其實以前喺太子返工時，
耐唔耐都會去呢度食lunch，
佢係抵食又好味嘅指標🤭
最抵就係需家有「一蚊」優惠，
下午6時後凡惠顧小菜滿$300可任選一款！
泰式生蝦有4隻，
隻隻都冰涼爽甜，
點埋個泰式醬汁勁食正！
泰式海蜇外貌平平，
但食落爽脆彈牙酸咪咪好醒胃👍🏻
二人套餐🩷
🍕泰式咖哩白貝+薄餅
份量超大嘅咖哩香濃得嚟又帶啲椰香，
白貝鮮甜厚肉👍🏻
我地用薄餅點滿咖哩汁嚟食，
真係要大讚呢度嘅薄餅，
從未食過煎得咁香脆嘅薄餅，
你一定會忍唔住食多幾件！
🍲 冬蔭海鮮湯
湯底飲得出係足料熬嘅，
香茅同南薑嘅味好出，
酸辣味剛剛好唔會一味死辣，
係慢慢喺個喉嚨度滲出嚟😍
🥬 泰式炒通菜
夠鑊氣味道濃郁得嚟又唔會過鹹，
仲帶微微嘅辣味，
水準之作令人食唔停口！
🧆小食拼盤、肉碎生菜包 (另加)
拼盤樣樣都炸得香口，
魚餅彈牙、春卷香脆！
沙嗲串燒更加喺呢度嘅王牌！
生菜包嘅肉碎炒得夠香，
用新鮮生菜包住食，口感豐富又唔膩。
🍬芒果糯米飯
芒果又大又甜，
暖粒粒嘅糯米飯軟糯，
淋上椰奶，
完美結束呢頓飯👍🏻
