Yuen Kee Dessert (Closed)

作為前正街街坊嘅女，成日聽阿媽講源記嘅桑寄生蛋茶好好飲，當之後成為半個西環街坊就成日買外賣俾佢食，我媽話多年水平都無變，係得源記先煲到咁清喎👍🏻。亦因爲咁嘅關係，我第一次食桑寄生就係喺源記，而我亦因此愛上咗😊。呢日喺附近食完飯，唔算太飽，時間又尚早，所以就堂食，平日就外賣多。我就必嗌桑寄生雙蛋茶($37)㗎喇，因為同朋友share，就叫佢嗌另一款香滑燉雞蛋🥚($35)，另外加多件全蛋雞蛋糕($8)。我嘅桑寄生真係十次十次都咁好食😋😋😋，永無失準，好清甜，朋友以前覺得好濃藥材味，但食多幾次佢都覺得正。我唔識形容係點嘅味，因為唔係大路食物，但總之食完好舒服。我媽有講好啱女仔食👩🏻‍🦰，枱面佢亦仲有介紹滋陰降壓👍🏻。另外，點解要嗌雙蛋🥚🥚茶，你睇下張圖就知，因為隻蛋係超入味，又彈牙！個蛋白入面都係啡色㗎，真材實料，第到食唔到咁正宗😉，我媽同我都係咁話嘅，我買多咗碗外賣俾佢。不過我唯一不滿係無論堂食定外賣蛋茶都只係佔大半碗，唔夠滿😡，次次都係。另一款香滑燉雞蛋🥚就少啲嗌，嚟到係滿滿淡黃色啲蛋，睇得出好滑，完全無巢皮，食落亦都一樣。熱辣辣好正，而且食得出不少少薑汁嘅味，甜得嚟又好清，繼桑寄生以外推介嘅甜品。至於嚿全蛋雞蛋糕，就相對無咁出色，係比較中式嘅蛋糕，偏米白色，食落唔太甜，但略嫌有啲乾身，唔夠濕。可以一試，但我唔會再嗌，雖然我其實之前都食過🙈。好搞笑我哋嗰嚿蛋糕係邊邊，所以個shape唔係長方形🔲。總括嚟講，食過源記嘅糖水你就會明點解佢會可以係喺西環屹立不倒嘅老字號👍🏻，真心有特色同好味🤤，不過真係見住佢不停加價，我第一次食$2x到而家$37😨😨，糖水嚟講其實都真係幾貴。而且今日餐廳唔夠涼，可能人多啦，好彩食熱嘢都未至出汗。但我都會繼續嚟食的，未食過嘅亦絕對值得嚟食，一試愛上。❤️😍🥰…查看更多

今日天氣又凍返 好岩食熱既養生中式糖水 今次去開西環 順路試試特色老店香滑燉雞蛋果然同個名一樣咁滑 🍳入口有驚喜 好濃蛋香 甜甜地不過食得多就有啲膩蓮子芝麻糊芝麻糊好滑 唔算太稠身 尚算有芝麻味 係甜左小小蓮子唔會煲到好冧 有咬口 中間既芯已經除左 一啲都唔會苦 感覺好養生全蛋雞蛋糕雞蛋糕入口好濃蛋香 唔會太甜 但係質地較結實乾身 🥚唔用牛油感覺好健康 好有傳統風味 但係就唔係我杯茶啦老字號糖水索價偏高 燉雞蛋有驚喜 但其他就比較普通 偶爾感受一下老店傳統風味就好…查看更多

係西環食完飯，行行下又有d口痕，咁岩黎到正街，又咁岩望到門口好吸引既雞蛋糕望住個餐牌呆左幾分鐘，樣樣都想食，但唔知叫邊樣先好，最後決定叫2碗: 合桃露+杏仁露合桃露呢樣平時好少見，好香好濃，磨得好滑，食落口唔會粉同水分開，落足料去磨呢一碗杏仁露相比之下，就冇合桃露咁濃味，但就有佢獨特既清甜，相同之處就係佢都係好滑好滑:)再叫埋門口就見到既雞蛋糕，呢一件蛋糕仔，真係唔好睇小佢，望落淺色，但唔會係空氣蛋糕，佢落足料，有好香既雞蛋味食完上網search反，原來呢間糖水，係老字號，1885年就開舖，果然做到今時今日，唔係流既…查看更多

周末在上環和西環一帶閒逛，因為成日見到好多人介紹好多特別小店～所以趁天氣好就來看一看～記得上次有星加坡朋友來香港極力推薦食呢間糖水，話係老字號同埋非常好食～身為香港人嘅我自愧不如....點解從來都唔知道有呢間糖水舖嘅呢？上次和朋友來，佢覺得好食到要食2轉桑寄生蛋茶～自問對桑寄生蛋茶唔係太有fantasy，所以今次都係叫返個熱辣辣嘅芝麻糊嚟食～由於係中午時份所以人唔多，唔駛等位二個人都可以佔一張卡位嘅枱～芝麻糊食得出係生磨嘅唔係平時有啲糖水鋪果啲加水開～好香芝麻味，同時帶有少少苦味，可能因為係自己生炒芝麻～不過唔太甜都好！唔會話好似飲咗好多糖落肚咁～男友點咗合桃糊加蛋，我覺得好搞笑點解糖水可以加蛋嘅但係二者一起又無違和感！好神奇～2個糖水都食到我哋非常滿足～然後我仲買多2件全蛋雞蛋糕返屋企做宵夜個包裝都好懷舊！個蛋糕好清甜～都幾鬆化～有少少啲鬆糕咁～如果有機會可以試到熱辣辣嘅蛋糕就好喇！…查看更多

本人比較老土, 最中意食超級娘糖水,然後極度愛綠豆沙, 所以1早就決定,今日去完西營盤游完水就衝去食!!唔知游嚟做嘜...4個人 ordered 4個糖水+ 2個雞蛋糕:-陳皮紅豆沙-香滑芝麻糊-陳皮綠豆沙 x2-全蛋雞蛋糕 x2陳皮紅豆沙: 偏甜而且紅豆味不足, 除左甜之外, 真係唔知有咩特別, 唯一好處就係起沙香滑芝麻糊: 同個名1樣, 芝麻味夠重而且真係好滑, 無1粒粒芝麻渣, 味道剛剛好,唔會太"傑"陳皮綠豆沙: 綠豆煲到熔哂, 所以起哂沙, 好有綠豆香味, 而且甜度剛好, 比紅豆沙好食得多, 唔會太稀太"傑", 出色之作全蛋雞蛋糕: 有蛋香味, 鬆較度高, 如果可以熱食, 應該會更加好食 同朋友1齊睇錯左"香雞蛋"同"全蛋雞蛋糕",之後1齊問左呢2樣有咩分別,然後個姐姐好似食左火藥咁話"你讀多次"...我都知我哋錯, 但係好似真係惡左少少嘅...價錢略貴, 服務態度好極有限!!…查看更多

每次路過正街，我一定入去源記坐坐。西環源創立於1855年，已經係過百年老舗。都係屋企人介紹我先識嚟食。如果你晚飯後嚟，就必定要等位，可以的話，好似我咁下晝嚟就好似去cafe咁慢慢坐。呢度最出名就係桑寄生蓮子茶養顔、滋陰、保健，中式糖水就係咁神奇但我一最鍾意的，仍然係合桃露，但係主角係D蓮子。呢道無論桑寄生或杏仁/合桃露都可以加雞蛋或蓮子，D蓮子大大粒，完完整整，入口用脷一頂，即刻粉碎，十分鬆化。坊間D蓮子唔係太淋就係實的的，只有呢道我先鍾意食蓮子。呢道仲有全蛋雞蛋糕，唔似西式蛋糕的濃蛋味，而是清香的蛋味，應該用冰糖整，因為食得出淸甜味。…查看更多

吃完晚飯，口痕痕想食甜品，朋友介紹吃中式糖水，便走進這老字號感覺的甜品店。看過餐牌其實選擇並不多，都是幾種材料拼拼合合而成。和朋友一起吃最好就是試多幾款，今次共點了4項，但原來都很小一碗，感覺有點貴😅。-桑寄生雞蛋茶 ($32)第一次飲，聽個名已經覺得很滋陰，對女性身子有莫大好處，滋潤又降壓，入口甜甜的，十分正氣，想不到居然養生的飲食又幾好喝。至於雞蛋已入味，蛋香，夠滑。留意到嗎？拿起雞蛋後，其實桑寄生茶就只有一半左右，這份量也稍微太少了。雞蛋芝麻糊($32)芝麻糊一點也不糊狀！很稀身，味道也不濃，完全不吸引。蓮子雞蛋紅豆沙($36)同樣很稀身，很淡，的確有點失望:( 蓮子幸好沒煮爛，微苦，數量亦多。全蛋雞蛋糕($8)說很好吃也講不上，因為較乾身，但蛋味合我意，只是吃過一次就夠了。其實進食前有點期待，畢竟已屹立多年，應該有一定水準，更何況稱為"專家"呢可惜呢⋯…查看更多

下午5點零6點去到，唔算好多人去過幾間自稱桑寄生蛋茶好出名既店舖試過，都係覺得西環源記最正我自己又唔覺得好稀好水，都幾full body反而個雞蛋糕我覺得太乾太硬，唔係幾岩我口胃..…查看更多

老字號的糖水鋪源記名字聽得多, 其水準如何 ? 要親自試過方知真相。其賣的都是以中式甜品為主, 下午食客非常多。當然試其名物桑寄生蓮子蛋茶($29), 入口非常清甜, 蓮子數量不少, 非常足料, 雞蛋是跟桑寄生蓮子茶一起處理, 所此其表面是深啡色, 蓮子無芯而化口, 非常有水準, 必試。友人要了紅豆沙($19), 他表示糖水好稀, 紅豆沒有起沙, 非常差, 飲水似的, 何來紅豆沙 ? :(  真是天與地。全蛋雞蛋糕($7)則跟中式餅店出品差不多, 口感較粗及蛋味不足, 不太欣賞。整體而言, 笑面主要給桑寄生蓮子蛋茶, 其他則不太理想。…查看更多

一直想光顧的著名傳統甜品店，終於有機會了！由中環乘坐電車到東邊街電車站下車，步行大約5分鐘便到達。原來一點也不遠，亦不難找。從正街口往內看，可看到一條非常陡斜的路。要往上走究竟需要多少力氣？！傳統的糖水店，裝潢當然也是傳統的。店子不大，其實也不要緊，吃糖水的客人流動性很高。餐單上有多款糖水以供選擇，也是給我和朋友難題的時候……我們的選擇困難症又發作了！最後，我選擇了桑寄生蓮子蛋茶，$28。這裡最著名的是雞蛋，當然要吃與蛋有關的糖水了。有鐵碟盛著糖水的碗，還有提供叉子，是店子的特徵嗎？有很多蓮子，煮得相當綿軟，還滲入了糖水的甜味。雞蛋蛋白滑，但我分辨不來這裡的蛋是否特別清香。最喜歡桑寄生茶的口感。滑喉，不像其他店子的桑寄生茶喝後會令喉嚨留有少許粗糙的感覺。甜度適中，不會有甜膩感。熱騰騰的茶，在這清涼的天氣下喝一口，身體感到十分暖和。喝完一碗也好像不滿足。餐單上有「舊桑寄生茶」（$19），向店員查詢，原來是指沒有雞蛋和蓮子的桑寄生茶。真想外帶一碗舊桑寄生茶哩！至於朋友，她選擇了蓮子綠豆沙，$26。看來材料十足。但我們竟然沒有點這裡著名的全蛋雞蛋糕（$7）……太失敗了。…查看更多

很喜歡丈夫寫的歌詞, 尤其是眾多歌曲中的其中一首裏的其中一句是: 回憶使我仍存在, 死不了! 個人認為有過經歷, 才能夠細味這一句歌詞的意景 ...... 「別人笑我太瘋癲, 我笑他人看不穿。」那天晚上, 因為要與丈夫一起到西環那邊出席試食活動, 所以我向他提出要早些到達西區, 因為一來我想懷念一下小時候的足跡 (懷念一下喜怒哀樂), 二來我也想帶自小在九龍居住的丈夫來源記去嚐嚐我小時候最愛的美味。有過百年歷史的源記, 創立於 1855 年, 多年來均以提供傳統中式糖水見稱, 還要是只賣熱糖水, 當天現煮現賣。店舖出品十年如一日的穩定, 以「桑寄生蓮子蛋茶」、「杏仁糊」、「芝麻糊」最為出名 (不過我依舊是最愛它的「香滑燉雞蛋」)；據資料顯示蓮子都是粒粒人手挑芯, 糊類是用上傳統石磨來磨杏仁與芝麻, 磨出來的材料特別幼滑, 而老闆對原材料選材亦都嚴謹, 務求能製作出高品質、真材實料的傳統糖水。源記的門面十年如一, 只是附近的環境、樓宇(包括正街斜路)都可說已經是面目全非, 唯獨街頭近電車路那間燒臘店是依然存在。 看來, 我所依戀的事與物, 都只能留存在我逐漸退色的記憶裏。門前玻璃櫃擺放了雞蛋糕, 有這種格局的店舖, 現今已買少見少(尤其是再過多幾年, 有地鐵通車, 附近的樓宇更加會拆完再建築一些帶新型裝修的樓宇。)一磚一瓦, 暗黃的燈光加上四周的裝修環境, 從門外到門內仿如時光倒流, 不過有一點要申明, 舊不代表污穢...從檯角到玻璃檯面到檯底, 眼底內都看不到有一點污。出品十年如一日的穩定, 唯價錢卻是跟在潮流趨勢。 難得見到一間甜品店是沒有出售水果類甜品、沒有西米、沒有涼粉, 全部都是賣有養生功效的熱糖水。從開放式廚房裏的蒸籠拿出來的全蛋雞蛋糕 $7/件, 送來時溫度還是暖的, 質感粗糙, 蛋味出眾, 淡淡然的甜味卻在舌頭上漫延......清‧純!用 一隻「萬壽無疆」紅色瓷碗來盛載的純正杏仁露 $25, 這種碗現在也少見, 從網上資料得知: 中國人常用飯碗是白底藍花紋的,而萬壽無疆碗上是紅黃金等顏色；古時只有皇室中的男人才可用, 特別留意是有龍圖案的, 古時女人是不可以用的；但至慈禧太后時, 她老人家權傾天下, 才敢用皇帝用的碗, 而萬壽無疆這吉詳語, 是她最愛聽的(其它皇帝是用別的吉詳語)。 老佛爺蒙主龐召後, 大清結業後,這風俗流落民間,一些有錢人也來仿效, 生意人把握機會, 大量做這些碗, 買點就是老佛爺御碗, 於是一直流傳至今。 萬壽無疆比其它碗貴很多的, 據講它用色太多, 顏色中鉛毒也不少。杏仁露具有潤肺止咳、美容養顏的功效...潔白如奶的杏仁露首先是沒有杏霜那種不是人人都能接受的味道(反而我也愛杏霜), 聞得出是帶有輕輕的果仁香, 嚐一口除了嚐到幼滑帶稀的液態質感外(因此是露而非糊), 亦能嚐得到點點被磨過的杏仁碎屑, 杏仁的油香也充分散發出來, 細膩如玉。用藍色米通碗來盛載的桑寄生蓮子茶 $25...桑寄生蓮子茶既能祛風濕、舒筋骨利關節又能補肝腎、強筋骨而加強抗病能力, 還有養血安胎美顏的功效, 多喝有益也特別適合長者及孕婦。 人手去芯的蓮子煮得鬆化, 奈何個人對今次喝這碗茶的味道略有微言, 雖知道落得桑寄生太多會令茶澀, 可是今次這碗實在是淡得過份, 只見其色不聞其味, 茶香不覺也不嚡口；有想過是否因為廚師用藥材的份量多了才再加水稀釋, 可是也能嚐到茶是有適當的甜 味...... 希望下次光臨的時候會有不一樣的體會。香滑燉雞蛋 $23...「滑滑嘟嘟似豬羔咁滑...」邊位的燉蛋微微脹起, 這才是新鮮燉起的印證, 滑不溜口兼蛋香滿盈的燉蛋帶有微微薑汁芳香, 清甜可口, 潤滑怡人；「吹彈可破」、「凝脂白玉」、「光滑透亮」... 燉蛋那水般質感並非筆墨所能形容。不過有一點要留意, 吃要吃快一點, 因為當自己在慢慢享受燉蛋的同時, 碗內餘下的燉蛋還正在自熱當中, 小心會有燉蛋過熟至老的情況發生。收銀處旁邊放滿了源記成長歷史的印記...獎盃也來過盆滿砵滿!?? 有過百年歷史的源記, 不只藏有我的記憶與想念, 希望可以依然植根此地, 繼續為西區區民作見証。 …查看更多

除夕晚食完坤記, 筆者當然唔會錯過轉個街口就到既源記, 門口係古舊式既甜品鋪, 係"開飯"亦做足功課睇下有咩出名其實當日已經食到好飽, 但一向嗜甜既筆者入到去已經叫左幾樣招牌甜品桑寄生蓮子蛋茶 - 未食之前, 一直係腦內有個疑問, 到底甚麼是桑寄生呢? 到底味道係點呢? 雖然食完都係唔知其實係乜野黎, 但就真係覺得好好味, 蓮子亦都好"林", 再加上佢既滷蛋都醃得好入味, 呢一味不愧為鎮店之寶!不過食開之後, 蓮子就悄嫌多左d, 唔怪得同檯既母女只係叫左桑寄生蛋茶無加蓮子, 我下次都寧可要多d桑寄生茶呢純正杏仁露 - feel到磨得好滑, 都好好味, 但相比起桑寄生蓮子蛋茶, 筆者都係覺得桑寄生出色好多全蛋雞蛋糕 - 傳統既雞蛋糕, 兒時味道返晒黎, 不過, 人大左反而覺得無乜特別...返到屋企, 對於心中"甚麼是桑寄生?"呢個疑問仍然好有興趣, 搵到少少資料, 希望令大家有深少少既認識>> 寄生在桑樹上的細樹枝>> 形態：高二、三尺，四月開白花，其籽黃色，汁粘稠者為佳。>> 性味：味苦、性平，無毒。>> 功效：補肝腎、堅筋骨，益血，追風濕、去痺，療金瘡。…查看更多