Thai Chef Thais Restaurant

尋晚同朋友去咗旺角近太子嘅「泰廚」晚飯🤤其實以前喺太子返工時，耐唔耐都會去呢度食lunch，佢係抵食又好味嘅指標🤭最抵就係需家有「一蚊」優惠，下午6時後凡惠顧小菜滿$300可任選一款！泰式生蝦有4隻，隻隻都冰涼爽甜，點埋個泰式醬汁勁食正！泰式海蜇外貌平平，但食落爽脆彈牙酸咪咪好醒胃👍🏻二人套餐🩷🍕泰式咖哩白貝+薄餅份量超大嘅咖哩香濃得嚟又帶啲椰香，白貝鮮甜厚肉👍🏻我地用薄餅點滿咖哩汁嚟食，真係要大讚呢度嘅薄餅，從未食過煎得咁香脆嘅薄餅，你一定會忍唔住食多幾件！🍲 冬蔭海鮮湯湯底飲得出係足料熬嘅，香茅同南薑嘅味好出，酸辣味剛剛好唔會一味死辣，係慢慢喺個喉嚨度滲出嚟😍🥬 泰式炒通菜夠鑊氣味道濃郁得嚟又唔會過鹹，仲帶微微嘅辣味，水準之作令人食唔停口！🧆小食拼盤、肉碎生菜包 (另加)拼盤樣樣都炸得香口，魚餅彈牙、春卷香脆！沙嗲串燒更加喺呢度嘅王牌！生菜包嘅肉碎炒得夠香，用新鮮生菜包住食，口感豐富又唔膩。🍬芒果糯米飯芒果又大又甜，暖粒粒嘅糯米飯軟糯，淋上椰奶，完美結束呢頓飯👍🏻 …Read More

#MC帶你去旺角.天氣又熱又焗，特別想食泰國菜，酸酸甜甜又辣辣地，特別開胃～➖✨ 泰廚泰國菜館.餐廳主打各式各樣泰國菜，由泰國師傅主理；雖然店面不大，但店內掛滿泰國人像畫、擺放佛像等，充滿道地泰國風味。➖➖➖➖➖➖➖➖➖➖➖➖➖➖🥢 泰式咖哩二人餐｜$328.┌──────────────────────┐🔹🔸 炒白貝 + 炒通菜 + 湯品 + 兩碗白飯 + 青檸冰／香茅冰 🔸🔹└──────────────────────┘➖🥢 泰式咖哩炒白貝 ✨人氣之選✨.泰式黃咖喱搭配椰奶煮成醬汁，白貝份量幾多又掛汁入味！➖🥢 泰式炒通菜.泰式炒通菜香氣十足，通菜無渣，入口又不會太辣。➖🥢 冬蔭海鮮湯.冬蔭功湯非常惹味，湯頭有大量泰式香料，味道香濃帶酸微微少辣，開胃又惹味；配上多種海鮮，有大蝦、魷魚、白貝、青口等等，用料十足。➖🥢 青檸冰.用上新鮮青檸，酸爽又清新！➖➖➖➖➖➖➖➖➖➖➖➖➖➖🥢 泰式生蝦｜$1 ✨一元菜式✨.一碟四隻泰式生蝦，口感爽脆彈牙，搭配泰式酸辣汁，酸酸辣辣，加上香蒜片及辣椒圈，更加開胃。➖🥢 泰式海蜇｜$1 ✨一元菜式✨.海蜇質地滑溜，口感爽脆，配上泰式醬汁，清新開胃！➖🥢 串燒沙爹（燒和牛串）｜$28／串 ✨人氣之選✨.厚切和牛串一面燒焦香，另一面燒至僅熟，入口超軟腍多汁，加上泰式醬汁，好惹味。➖🥢 串燒沙爹（燒豬頸肉）｜$28／串 .一串三大件厚切豬頸肉串，爽滑彈牙，淋上秘制沙爹醬夾雜著花生碎，十分搭配。➖🥢 串燒沙爹（燒雞肉）｜$18／串.雞肉串表面塗上蜜糖醃料，入口偏甜，肉質嫩滑有咬口，淋上秘制沙爹醬夾雜著花生碎，口感一流。➖ 🥢 椰青｜$44.椰青水好清甜，解膩又消暑。➖➖➖➖➖➖➖➖➖➖➖➖➖➖⚠️ 「一元菜式」［下午六時後］.惠顧滿$300可以$1加購精選小菜（四選一）① 泰式生蝦② 泰式海蜇③ 泰式椰汁糕④ 泰式木瓜沙律➖➖➖➖➖➖➖➖➖➖➖➖➖➖✖ 服務費｜Service Charge.全日免收加一服務費。➖➖➖➖➖➖➖➖➖➖➖➖➖➖…Read More

這天相約了朋友逛街，不過逛街前要先醫醫肚呢:)朋友說很久沒吃泰菜了，我記得以前在泰廚泰國菜館吃過晚市，質素挺不錯的，於是便提議不如在這裡吃午飯。大熱天還是有户外串燒部呢。餐廳有兩層。菜式選擇太多了能不能吃辣都會選到合口味的泰菜吧。很多港人喜愛的泰式小食，這裡的燒豬頸肉厚切又大片，蜜汁豐富，配上酸酸的醬汁很惹味呢。無辣不歡的我很喜歡這個辣度，酸酸辣辣的，不過朋友不太能吃辣就覺得很辣辣的海鮮很豐富呢:)彈牙鮮蝦、大大隻青口！豬肉碎混合了肥肉和瘦肉部份，所以入口時不會太dry亦不會太肥膩。用新鮮生菜包著肉碎吃，健康又有口感。蝦醬味也挺濃郁的。加上臘肉碎。吃得飽飽的吃完就去逛街了！…Read More

女友出名嘴刁，每次問佢邊間餐廳想食過番尋味總是顧左右而言他。直至大半年一次偶然黎呢度食泰國菜，終於找到答案。每次一齊黎食佢都只會點一碗「冬蔭海鮮湯」，其餘等我發板。黎得食泰國菜，又點可以「走雞」，所以泰式海南雞飯永遠係我首選。雞皮同雞肉都好嫩口，一食就知係新鮮黃油雞，食雞有雞味。唯飯粒顏色有黃有白，應該係雞油冇均勻滲透每一粒飯。好在有辣椒醬伴雞，食多兩碗白飯又點話。跟餐加$5仲有得轉飲青檸梳打呢。梳打水來自泰國，夠地道！除左海南雞飯，「泰式炒金邊粉」(Pad Thai)又係我至愛。論貌相無疑係麻麻，好在味道同份量搭夠，麵身本身唔會炒到太黏太淋，甜得黎帶點辛辣，撈埋花生碎食就夠晒香口。如果上碟跟埋青檸汁讓客人自行加入會更體貼呢。冬蔭功既「功」泰文解作「蝦」，但唔講唔知呢度冬蔭功分「冬蔭海鮮湯」同「冬蔭大頭蝦湯」(兩款都一樣價錢)，所以記得叫菜時講清楚想飲邊種湯呀！女友多番讚好，每次飲完都話「香料足、海鮮濃、好夠酸辣味」。連本身對酸辣湯不感興趣既我都忍唔住飲兩口，因為加左香茅同檸檬葉既湯底真的很吸引。沒料到一碗冬蔭海鮮湯已迷倒我愛人，亦正因為一碗冬蔭功，令我倆從此愛上黎「泰廚」撐枱腳。…Read More

吃西餐吃到悶，和朋友去吃惹味的泰國菜滿足胃口。等了25分鐘左右，由職員安排座位入座，餐廳有兩層，但被安排對正門位置，食客出出入入，冷風吹來很凍！可是都不能換位呢。（應該只有非繁忙時間才可以自行選座位吧）-這麼寒冷，首先來個冬蔭海鮮湯 ($75)！熱辣辣上桌，湯料都幾足，有蝦，有青口，有菇......嚐一口，多重口感，不算辣而帶點酸，香茅味濃，夠重口味，很適合我泰式粉絲沙律 ($1)超級抵食～雖是冷盤，但當主菜吃可有解辣作用 口感豐富，又夠爽脆，正泰式炒金邊粉 ($68)朋友很推介，味道甜甜酸酸的，不過比較乾身，沒有令我一試難忘。馬拉盞炒通菜 ($67)少少辣，帶點咸，但通菜不爽口，可惜。泰式小食拼盤 ($75)如細食的話，叫一盤小的已經足夠。拼盤包含了蝦片、蝦餅、魚餅、春卷、沙嗲雞肉串、沙嗲豬肉串。當然最吸引的是沙嗲串，其醬汁好惹味，有點甜，而肉質不會"鞋"口或未熟透，十分香口好味。-全餐最值得吃的是串燒，其他都一般，下次再來叫多幾串吃過癮先部分餐牌如下:…Read More

好耐冇食泰菜，呢度滿$200，仲可以$1點 4選1的食物，我地揀了生蝦，還有一定點的串燒，再加個冬蔭公湯，最後是期待的海南雞。泰式生蝦 $1，好抵食有四隻，生蝦夠新鮮，處理得好，肉質結實爽口，配埋泰式香料醬汁，辣中帶香，好味。串燒沙嗲 （豬、雞）$12/串，每人兩串唔使爭。每串有三件肉，加上大量沙嗲醬幾惹味，好有花生香又微辣，食到停唔到口，豬肉好嫩淋易咬，雞肉比較結實，兩者都燒得邊位香脆。泰式海南雞（半隻） $95，半隻份量都多，因為隻雞都幾大，雞胸位都煮得夠嫩而不鞋，雞脾更是嫩滑有彈性。好夠入味，因為唔沾醬料都夠味，當然我都要食沾醬料既，味道更濃更惹味。最抵讚都是雞煮得嫩但骨中冇血剛好熟，但切雞就切得麻麻，好多都連在一起，未切斷。冬蔭海鮮湯 $75，好足料。有青口、蝦肉、菇、魷魚......等等。頗為酸帶少少甜，辛辣味越食越重，但好快散去，所以都岩怕辣既人食。蕃茄味偏重，香茅及薑也放很多，香味好夠。…Read More

今天相約朋友到旺角逛街，到了晚飯時間走到了金魚街一帶，看到這間泰式菜館，泰菜來說價錢也不貴，就決定了今晚的晚餐。覇氣而簡單的招牌，門外不少人等位和走過。店外的串燒部。優惠很吸引:)但吃太飽了沒有選有一片薄薄的煎蛋蓋在飯上，肉鬆是甜味的，炒飯的蝦醬味沒有特別濃烈，但亦有足夠的蝦醬味。紅彤彤的冬蔭公，喝起來當然是辣，但其實不是十分十分的辣，所以不用擔心這個湯會太辣:)很有泰式的味道，有一點點酸味，很開胃，也不是特別油膩貨真價實的海鮮湯，有鮮蝦、章魚、青口等食材。豬頸肉很入味，淨食也有肉汁，切成一薄片，很好入口也不韌不油膩。精粹在於特製的醬汁，酸酸的泰式風味，很清新的感覺:)與豬頸肉十分匹配。味道較濃，偏向䶢味，每一根菜都吸收到醬汁非常入味。一串三顆和牛粒，肉汁不錯，加上椒類洋蔥等，更顯泰式風味。飲品點了泰式珍多冰和青檸梳打。珍多冰椰奶味很足，也很香滑。青檸梳打的梳打水則選用了Chang，杯中除了有青檸外，也有一點青檸甜醬，令梳打味道有點甜味。沒有加一，滿足的晚餐:)…Read More

某星期六男友約我到金魚街買水族用品時經過~ 泰廚 ,米決定到這間食個豐富泰式午餐.店裝潢似茶餐廳格局.* * * * 首先來了冬蔭海鮮湯紅紅湯不要怕怕, 並不太辣,帶酸辣味道,湯內有多種海鮮有蝦、青口、尤魚等,配以多種香料,飲後非常開胃.* * *泰式豬手 (例)豬手以泰式燜得好入味,沒骨豬手外皮煙韌,而豬手肉軟腍得來有點咬口,味道不錯,底有菜及酸來送飯一流.* * * 泰式咖喱大頭蝦咖喱不會太辣,但夠味,有三隻大頭蝦,最上一隻比較大隻D, 另外二隻略細隻D,肉質彈牙,好食停不了口.想不到大頭蝦底原來有伊麵,掛滿咖喱汁,十分好味呢!* * * *配咖喱必叫薄餅咖喱+香脆薄餅來吃,是絕配組合.食泰菜怎少得飲品* * *龍眼冰冰凍龍眼冰,香濃龍眼味,夠滋潤又解渴.…Read More

今日咁熱=口="又係食泰國野既時候了～四個女仔可以食到有幾盡呢 我地嗌左七餸一湯!! Yummy首先,咁熱一坐低就緊係叫左野飲先...友人佢地就叫左兩個大椰青友人飲了幾口都大讚十分鮮甜而且解渴由於我比較中意食菠蘿, 所以叫左菠蘿冰:味道比預期清淡, 但有大量菠蘿肉, 很有口感 因為友人點左串燒沙爹(豬、雞), 肉類燒得不錯, 不會太老, 配埋重椰奶既沙爹醬, 甜得黎又有少少辣, 十分野味泰式生蝦:我覺得有點辣, 可能因為我食埋舊辣椒仔...泰式炸蝦餅拼炸春卷:蝦餅好彈牙, 同出面食既有分別, 春卷就有點油, 炸得唔夠乾身, 但勝在春卷有好多餡蒜蓉包:係我食泰國野必點食物, 今次店主可能落左啲香草, 所以個蒜蓉醬有啲綠綠地, 好重蒜味又脆卜卜, 點咖哩一流啊!馬拉盞炒通菜:係第二度食過覺得不錯所以今次黎到又試試先, 一試發現呢度炒得冇咁咸, 又夠鑊氣, 正正正!泰燒和牛串:賣相不錯, 而且和牛燒得岩岩好, 中間又有青椒同洋蔥, 入口冇咁膩冬蔭海鮮湯:好足料啊!!!好香檸檬葉同香茅味, 味道酸酸辣辣, 好開胃^^因此蝦球賣曬, 所以我地叫左泰式咖哩軟殼蟹:呢個餸有驚喜, 估唔到佢會有伊麵底, 平時都係芝士撈, 但佢就用咖哩醬撈伊麵食, 好新鮮既做法值得一試我最最最愛既「菠蘿炒飯」, 好足料@@可能因為而家係夏天, 菠蘿當造, 個炒飯甜甜的, 好泰國風…Read More

每次搭紅van放工，經過呢度都俾陣陣串燒味吸引住，燒得香味四溢無理由唔試嫁但嚟呢度係有啲心理準備要排隊排一陣先嫁！等咗半小時先入到，當然一坐落我地班餓鬼就即叫野食啦！每道菜都街坊價，係旺區都收啲噤嘅價，真係算係噤，唔怪得之噤多熟客啦先嚟咗個酸辣海鮮粉絲沙律，唔好睇個樣好似好辣，其實係中小辣嘅程度，唔食得辣嘅朋友就覺得食完持續回辣但我覺得又ok喎海鮮都用咗蝦、青口仔同魷魚，算係豐富，粉絲就小量！粉絲索晒啲粉，仲辣仲正，但就撈埋咗好多辣椒絲如果唔係要顧住儀態，可能我就食哂啲粉絲喇另一個食泰國嘢必叫嘅係冬蔭海鮮湯！一小鍋足夠四個人每人兩大碗！一飲就知龍與鳳，濃底有獨特嘅泰國香料噤，又有海鮮味海鮮有蝦，魷魚同青口，當中蝦味最突出我覺得湯放耐少少更有味，所以第二碗比第一碗好飲！海鮮怪嘅我，必點辣椒高炒青口。呢個都係中小辣，辣中帶有少少甜味！惹味令人一食再食，停唔到口，而且份量都唔係講玩嫁要食啲噤濃味嘅嘢，當然要叫個椰青清清口腔，但鐘意食椰肉嘅，要小心啲，唔好好似我噤，彈到成身都係叫埋個泰式金邊粉齊齊share，味道正宗又炒得條條分明又唔乾身！個個都搶住食第一個叫卻又最尾上嘅和牛串燒串，眼見每枱都有order串燒，真係唔可以怪製作時間，拎上枱熱辣辣香噴噴半熟嘅和牛粒配上青椒同洋蔥一齊燒，香味夠，搭埋酸酸嘅醬汁，幾好食如果可以減少青椒，就可以令牛味更突出最後加埋個椰汁糕安撫另一個胃！小小一兜啱啱好，係椰汁下鋪滿西米，兩啖ko埋！後記係要小心等位時間，又或者係等嘅過程中，應該買定串燒邊等邊食…Read More