的新發現，食材新鮮，而且好抵食，如果要過來試一定要book位，因為真係好full好多人，當日係全場爆滿。是日廚師智選套餐｜$318/位🔸 刺身拼盤有三文魚、油甘魚、北寄貝和象拔蚌，全部刺身都是厚切，而且十分新鮮🔸 椒鹽豆腐豆腐炸到金黄香脆，配上炸香的蒜粒就更惹味🔸8款時令海鮮肉蟹、鮮蝦、蠔、鮑魚、粉絲扇貝、馬友、青口、蜆分了3個時間來蒸，因為不同食材，需要不同時間來蒸熟。🔺第1 回 - 先蒸鮮蝦、鮑魚、粉絲扇貝、馬友鮑魚爽口彈牙，馬友魚肉肉質好鮮甜嫩滑，粉絲吸收了扇貝的汁，所以十分鮮味。🔺第2 回 - 蠔、青口、蜆全部都好鮮味，蜆完全無沙，讚🔺第3 回 - 肉蟹肉蟹超級大雙，蟹肉是頂殻的，十分肥美，肉質超甜，好正🔸4款時蔬有勝瓜、小蕃薯、粟米，芋頭，再配上蟲草花蒸雞烏冬蒸就後，雞的肉汁融入在烏冬當中，令烏冬帶有濃濃的雞湯，十分惹味，雞肉也十分滑嫩。🔸蟹粥在上刺身的時候，店員已將蟹蓋先放到鍋底，加入了米、豬肉、瑤柱，煮了大約1小時後，一鍋美味的蟹粥就完成了，蟹膏完全融入粥底中，也帶有瑤柱和豬肉的甜味，這蟹粥真是清甜可口，就算再飽也可以吃上幾碗🔸甜品最後甜品是黑糖和菓子，為這餐豐富晚餐畫上完美句號…Read More

前幾日去深水埗見到有間蒸氣海鮮，食飯時間好旺場，去到9pm都仲有人嚟食～ 門口有幾個大魚缸，養咗好多海鮮，包括斑馬賴尿蝦，肉蟹，波士頓龍蝦，鮑魚等等，全部都好生猛～入到去係傳統中式菜館嘅設計，梳化位坐得幾舒服～餐前送酒小食有蕎頭同脆炸黃豆，黃豆炸得好香脆可口，少少辣好惹味燒魚干 $48口感香脆，惹味可口，除咗鹹香中帶點魚香味同醬油味，點埋沙律醬食非常夾，送酒一流～刺身拼盤通常火鍋店嘅刺身拼盤都係麻麻哋，估唔到呢度嘅刺身拼盤質素唔錯～ 有三文魚、北寄貝、帶子、油甘魚、象拔蚌～ 三文魚肥美鮮美；帶子厚身鮮味；象拔蚌刺身都唔係度度有得食，好爽口鮮味👍🏻波士頓龍蝦蒜蓉開邊蒸龍蝦最正，肉質爽口彈牙，好鮮味～鮮海蝦海蝦新鮮，蝦肉結實鮮味，肉質爽口彈牙～鮑魚鮑魚大大隻，洗得好乾淨，肉質爽口完全唔韌～扇貝蒸完都無縮水，入口啖啖肉又鮮甜，配上粉絲吸收咗扇貝嘅精華最夾～貝殼三寶包括蟶子、青口、蜆肉～ 蟶子新鮮有咬口；青口大隻飽滿；蜆肉鮮味，一粒沙都唔會有～農家四寶蟲草花蒸雞配烏冬雞件一啲都唔肥，配上養生蟲草花好入味～農家四寶包括南瓜、芋頭、粟米、節瓜，食咗咁多海鮮食返啲菜平衡下～ 烏冬好滑溜，吸收咗蟲草花同雞肉嘅精華好入味～元貝粥底粥底煲到好綿，加入元貝、排骨，再加上之前蒸完嘅海鮮精華，味道鮮甜，推薦一定要留肚食粥～呢餐食得好滿足，海鮮份量同種類夠晒多，海鮮新鮮鮮味～ 店員都非常細心，每樣海鮮都把握最佳時間蒸同起鍋，令海鮮啱啱好熟又唔會過火，而且非常快手～ 食飯時間真係幾爆場，記得訂定枱就唔使排隊等～…Read More

主打蒸氣火鍋焗海鮮餐♨️睬用優質食材🦞🦀款款海鮮都是每日新鮮採購🦑🦪味道鮮甜，原汁原味😋每款海鮮都只需蒸約3~5分鐘⏳輕鬆簡單，即可享受海鮮大餐🤗吃完海鮮🐟🐚最後品嚐底層充滿海鮮精華的粥底🤩，粥底軟綿，鮮味十足🤤…Read More

相信大家都知道我真係好鍾意食海鮮😍而呢間主打就食蒸氣海鮮火鍋，因為用蒸氣蒸熟啲海鮮，所以對於海鮮既新鮮程度係好講究的！-🌟是日廚師智選套餐 $318/位呢款套餐包括有刺身拼盤、八款時令海鮮、四款時蔬及一款主食，真係好豐富，食左差唔多兩個鐘，完全係捧住個肚咁走🤰🏻仲要逢星期一至四係免加一免茶芥，真心抵食❤️-🎈刺身拼盤裡面有三文魚、帶子、北寄貝、象拔蚌和油甘魚，成日以為呢啲中式既蒸氣火鍋所附送既刺身應該麻麻地，但又比想像中好，都幾新鮮同埋厚切😝-🎈避風塘炒鮮魷炒得好有鑊氣，香脆得來夠惹味！🌶️一定要提及既係炒香左既粒粒炸蒜，就咁食都勁好味😋-🎈時令海鮮 首先店員會先蒸肉蟹同蟹蓋，熟左後就會直接將蟹蓋放落去粥底到熬，等肉蟹既精華慢慢滲入去鍋粥到～之後就開始蒸粉絲扇貝、海蝦🦞、鮑魚同埋馬友，每款海鮮所蒸既時間都有所不同！鮑魚超爽口彈牙；海蝦好新鮮；扇貝勁大粒，肉質鮮甜，配埋粉絲認真不錯😌建議可以加少少豉油去帶出它既鮮甜～而馬友肉質嫩滑，基本上真係啖啖肉，好肥美，魚油十足！之後仲食左蟶子、蜆肉、青口同賴尿蝦！賴尿蝦真係好新鮮，未蒸前仲係好生猛仲識郁既🤭-🎈蟲草花蒸雞及烏冬初頭以為食哂海鮮就直接食粥底，點知原來仲有蟲草花蒸雞及烏冬同埋啲時蔬，包括有粟米、蒜蓉勝瓜、紫薯bb、南瓜芋頭等。雖然已經好飽，但同男朋友仔仍然好欣賞個蟲草花蒸雞，好滑好有雞味！而啲烏冬完全給付哂啲雞油，好好味！🥰-🎈瑤柱粥底火鍋最後最後，仲有瑤柱粥底火鍋等住我地😍之前所有蒸海鮮既精華都完全滴哂係煲粥裡面，仲有啲瑤柱豬骨去調味提鮮，食落好鮮甜，飽到咁都忍唔住要繼續食個粥啊，真係唔好浪費😳😳-🎈甜品估唔到最後仲有埋甜品，煙煙韌韌咁而裡面係紅豆餡料，超圓滿的晚餐！🥳-🔸小漁港海鮮舫 鮮蒸•鮮味火鍋📍太子荔枝角道127-133號地下…Read More

這間海鮮專門店位於太子附近，店外巨型的魚缸養滿多種鮮活的海鮮，海鮮即叫即撈起。餐廳主打海鮮蒸氣火鍋，能品嚐多種鮮味海鮮。用餐期間，侍應會放入食材及操作烹飪時間。是日廚師智選套餐 - $318/位逢星期一至四免加一、茶芥及小食小食一款是酸甜可口的酸橋頭清爽脆口，另一款則是炸青豆酥脆不膩。刺身拼盤六款時令刺身包括三文魚、油甘魚、帶子、北寄貝和馬刀貝。當中的馬刀貝較特別，豐厚的貝肉甘甜飽滿，有濃郁的海洋滋味。一款主食避風塘炒鮮魷金黃酥脆的即炒鮮魷充滿鑊氣，厚身的魷肉特別鮮嫩彈牙，富避風塘濃郁的蒜香和微辣。八款時令海鮮蒜蓉粉絲蒸扇貝大大隻蒸扇貝雪白肉厚，肉質鮮甜爽彈，晶瑩剔透的粉絲富蒜香之餘，更吸飽扇貝的肉汁。鮑魚厚肉爽身的鮮鮑魚特別鮮嫩有彈性，鮮甜的鮑魚味好突出，有清新的海水味。馬友魚豐溢魚脂的馬友魚很濃郁，細膩的魚肉綿滑爽口，幾乎沒有魚刺。蝦新鮮海鮮的肉質特別爽滑彈牙。瀨尿蝦肥美飽滿的蝦肉含水分超多，肉味鮮甜嫩滑，有獨特鮮香。蜆蜆肉好鮮甜，入口沒有沙。蠔清蒸生蠔保留鮮嫩的原味道，富清新的海水鹹香。青口大大隻青口肥美肉厚，入口鮮甜香滑。肉蟹肉蟹全身上下也充滿著鮮甜飽滿的蟹肉，尤其蟹鉗位置啖啖肉，拆開流出濃郁蟹肉汁，蟹身更帶少少甘香的蟹膏。四款時蔬蒜蓉蝦米勝瓜，那肉質緊密而結實的大蝦乾充滿風味，還有芋頭、南瓜及粟米。蟲草花蒸雞烏冬幼滑細膩的稻庭烏冬吸飽荷葉之餘，更吸飽鮮雞件流出來的黃油，脆嫩爽滑的蟲草花為鮮雞件提鮮，嫩滑又多汁。海鮮粥底整餐的海鮮、肉類及蔬菜蒸出來的精華，都流進這鍋粥內，精美無比。甜品黑糖紅豆糕煙韌略黏的紅豆糕富紅豆的沙沙感，更有陣陣香甜的黑糖。…Read More

周六共三位朋友約左諗住食餐海鮮，但係成個用餐體驗就比一個老細搞wan晒🤷縱觀全部海鮮都新鮮、味道正常，姐姐都幾好服務，就係個老細態度有問題。食左成餐，個老細就鬧左D員工咁耐，明明個姐姐執緊其中一個客的碗碟，個老細一把老牛聲：「呀X，你擺低D野過嚟！！」叫走左個姐姐鬧！！？？我見到個客個樣當堂「吓？」左出嚟😨。老細成晚就係走嚟走去，老點D員工去邊枱邊枱做野。佢一定覺得間店多得佢睇實，其實成日打斷姐姐D工作就真，而且忙極佢都係出把口only。老細一定覺得自己運籌帷幄，好enjoy掌控全局的感覺。因為本身我張枱睇到廚房門口，見到老細唔係淨係樓面鬧，佢廚房門口又鬧，員工洗緊海鮮又要比佢鬧，仲要係嗰種不可一世的態度，大大聲比客聽到咁鬧：「我叫左你做咩就做咩，照我講咁做，唔好做多做少，你明唔明呀？！」咁嘅意思重複左兩三次咁鬧。下次應該又會話「你見到個枱要幫手就醒水啦，唔好一look木咁！」🤷最慘就係D姐姐跟著個咁嘅老細，返工勁大壓力。講返餐飯，我哋要左$398價位的套餐，但係個粥好搵苯，要另加$78先有，本身個餐有埋烏冬，三個女仔夠食有突就無加到，但係成$400一個餐連粥都唔包就唔係咁合理啦。而且去到賣單，原來仲收茶芥（D茶淡如水）同小食錢（花生、蕎頭） ，加加埋埋每人$459總共$1377，佢仲要求$1500以下要比現金，正常咁大金額點會比現金呀，收埋咁多附加費，夠老細比信用卡手續費有突啦！跟住我哋咪話無咁多現金攞，個老細先肯收信用卡，仲要當住我哋面前反左個大大白眼🙄。一開始上左一碟刺身先，其他三文魚嗰D都好正常，帶子仲甜甜地添，但個象拔蚌就麻麻地。師父切得厚，而且個色又唔係平時白雪雪嗰D，應該係尾位，食落仲有少少腥，所以我哋蒸熟左先食，反而正路D😂之後的蒸海鮮都好正常，不過佢係行無調味風格。佢就有個醬料吧，比客人調豉油點海鮮食。其實只要海鮮新鮮加少少咸味就好好食。不過跟帶子的粉絲同最後的蒸雞蔬菜烏冬盤的栗米，始終要蒸多次先夠熟食得落。老老實實，成500蚊一餐，老細又咁趕客，真係無下次。…Read More

🌟小漁港海鮮舫 鮮蒸‧鮮味火鍋 🌟呢間餐廳都係朋友介紹🙌🏻話超級抵食，咁我就梗係急急腳去試吓😎睇吓有乜嘢咁有料到。咁佢有幾款唔同嘅蒸氣火鍋套餐可以揀💁🏻‍♀️就按人頭收費。📋$398/位 海鮮蒸鍋套餐parco發板餐▫️餐前小食 - 蕎頭、炸豌豆。🔅刺身拼盤🍣- 三文魚腩，吞拿魚腩，帆立貝，希靈魚，北極貝，象拔蚌。刺身全部都好新鮮👍🏻 象拔蚌最驚喜💕口感非常爽脆，味道鮮甜。🔅避風塘鮮魷🦑 -炒得好有鑊氣，魷魚食落口彈牙惹味👍🏻🔅八款時令海鮮：▫️龍蝦🦞 -使用蒜蓉調味提鮮，龍蝦肉厚身飽滿，入口好鮮味多汁，肉質緊致👍🏻👍🏻▫️賴尿蝦 -上台嗰陣仲好精神😂扎扎跳。賴尿蝦好大隻🙌🏻有我兩個手掌咁大👍🏻▫️海蝦🦐 -個頭不大，但食落去好鮮甜。▫️馬友魚🐠 -魚肉嫩滑，好重魚脂香味，基本上冇乜骨。▫️南非鮑魚 -事先經過處理，刷得好乾淨。肉質彈牙爽口。▫️蒜蓉粉絲蒸元貝 -大大粒元貝配上粉絲和蒜蓉。元貝好厚身，粉絲吸收左元貝的鮮味再加上滿滿嘅蒜蓉，冇得輸🤤▫️蟶子皇 -又係大大隻，鮮味十足▫️沙白蜆 -好鮮甜👍🏻👍🏻▫️蠔🦪 -開殼嗰陣保留左原有嘅水份，鮮味十足👍🏻👍🏻蠔肉都厚身。🔅四款時蔬▫️南瓜▫️粟米▫️芋頭▫️勝瓜🔅主食 -蟲草花蒸雞(烏冬)時蔬係同埋個主食一齊攞去蒸，雞肉柔嫩肥美，烏冬吸收曬雞油同蟲草花嘅精華，好好味！！🔅海鮮粥(掛住食已經唔記得影相😭） -粥底會加入豬骨，龍蝦頭一齊去煮，因為由一開始食就已經煮緊，蒸緊嘅海鮮嘅汁水會滴落煲底，所以個粥充滿各款海鮮精華，口感鮮甜。🔅甜品 -黑糖紅豆糕 食落去煙煙韌韌，不會太甜👍🏻💁🏻‍♀️ 全波食材都好新鮮、優質，基本上就係原汁原味攞去蒸，去食食材本身嘅鮮味👍🏻👍🏻💘咁呢個價錢可以食到咁高質嘅嘢，包你一定食到飽飽走😂最後嗰個海鮮粥係外賣返屋企。真係好推介❣️🏘 餐廳乾淨企理、坐得舒服。💰星期一至四 免加一 免茶位 免小食 （建議大家星期一至四去食，平好多）❗8:30去到已經坐滿晒🙌🏻好彩我都係提早book定位😂建議大家想食最好book 定位先🫰🏻🤵🏻🤵🏻‍♀️：姨姨服務好好，會幫一直我哋蒸嘢食。枱面設有鉸剪等工具，供顧客拆殻食海鮮。…Read More

真係飽到上心口嘅一餐😂😂😂海鮮蒸鍋套餐每位 $298，星期一至四仲免加一！估唔到個套餐咁多野食🥰🥰🥰我地一早訂左位揀左星期三去，但都好full 呀! 想食既朋友們真係要book 定位呀🙌🏻門口有啲魚缸養住啲海鮮，睇到都想食😜坐低後，先點好野飲，有汽水，啤酒，鴻福堂飲品等等😗😗揀好後，就上刺身啦👍🏻👍🏻出面有醬料可以自己任意配搭👌🏻見到鍋入面已經放左米，元貝同排骨，準備煲粥啦😋如果你擔心唔識點樣蒸海鮮好食，唔知蒸幾耐，呢度就啱晒啦，有姐姐全程服務，每一款海鮮都蒸得剛剛好👍🏻👍🏻👍🏻👍🏻🔸刺身拼盤▪️有成5款刺身，樣樣都非常新鮮👍🏻👍🏻佢既wasabi 10級辣，點少少就好啦😂😂😂🔸餐前小食-避風塘炸魷魚🦑▪️正👍🏻超香口，唔會太辣，怕辣嘅卡幫妮都食到😋😋🔸第一蒸- 馬友，鮑魚，扇貝，蝦▪️馬友魚估唔到清蒸係咁滑嫩呀，鮑魚彈牙，扇貝加埋粉絲同蒜蓉食好滋味😋蝦非常鮮甜，新鮮👍🏻👍🏻👍🏻係呢個時候，啲粥都煲咗一陣，姐姐就同我地講要將蟹蓋連埋入邊蟹膏放落去同啲粥一齊煲😋😋諗起陣間有得食都流晒口水呀！🔸第二蒸 - 生蠔，蜆，東方螺▪️生蠔大大隻，鮮甜又多汁，蒸到剛剛好👍🏻👍🏻蜆同東方螺都好正👍🏻👍🏻🔸第三蒸- 賴尿蝦▪️超大隻賴尿蝦出現啦👍🏻👍🏻擺佢落去時仲識郁㗎🙈咁生猛肉質當然就非常彈牙啦！啖啖都係肉呀😋🔸第四蒸 - 膏蟹▪️頭先擺咗個蟹蓋落去煲粥嘅勁大隻膏蟹出現返啦😙😙😙好正呀，好多好多膏，又香😍😍😍食到停唔到口！ 🔸第五蒸 - 蟲草雞，烏冬，芋頭，南瓜，絲瓜，日本番薯仔▪️樣樣都好味唔係講笑😉😉蟲草雞調味好正又嫩滑，加埋烏冬一齊食，正👍🏻另外我都好鍾意食佢嘅蔬菜，尤其係芋頭同南瓜，好鮮甜😋😋🔸吸收晒海鮮精華嘅粥▪️食到呢度我已經覺得非常飽，但係眼前嘅粥真係好吸引😍😍吸收晒海鮮精華非常美味，加埋啲蟹膏同排骨，係好飽嘅情況下我都食咗兩碗，剩低嘅亦都打包攞走咗🥰🥰🔸紅棗紅豆蓉糕▪️臨尾食個可口嘅甜品，完美結束🥳🥳🥳海鮮蒸鍋套餐實在超抵食👍🏻兩位$600有找😋😋冬天食完暖笠笠🥰🥰…Read More

這次蒸海鮮🦞是十分優惠的，298免加一，所有海鮮都十分新鮮，特別是瀨尿蝦，另外肉蟹也十分鮮甜。蒸烏冬及時蔬也是十分之美味，連平時雀仔肚的朋友也比平時食多了許多，最後那個甜品也是一絕，像紅棗糍粑，必定要試！全部朋友都一致讚好！我平時也很喜歡食海鮮，今次選擇呢間也很岩我口味，前菜有酸蕎頭，很好吃！雖然地理位置比較偏僻，有點兒難找，但價錢優惠也不介意這一點了！我也推介了給其他朋友們一試，喜歡海鮮🦞的人值得一試鮮味之夜！…Read More

終於迎來我同另一半人生第一次去食海鮮蒸鍋，呢啲咁重要嘅時刻當然要記錄低啦🤣海鮮蒸鍋 $298@位套餐包咗：8️⃣款時令海鮮2️⃣款刺身4️⃣款時蔬1️⃣款主食首先上枱嘅係照燒魚乾同埋刺身拼盤，原來刺身唔止2款咁少，包括三文魚、油甘魚、帆立貝、馬刀貝、北寄貝、甜蝦，種類繁多，鮮而不腥😋每輪蒸鍋都有特定嘅時間，務求令到熟度剛剛好，唔會浪費食材蒸鍋第1️⃣輪：2片馬友、2隻鮑魚、4隻蝦侍應姐姐建議先食魚，如果唔係凍咗會腥，馬友入口即溶，鮑魚爽口彈牙，仲要拆咗肉，超方便👍🏻第2️⃣輪：2隻斑馬瀨尿蝦大隻到同筷子差唔多長，橫躺喺整個蒸格上，以呢個size嚟講，喺呢輪淨係蒸2隻蝦，絕對唔出奇🤣姐姐建議蒸完後放置幾分鐘先食，味道會更佳，果然非常鮮甜，肉質偏淋身，啖啖肉好過癮🤤第3️⃣輪：蟶子係蒸完等緊食瀨尿蝦嘅同時，已經KO咗呢2隻蟶子，由於熟度啱啱好，所以粉絲煙韌有咬口，蟶子新鮮爽口（其實食完呢輪都已經飽飽地🤣）第4️⃣輪：貝殼類海鮮包括2隻生蠔、2隻青口、4隻大蜆，鹹鮮味十足💦第5️⃣輪：蟹蟹蓋一嚟就加埋落去煲粥，有超多蟹膏，雖然未至於啖啖肉，但蟹都算多肉😋第6️⃣輪：農家四寶+主食農家四寶指粟米、南瓜、紫薯仔、勝瓜，蔬菜仲有芋頭，主食係荷葉蟲草花蒸雞烏冬，烏冬索晒蟲草花雞汁嘅精華，既養生又入味，蔬菜就有清喉嚨作用最後食埋承載住海鮮精華同埋蟹膏嘅粥，為呢餐海鮮蒸鍋畫上一個完美嘅句號☺️整體嚟講，海鮮食材新鮮，熟度控制得非常好，份量多到我哋食唔晒，要打包拎走🙈有着數益街坊！原來星期一至四去超抵食！免加一、茶介、小食費，一個人$300都唔洗就埋到單😙…Read More

前幾日趁住放假，同男友去咗食海鮮蒸鍋，去咗一直都想食好耐又幾出名下嘅小漁港食，雖然我係第一次食呢間，但已經非常impressive，因為佢嘅海鮮真係好出色，唔出post推介都唔得！😌食蒸鍋前我哋加咗個日本蕃薯仔天婦羅，唔記得咗加幾錢，但份量好多下，第一次食炸嘅蕃薯仔，加埋沙律醬，估唔到又幾好食！不過食兩三粒已經夠，要留肚裝更重要嘅嘢🤪🔸 是日廚師精選套餐 $298/位 推❗️我哋每人揀咗個廚師精選套餐，餐廳會根據時令嘅海鮮嚟作配搭。蒸海鮮前，估唔到仲有刺身拼盤食😝 佢嘅刺身一啲都唔馬虎，有三文魚、油甘魚、北寄貝、帆立貝同牡丹蝦，每樣都超新鮮，魚身切到好厚，最鍾意係佢嘅牡丹蝦，鮮甜爽口，仲有少少蝦膏添😋跟住就到主角——蒸海鮮啦！第一輪食嘅嘢已經好豐富🤩 馬友蒸完依舊好滑，完全唔需要加任何調味料，就咁食已經好鮮味！粉絲蒸元貝都不得了，個元貝超大隻，佔咗成個殼嘅一半以上，如果再嫩少少就perfect! 粉絲鋪到勁滿，加上面頭嘅蒜蓉，一流嘅配搭😍 而個鮑魚都好大隻下，污糟野已經清潔好哂，食落啖啖肉，好爽口彈牙，不過略嫌清蒸唔太夠味，點上醬汁食會更好🧐跟住就到期待已久嘅龍蝦上場😚 龍蝦都算大隻多肉，面頭鋪咗滿滿嘅蒜蓉，好正😋 龍蝦肉夠哂彈牙，啲肉唔會食落好霉，就咁撈啲蒜蓉食已經好好味！加上份量都幾多，隻鉗夠大隻，都算幾多肉食，滿足😆之後又係蝦，不過今次係海蝦！蝦身夠大隻，每人三隻，份量都唔少！蝦肉食得出好新鮮，蒸得啱啱好，唔會過老，同樣都係爽口彈牙，不過當然係龍蝦肉好食啲啦😚而貝殼三寶包括有鑽石蜆、大蜆同蠔☺️ 兩隻蜆都超級鮮甜，而且都好大隻下，份量夠多，絕對唔馬虎👀 而蠔肉好飽滿，有鹹鹹哋嘅海水味，鮮味十足👍🏻除咗海鮮之外，估唔到仲有安格斯牛肉食🤩 食落牛味幾重，蒸完一啲都唔韌，唔會過老，仲係好滑下，食嘅時候口腔充滿咗油脂，無諗過蒸嘅牛肉都咁好味😋最後呢個菜式真係好驚喜😍 蟲草花蒸雞平時食得多，估唔到撈埋烏冬一齊食係咁夾架！烏冬索哂啲雞汁，好入味，就算食到勁飽都想繼續食🤤 另外，佢仲有其他配菜一齊蒸，全部都蒸到好腍好入味，但最後實在太飽，同埋要留返少少位食滿心期待嘅排骨粥🤣我哋特意加咗呢個瑤柱排骨粥😌 個粥吸收晒咁多海鮮嘅精華，再加埋煲粥一流嘅瑤柱，好鮮味☺️ 啲排骨又煲到好腍，好好食呀！最後我哋都食唔晒，要打包走🤭總括而言，️呢間海鮮蒸鍋真係超高CP值，價錢中高，但食嘅海鮮絕對物超所值，真係好新鮮好滿足🤤，而且佢哋嘅店員服務好好，會主動幫手夾埋比我哋食，呢間海鮮蒸真係非常推薦👍🏻😎…Read More

Book左8點食準時入得去蒸過嘅餐具滾熱水放心食用。坐低姐姐比咗小食花生+'喬'頭同問我哋飲咩，仲有茶。姐姐們都好好服務同有禮貌。一來係刺身拼盤，份量為2人岩岩好揀左椒鹽豆腐做前菜，因為真係要留肚食以下嘅海鮮，豆腐份量好多，椒鹽好香口仲有少少辣香，好正！第一轉蒸嘅係蝦，魚同鮑魚魚好滑有少少調味？完全唔會腥鮑魚蒸熟都好大隻好爽口，正由開始蒸海鮮已經煮嘅粥底，材料好多再來就係食大大隻瀨尿蝦，真係好大隻，2隻都係公，無膏嘅，但肉好甜。食緊同時就蒸靚牛，好快食得。估唔到蒸牛完全唔輸打邊爐，牛味會濃d跟住係食蜆同蠔啦，鮮味十足最尾一轉係我最鍾意嘅蟹，肉蟹！D肉好厚好多，少少膏有dd苦澀，但唔影響d肉，連腳都有肉食放係最尾慢慢食食蟹同時蒸虫草花雞烏冬，當第一啖食d烏冬係煙Un 有調味過，好juicy好正！但真係已經好飽，食唔晒都唔好晒！記得打包最後係一開始已經好期待嘅粥底，好努力食左一小碗，因為偏稀而且已經煲到好棉，好多小干貝好鮮甜，當然主要係之前蒸海鮮嘅精華入晒個粥度。呢一餐真係滿足到要打包返屋企。好岩想每樣海鮮都食到又唔自己買自己處理嘅人呀，呢個價錢食完仲可以抱住個肚走！推介！…Read More