You You (Winning Heights)

土司土司 我最愛土司🧡趁著某一個開心星期五去食你妳🙋🏻‍♀️.✨炭焙烏龍🧋(少冰少甜) .✨紫芋牛奶🥛〰️杯底好多芋頭👍🏻.✨古早味炸雞卷🐔〰️不像雞肉的肉 .✨我不是薯條(甜不辣x🍠條)〰️揀咗椒鹽粉&甘梅粉 甜不辣煙煙韌韌愈食愈不停😛.✨牛肉面〰️少面版 牛肉同面嘅比例合適 仲有半只🥚+菜 不過對我嚟講最好味嘅系第1次去台灣九份食嘅紅燒牛肉面😹.✨芋見紫薯吐司🍞〰️大份到癲 唔會好甜 麵包焊完香香脆脆好有咬口 之前睇人食評話土司媽媽地 我又覺得ᴏᴋ ᴡᴏʀ.✨仙草3號〰️比較過同其他幾款 佢有看似可愛的布甸仔+無好甜嘅紅豆 就它吧 佢賣點系有餡芋圓 我食唔出咩餡 ᴘʀᴇғᴇʀ無餡的 布甸仔好睇唔好食.成間餐廳都好粉紫💜位置唔多 店員好友善☺️…Read More

今日，我哋Dinner去咗食台灣野「你 妳」「you you」🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽便當D：有炸嘭湖花枝丸、糖心蛋半隻、酸菜、魯肉飯，花枝丸好味，糖心蛋整得唔錯，魯肉撈飯食唔夠多 可以再比多啲...仙草3號：有三色芋圓、小芋圓、布甸、水晶、涼粉，味道正常地瓜番薯條配酸甜甘梅粉：酸酸甜甜好好味凍葡萄油烏龍茶：店員有提醒我哋要搞勻之後再飲，但我哋搞得唔夠均勻，開頭飲到烏龍茶，飲到底好甜CP值🌟中…Read More

自從疫情後，已經有一年沒有旅行到訪鄰近東南亞國家品嚐地道的美食，偶然想食台灣/日本/韓國/馬來西亞/越南/泰國野等等，唯有在網上不停尋寶，都可以搵到一些用心又有地道味道的餐廳，這間荃灣的你妳帶點驚喜。肉鬆芋泥（$40），芋泥食得出是嚴算新鮮芋頭製作，食落有綿密感覺、芋頭的清香，芋頭沒有加上任何的調味，多士烘得熱辣辣，夾上滿滿的肉鬆，食落都好夠味。台灣牛肉麵配仙草奶茶（$80），牛肉麵用上手工製麵非常彈牙，很好的咬口，牛肉質感好淋稔，非常美味，而且糖心蛋都好好食，值得一提的是湯底加了一些鹹酸菜，味道酸酸甜甜，非常開胃，增加食慾。夜市鹽酥拼盤（$86）有四季豆、花枝丸、鹽酥雞同魚餅，好豐富，每樣都有d，好有滿足感。甜不辣 x 地瓜薯條（$42），呢款非常有特式，有6種唔同口味的粉可以選擇2款，還可以選擇脆度非常特別，有3分/5分/7分脆度的選擇，非常創新，我就選了椒鹽味同味酥甘梅味，酸酸甜甜同鹹鹹辣辣帶比味蕾不同的滿足感，甜不辣口感煙煙韌韌，地瓜薯條帶點甜味，各有特色。仙草3號（$46），我很期待的甜品，有小布甸、仙草、芋圓、水晶冰，賣相的色豐富，又唔會好甜，冰冰涼涼簡直消署之選。…Read More

疫情之下，無得去台灣，我同大家一樣對台灣夜市美食心癢癢，超懷念！上個星期，拉埋朋友一齊去香港同樣有   TW  簡稱的荃灣，食返餐台灣嘢止下癮！ 大概6點去到，餐廳門口已經唔少人等位，好彩朋友早啲到，我到咗之後唔係等咗好耐就入得喇！餐廳唔算大，食物都上得快，似乎都係行「速食」嘅節奏，速戰速決，因為我哋嚟之前已經喺網上睇過MENU同評價，所以好快就決定到叫咩食～你妳珍珠魯肉飯 $36魯肉飯係我去台食餐廳必食嘅嘢，呢個加咗珍珠，叫個陣其實有啲怯，自己已經有晒心理準備，預咗有「伏」。點知，食咗一啖，又OK喎～唔伏呢～你會發現，整碗飯都是沒有魯肉的，但是就有很多大大粒透明嘅珍珠。原來，餐廳是將魯肉飯精髓——都注入了粒粒珍珠內。吃到珍珠，就會嘗到魯肉汁的味道，很特別。除此之外，這碗飯還有其他配料，如肉鬆、炸蒜、青瓜及半隻溏心蛋，超豐富。珍珠口感彈牙滑溜，又真係魯肉汁味，同飯一齊食，完全無違和感；加埋肉鬆同炸蒜一齊食，更加惹味可口。鹽酥雞花枝丸乾拌麵 $78呢個本身係飯，不過因為點咗魯肉飯，所以就轉做乾拌麵。鹽酥雞同花枝丸都好吸引，炸花枝丸有4粒，而鹽酥雞都有一大堆，勁足料。花枝丸微甜，彈牙又爽口，而鹽酥雞炸得黃金，外層香脆而內裡嫩滑，肉質唔柴又唔乾，沾甜酸醬食，更加開胃。唔怪得我見到檯檯都食鹽酥雞​。乾拌麵嘅拌麵汁原來都是用魯肉汁，今次真係有肉碎嘅。麵條係台灣麵，較粗身，有咬口，而且每一條麵中間有扭扭坑紋，令佢更易掛汁，食落更添滋味！台南鮮蝦卷 $45今次無叫小食拼盤，反而想試下比較少見嘅台灣小食，好似鮮蝦卷同米糕。蝦卷個樣幾似魚肉春卷，不過呢個係蝦卷，入面有啲蔬菜粒。一碟切開咗有8件，我哋好快就食晒，因為超彈牙，而且炸得酥脆而不膩，啖啖蝦肉，正！台南米糕波波球 $45睇個名都唔係咩係米糕，呢個波波球從未見過。今次真係第一次見，原來即係糯米飯。佢就好似平時食嘅糯米飯，主要有冬菇同花生，都有肉鬆和芫荽，搓圓到成個波波咁嘅形狀，味道有啲似臘味糯米飯，又有啲似粢飯，幾好食，值得一試。不過真係一個就夠，因為糯米飯真係好飽肚！炭焙烏龍珍珠鮮奶茶 原價$35，加$8就可以配因為我哋叫咗唔少嘢食，驚太飽，所以只係點咗一杯飲品。茶味濃郁清新，奶同茶嘅比例恰好，入口都香滑，只係奶茶可以甜少少，珍珠可以再煙韌啲。仙草３號 $46如圖所見，呢個甜品有三色芋圓、包餡芋圓、布丁同水晶，仲有最重要仙草。布丁細細粒，係小時候食嘅啫喱小布丁，好得意～仙草夠滑溜，少少甘甜，而苦味唔算明顯，幾好。芋圓有我最愛嘅包餡芋圓，外煙韌，內軟糯，無得彈！其他芋圓都正正常常，幾煙韌；水晶滑滑哋，當啫喱咁食。呢個糖水整體唔會好甜，唔錯！ 食完之後飽到上心口，但係真係超滿足！食完之後先發現原來佢同之前元朗食嗰間係姐妹店，咁之後真係要支持多啲喇！…Read More

呢間想試好耐啦🤤🤤但冇晚市堂食少咗好多覓食機會🥺好彩準時5:15pm衝得切去到🙈🙈亦好好彩唔洗等位🤪🍠 肉鬆芋泥吐司 ($40)肉鬆入口即溶，芋泥好綿好滑唔會太甜🤤同肉鬆一甜一鹹咁樣中和返😋但多士可能因為已經烘好好耐，個包邊唔太脆🥺反而有啲淋有啲韌🤨不過個餡真係好正嘅😚🍡 仙草3號 ($46)仙草總共有四款選擇，今次試咗三號，有三色芋圓、包餡芋圓、布丁同水晶，仙草。份量同配料都幾多，味道唔錯好解渴😋仙草甘甜，包餡芋圓入面包咗芋泥，幾特別又煙靭😍小布丁好有童年回憶，但依家人老咗食返🍮就會覺得係好甜好假嘅零食😂😂😂…Read More

話說我都幾鍾意食台灣嘢，呢日去朋友深井屋企打通宵牌之前，我先去荃灣嘅「你妳」買晚餐。星期六晚六點半左右去到，多人到一個點😅。本身想放棄，但又想食好耐，加上唔係成日入荃灣，於是都係等下啦！餐牌經過精心設計，背景公仔同字體都幾靚😍。小店當然係主打台灣食物，當中更不乏新派菜式。無論主食、小食、甜品以至飲品，選擇都幾多，真係令人眼花撩亂。另一邊廂，小店更推出抗疫外賣便當同芋圓外賣優惠。我真心覺得抵👍，所以同在場好多其他客人一樣幫襯咗。找錢期間，我入咗鋪等一等，發現小店樓面面積真係超細，如果旺場可能真係要等幾個鐘😨。小店雖然好細間，但裝修唔錯，牆身油上粉紅色感覺好少女風💕。等咗大約廿分鐘，食物終於齊晒！等候時間唔短，但都明白嘅，因為真係有好多訂單。呢度嘅量係足夠四個人食，三百蚊有找，性價比高😄。抗疫便當A($65)，餸料包括台式滷水大雞扒、炸花枝丸同半隻糖心蛋。主食就可以揀大魯肉飯或者乾拌麵，便當A我就配咗麵。便當賣相吸引，而且個外賣盒真係有分一格格。🐔雞扒好大塊，所以餐廳能夠切開為好多件，食落好方便，肉質亦唔鞋。🦑炸花枝丸有三粒，幾有誠意。乾拌麵方面，佢感覺有啲似上海麵，但我就唔係好鍾意個質感，因為有啲乾🍜。抗疫便當B($65)，餸料包括台式滷水豬頸肉、台南鮮蝦卷同半隻糖心蛋，而便當B就配咗魯肉飯。🍚魯肉飯味道唔錯，如果魯肉粒多啲就更正。豬頸肉係意外地好食，因為我一向覺得佢要泰式燒先夾。🐷呢度嘅豬頸肉肉質軟稔，而且唔會太肥，而蝦卷就正正常常，唔係好彈牙嗰種。套餐所包嘅「糖心蛋」其實似滷水蛋多啲🥚，而底下墊住嘅青瓜絲都幾好食🥒。講完便當，就講吓我嗌咗嘅另外兩款小食，香芋蝦餅同埋檸檬風味烤雞槌，各$45。餐廳將佢地放埋一盒，而且擺得好靚😜。先講蝦餅，本身落完單後有啲後悔，因為便當已經有蝦卷🤦🏻‍♂️。不過食落我認為蝦餅係好食啲，因為佢喺入邊加咗芋頭，味道明顯香好多，而蝦餅亦夠厚身🍤。至於烤雞槌就幾惹味，因為個檸檬汁甜甜哋，同雞槌好夾🍋🍗。甜品方面，我哋要咗仙草3號($46)，材料包括三色芋圓、包餡芋圓、布丁以及水晶。前面兩款可算係膽，因為每款仙草都有。甜品份量好多，一個人一定食唔晒，整體係幾好食🤤。仙草好滑，唔會太甜。芋圓口感煙韌，但我自己就冇咁鍾意包餡嗰啲種。布丁有三粒🍮，佢個樣幾時都咁得意，佢係咁「動L」，但就唔好預期佢有奶味。最後就係水晶，透明色，咬落冇味，一般。飲品方面，便當指定咗係蜂蜜綠茶🍯🍵，可揀凍熱。味道唔錯，幾清香。另外，我哋仲買咗杯炭培烏龍珍珠奶茶($35)，奶茶底好滑，珍珠亦都好好嚼、好Chewy。但我略嫌定價貴咗啲，因為喺嘢食好平嘅對比下。總括嚟講，你妳果然配做一間人氣台式小店🇹🇼，食物味道出色，連我好嘴刁嘅朋友都讚好。價錢亦算經濟實惠，特別係外賣便當🍱。我仲見到小店有推出近來大熱嘅芋泥吐司，我之前好抗拒，但如果係呢度嘅出品就覺得一試無妨。下次再入荃灣，我都會幫襯佢。如果佢可以喺其他地方開間分店就更好喇😋。…Read More

==============================🇼🇸你妳📍荃灣運通街6號運通洋樓地下K號舖⏰星期一至日 12:00 - 21:00==============================1️⃣【仙草1號】 $46餡料有三色芋圓、包餡芋圓、紅豆、水晶同仙草。芋圓夠煙韌不過無咩味，包餡芋圓更加驚艷到我🤩紅豆一粒粒有口感，正常發揮👅仙草做底夠滑溜，仲有陣草藥味😋整體味道唔錯，唔會太甜，但$46嚟講偏細碗🧐(🔥怒食指數：7/10).2️⃣【仙草3號】 $46佢menu本身係話有三色芋圓、包餡芋圓、布丁🍮同水晶但佢應該比錯左荔枝爆珠，無比到水晶個人好鍾意食煙韌、有咬口嘅芋圓🤤佢外面有少少淋，咬落去就好煙韌😆芋圓個大細都岩岩好，唔會話太細粒，咬幾咬就無包餡芋圓唔只爽口，入面嘅芋泥餡令到成粒芋圓更rich，無咁單調布丁🍮就應該都係現成個隻雞蛋布丁，帶點甜味加上意外出現嘅荔枝爆珠令成碗野加左份外甜味🍬但整體黎講都好balance，唔會太甜👍🏻(🔥怒食指數：7/10)==============================🔥評分：環境：8/10味道：8/10性價比：7/10總分：7.7/10==============================…Read More

荃灣好多嘢都好，就係衰在無咩台式食店！😏直到我遇上「你妳」，簡直係我呢個台菜控嘅救星！​呢間新開嘅粉紫色小店，位於南豐中心對面，位置好方便！人均約100，食物大大份，感覺都唔錯。除咗有魯肉飯、牛肉麵、乾拌麵、鹽酥雞、炸花枝丸，仲有鐵板手作芋泥吐司及仙草糖水等！！簡直係一個台灣人氣美食嘅集合體，正正子！😝​▲「你妳」好似將台灣嘅所有小食集合埋一齊咁，好豐富！✦ 鹽酥雞花枝丸魯肉飯第一下見到呢個飯，真係比佢個份量嚇一嚇，佢哋收78，真係比返78嘅料人！炸花枝丸都有4粒，鹽酥雞都有一個拳頭咁多，仲有溫泉蛋及魯肉飯等等，真係好大份！至於味道，我會覺得偏濃，花枝丸微甜爽口，鹽酥雞唔乾柴，唯獨係魯肉飯，雖然夠香，但乾咗少少。​✦ 士林香腸烤雞腿乾拌麵又係大份到爆，雞槌都有3個！仲有好多惹味嘅士林腸，感覺幾好食，但同魯肉飯一樣，個乾拌麵太乾，夾上嚟係一餅餅。​✦ 肉鬆芋泥吐司佢個芋泥餡好香滑濃郁，抵讚！配埋個肉鬆，口感又滑又沙沙地，好味！​✦ 燙青菜 同台灣一樣，會加魯肉汁係上面，正常發揮，算係幾好味。​✦ 炭培烏龍珍珠奶茶（跟餐）​奶同茶嘅比例幾好，夠香滑，略嫌珍珠唔夠 煙韌。​✦ 蜂蜜綠茶（跟餐）​唔會好甜，幾清新，正正常常。​✦ 仙草3號無諗到呢度嘅布丁係細細粒，用啫喱小布丁，感覺幾搞笑。我覺得佢哋做個仙草幾清甜，無苦味，幾好。芋圓則唔夠煙韌，好似烚太耐無過冷河咁，有少少扣分。​▲「你妳」座位比較窄，唔算好好坐。▲荃灣難得嘅台式小店，仲要夠晒正宗。…Read More

同日睇完套台灣戲黎到你妳再續台灣旅行既感覺你妳係一間舖頭細細既台灣店,裝修簡潔,紫色牆作為點綴,名字夠特別店員都好有禮貌,仲有小鮮肉店員tim7:30p.m.到,都唔算等太耐就有位,同埋好在有秋風既關係,等位都唔算太辛苦但去到門口攞飛既時候已經見到門口貼o左張紙寫住吐司已經賣完了係有少少失望既,因為吐司係其中一個吸引我去既原因可能係試業期間關係,應該要下午黎先會食到啦食物方面點o左夜市鹽酥拼盤 ,士林香腸烤雞鎚配乾伴麵,台灣牛肉湯麵,金鑽鳳梨綠茶,葡萄柚綠茶,仙草3號台灣牛肉湯麵個麵質係比乾伴麵個麵質好食,唔知係咪因為個乾伴麵煮得太耐,同埋乾伴麵上面既魯肉汁都唔算好入味台灣腸再加自家蒜蓉醬好好味阿,反而個雞鎚有少少乾台灣牛肉湯麵個湯比到驚喜我,佢係微辣,飲得出好入味,一啖湯再配埋酸菜同麵條,好正!!!!不過佢既牛肉係感覺好中式既牛腩,如果係再正宗DD有少少筋果隻牛肉,咁呢碗麵就PERFECT啦夜市鹽酥拼盤有花枝丸,鹽酥雞,甜不辣&四季豆,最最最好味係四季豆,我o地最快清哂係佢甜不辣炸到有D過硬,可能佢本身好薄,又炸得太耐..好難咬得開...鹽酥雞中規中矩,花枝丸炸完係偏軟果種,我幾鍾意呢種口感金鑽鳳梨綠茶&葡萄柚綠茶都ok既,但未到話好好飲,食完咁多炸o野之後再飲佢係幾解渴既仙草3號入面勁豐富,而且佢無紅豆,我覺得非常好!!鍾意食紅豆既朋友可以揀其他款,入面既芋丸真係超級煙煙韌韌,包餡芋丸個餡係芋泥黎ga..我同朋友講笑話佢o地到底要入幾多芋泥先做到一日生意仲有D白色一粒粒既水晶好有口感,而且佢落好多,一D都唔吝嗇!!!仙草3號係我最滿意既甜品阿!!!可惜佢唔係好夠凍,如果成碗o野再凍D就無可挑剔啦…Read More

一心黎到試伏，魯肉飯就食得多，珍珠魯肉飯連聽都係第一次聽。如果有創意分一定⭐️⭐️⭐️⭐️⭐️睇圖細細碗，真係得一碗飯，男仔嘅話可能唔夠食。，珍珠配上魯肉汁，味道係鹹鹹地。口感方面，煮到好淋，食落黏口，同珍奶珍珠彈牙嘅口感截然不同。除咗主角珍珠，飯配有有糖心蛋同肉鬆，口感豐富。雖然細碗，但料足夠餸成碗飯食。個人認為幾得意，但隔離枱正常魯肉飯更吸引。朋友見我冇肉食，比咗件牛腩我，正常入味牛腩。最正嘅甜品叫咗仙草3號，有布丁。兩人share，當飯後甜品剛剛好。布丁比較挺身，大大粒嘅芋圓入面有芋頭蓉，材料好豐富。仙草亦唔會太甜。係一個好滿足嘅甜品。溫馨提示：落完單先知，原來珍珠滷肉飯冇得加錢以優惠價叫飲品，需要比正價。…Read More