Wing Gor Kitchen

觀塘🇭🇰 讚口不絕私房菜✨👏🏻.同屋企人食生日飯，想食中菜但又唔想咁大路去酒樓，搵左呢間《榮哥廚房私房菜》 果然無錯😚 家中長輩們都大讚好好食👏🏻👍🏻💯.🔸川蜀味王時令田雞煲 $𝟐𝟎𝟖田雞煲熱辣辣 麻辣味好香 田雞超入味😋 望落細細煲 但份量都唔少！.🔸蜜鮮鳳梨柔嫩安格斯牛里肌肉 $𝟑𝟒𝟖原隻菠蘿上🍍 賣相100分 菠蘿酸酸甜甜 牛里肌肉都好嫩 唔會煮得太熟 咬落一啲都唔會韌👍🏻.🔸懷舊盤龍鱔 $𝟔𝟑𝟖（時價）好大條鱔 一條約2斤重 食極都仲有但係都食唔停口 鱔肉好嫩口好滑 啖啖肉～😚.🔸黑松露醬炒花尾躉班球配鮮蘆筍 $𝟑𝟐𝟖一上菜就聞到好香黑松露味🤩 啖啖肉 無骨 蘆筍都好鮮甜 超快清碟😛.🔸九肚魚鍋貼 $𝟐𝟑𝟖炸得好脆好香 九肚肉有少量芫茜 食落更有味道👅 唔食芫茜的我都覺得好食～.🔸慢煮西班牙黑毛豬粉嫩叉燒 $𝟐𝟔𝟖識食一定食半肥瘦叉！肥瘦岩岩好 真係好粉嫩🤩.🔸招牌茶王燻雞 $𝟒𝟎𝟖必食嘅招牌菜 好似炸子雞咁但係有茶葉燻過嘅味 雞皮又薄又脆 雞肉好滑😛.🔸榮哥亂炒王 $𝟐𝟏𝟖有魷魚🦑韭菜花 紅蘿蔔絲🥕 蝦🦐 絕對唔係hea炒 好足料😛.🔸水鄉蝦醬芥蘭苗煲 $𝟏𝟗𝟖好重蝦醬味 超級香🤩 肉碎配蝦醬好香 配白飯食一流 芥蘭都好新鮮 .🔸他鄉炒米絲 $𝟐𝟑𝟖超有驚喜💯 24個月西班牙黑毛豬火腿配福建莆田米粉，用極幼嘅米粉 蛋絲 火腿絲炒成 食落好乾爽 唔會痴埋一舊🥳.每樣菜底都好驚喜 賣相靚之餘仲好味道👅 鐘意食中菜就要黎試下呢間私房菜🥳 除左散叫 佢地仲有套餐 方便一啲選擇困難症嘅人去食😂 .總結就係：大推💯‼️.📍榮哥廚房私房菜🗺️觀塘觀塘道436-484號觀塘工業中心3期4樓L室..#mytaste_觀塘#mytaste_中菜…Read More

一直都想到這店晚餐，今次難得有機會，約左好耐冇見的朋友共進晚餐 以為在工廠大廈那邊應該行很遠的，沒想到一落港鐵樓梯就到，雖然有下雨，但真的幾步路就到，懶得開傘都OK 每枱都有屏風隔住，自成一角，傾計都開心D！我們一早訂了4位，所以已經有我們專屬的菜單，菜單上會寫上訂座客人名字及日期的 ^_^嘩！睇菜單都覺得食物很豐富 榮哥自家甜酸齋，起初以為色澤不夠就不夠味！怎知酸酸甜甜，恰到好處，醒胃！另一款小食，雲耳白耳，爽口彈牙，營養豐富！茶燻流心蛋伴墨魚子醬配厚切茄子、本地水耕沙律菜伴芝麻醬及雙色墨魚仔，非常有心思的雙色墨魚仔！茶燻流心蛋伴墨魚子醬配厚切茄子，茶燻流心蛋，香甜軟滑、帶有濃濃的煙燻味，再配上厚切茄子，份外好味！本地水耕沙律菜，新鮮、爽脆，不用伴芝麻醬都 OK！原盅燉龍脷葉青橄欖金桔黑毛豬豚肉湯！以前有D咳嗽，D人話煲龍脷葉飲，但我都未飲過 ^_<現在終於飲到喇 湯很清甜，清熱潤肺、治喉嚨不適，這段疫情期間飲用，很合適、很貼心呢！黑松露醬炒花躉尾班球配鮮露筍，龍躉班球肉質嫩滑，再配上露筍，惹味 韓泡汁煮牛面肉配雙色蘿蔔，牛面肉，細嫩的肉味，配上濃郁的汁，非常入味！蜜椒比利時杜洛克 St. Louis 橄欖豬肋骨，濃香幼滑，肉香四溢的豬肋骨，烤得香口、入味 招牌茶王燻雞，香而不膩、皮脆肉嫩 食了咁多濃郁美味的菜，終於食下清清地既有機時令鮮蔬！別以為是清湯，是清甜有味的湯配菠菜，味道一流！通常食到最後都很飽，食不下粉麵飯的，而且這款又其貌不揚，本想作罷！沒想到平平無奇的「他鄉炒米絲」，有意想不到的驚喜！原來用24個月西班牙黑毛豬火腿配福建莆田米粉！炒得入味、香口！食晒成碗呢 ^_<最後，每人都有時令甜品，芝麻湯丸！流心的芝麻湯丸，再配上姜湯，很滿足呢 ^_^…Read More

到咗8月生日月, 今次約埋3個舊同事, 一行4人聚舊飯局.其中一個提議兼訂埋呢私房菜.地點非常就腳, 港鐵一出來都到, 落雨都唔洗開遮.環境地方以中式裝潢為主, 地方闊落.枱與枱間距好大, 私隠度十足.食得私房菜, 當然係廚師發辦.每枱根據時令,人數,喜好,價錢, 菜單各有不同.首先上枱係前菜:1. <<本地水耕沙律菜伴芝麻醬>>2. <<雙色墨魚仔>>3. <<茶燻流心蛋伴黑魚子醬配厚切茄子>>先估唔到中式菜擺盤都咁精緻.一人一份, 以小竹盤上枱.沙律菜好新鮮, 好清爽.兩隻墨魚仔分別有兩種口味, 一隻辣一隻唔辣, 彈牙鮮味.最吸引嘅係流心蛋茄子!!似日式溏心蛋軟綿綿, 本身有茶香; 再加上少少魚子醬, 未食已經流口水.茄子雖然好厚身, 但炸得好靚, 外脆内軟.同時上枱仲有餐前小吃:1. <<榮哥自家甜酸齋>>2. <<黑白木耳>>各一碟. 酸甜爽口, 好開胃.<<原鼎燉龍利葉青欖柑桔黑毛豚肉湯>>燉湯份量十足, 每人可以飲兩大碗.龍利葉清熱潤肺, 青欖生津止渴解酒毒, 柑桔抗氧化降血壓, 好適合香港人夏天飲!!仲見到食到起碼仲有無花果, 淮山, 桂圓, 螺頭等等材料.啖啖清甜滋潤, 果香十足.桂圓美味甘甜!!<<黑松露醬炒花尾躉斑球配鮮露筍>>黑松露當然香氣滿滿, 斑球啖啖肉, 魚味濃! 竹筍清新爽口, 夠入味.<<韓泡汁煮牛面肉配雙色蘿蔔>>牛面肉稔到不得了, 味微辣.最快清哂係D蘿蔔, 吸收哂D精華!!<<蜜椒比利時杜洛克 St. Louis 橄欖豬肋骨>>一人只得一件, 非常精緻.豬肋骨香口而juicy, 夠離骨.杜洛克橄欖豬肉質果然軟腍!!<<招牌茶王燻雞>>一上枱, 上等龍井香片已經香氣四溢; 雞皮香脆,雞肉嫩滑!!細緻中見真章! <<米王有機時令鮮蔬>>淡淡米香配上有機菠菜苗,  外表翠綠, 入口爽而無澀味!<<他鄉炒米絲>>炒得乾身, 唔油膩.份量十足, 起碼有6大碗.以高級黑毛豬火腿, 配以莆田米粉.又睇得又食得.<<姜汁芝麻湯圓>>湯圓皮薄到一眼已經芝麻.口感軟腍Q彈, 以此甜品為美好嘅呢一餐作總結, 非常滿足.…Read More

最鍾意同好朋友一齊食好嘢丶逛下街！今天去重建發展區域觀塘走走，真係轉變好多，越嚟越靚，仲有新的購物中心，啱晒我哋！行到咁上下，就去咗朋友介紹嘅榮哥私房菜嘆嘆！經一輪防疫手續後，便被安排入座。侍應生十分親切，服務不錯。那裏座位舒適寬敞，還有音樂播放，又有電視可供食客欣賞電視節目。🍽我們點叫了4人份量餐$1676，包括有本地水耕沙律菜伴芝麻醬，茶燻流心蛋伴魚子醬配厚切茄子，原鼎海椰皇仔燉鷓鴣黑毛豬肉湯，椒鹽豬肺，油浸時令海魚（馬友友），江南百花雞（半隻），蟹黃瑤柱是令鮮菜（豆苗），他鄉炒米絲（ 24個月西班牙黑毛豬火腿配福建莆田米粉）及是令甜品（薑汁芝麻湯圓）。本地水耕沙律菜伴芝麻醬及茶燻流心蛋伴魚子醬配厚切茄子造型別緻，鮮脆沙律菜配芝麻醬而車厘茄配醋汁，開胃美味！溫泉蛋伴魚子醬-清而香；脆醬茄子炸得乾身，伴著自家製醬汁，配合得十分好。原鼎海椰皇仔燉鷓鴣黑毛豬肉湯原鼎端上，湯香四溢，湯清甜可口，湯料足（淮山丶豬骨丶黑毛豬肉丶龍眼海椰皇仔丶鷓鴣等等），飲完都想再飲！椒鹽豬肺功夫菜，豬肺炸得香脆乾身，外酥內軟，椒鹽烹製十分惹味！油浸時令海魚（馬友友）魚油浸後沒有油膩的感覺，乾身，外脆內潤，伴著醬油一起吃，送飯佳餚！江南百花雞（半隻）很特色！一邊是雞另一邊是蝦膠，上面鋪左黑白芝麻，煎得很到位，雞胸肉部份因另一邊是蝦膠，吃下去沒有太乾感覺，因這組合令你有不同的口感，不錯的配合，再加少少淡蜜糖汁一起吃，更佳！蟹黃瑤柱是令鮮蔬（豆苗）造型不俗，菜嫩，再加上蟹皇茨，十分味美！他鄉炒米絲（ 24個月西班牙黑毛豬火腿配福建莆田米粉）幼蒲田米絲乾身而韌，口感激佳，再配上西班牙黑毛豬火腿絲，調味很到位，令你食到停唔到口！是令甜品（薑汁芝麻湯圓）喜歡甜湯底夠薑，再配上老友記芝麻湯圓，冇得輸！…Read More

榮哥係一間高質私房菜，之前已經食過兩次，每次隔左年幾兩年先再幫趁，最難得係每次黎佢都會有新菜式同keep倒高水準，最近見佢凡喺openrice訂枱4人餐都有89折再免加一茶芥，即係埋單人均唔洗四舊水，就帶屋企人再黎食過。榮哥店面唔算好大，大約坐倒幾圍枱，每張枱都相隔一段距離，唔會好迫好侷促咁。先黎兩款前菜，每人有一份。茶燻流心蛋伴黑魚子醬配厚切茄子 - 哩道前菜次次黎食都會有，不過因為整得出色，所以即使再食都唔會厭倦。流心蛋蛋黃好流心，中間仲食倒少少茶燻味，下面嘅茄子好腍吸晒碟底嘅甜甜地嘅醬汁，非常好食。本地水耕沙律菜伴芝麻醬 - 沙律菜好新鮮爽脆，除左芝麻醬仲食倒少少Wasabi味，幾清新開胃。椒鹽豬肺 - 豬肺要黎煲湯就見得多，用椒鹽整都係第一次見，幾特別。豬肺外面嘅炸漿幾脆唔會太硬或者太厚，食落好重椒鹽同蒜香味，非常香口，用黎餸啤酒真係一流。豬肺唔會太老，估唔到可以用juicy黎形容。原鼎海椰皇仔燉鷓鴣黑毛豚肉湯 - 鷓鴣出名營養價值高但脂肪低，所以用佢燉出黎嘅湯都冇乜油。燉湯除左鷓鴣同瘦肉，另外仲加左龍眼肉同黑色細細粒嘅海椰皇仔。海椰皇仔好香椰味，不過食落口就比較硬嘅，試下就算。煲湯瘦肉都係用黎出味，反而我試左少少鷓鴣肉，煲完湯都未算好老，起碼好過瘦肉。油浸馬友 - 馬友比較常見嘅做法都係蒸或者半煎煮，用油炸就比較少見。馬友炸到好酥脆，連細骨都食得，非常香口，但食落又唔會覺得好油咁，係比較乾身嘅。江南百花雞 - 哩味百花雞做法幾特別，因為佢係將雞去骨，再喺雞肉下面釀蝦膠，食落口雞皮脆脆地，雞肉肥瘦適中醃得亦夠味，加埋下面彈牙嘅蝦膠，就算唔蘸另外上嘅梅子醬已經好好食。蟹皇瑤柱菠菜 - 菠菜放喺蟹皇同瑤柱整嘅茨汁上面，唔會太鹹幾好食。他鄉炒米絲 - 炒米粉用左24個月嘅西班牙火腿同莆田米粉，莆田米粉比平時食開嘅米粉幼好多，米粉炒得夠鬆唔會痴埋一舊，但食落又唔會成口油，加埋啲西班牙火腿吊下味，的確係唔錯。爆漿芝麻湯丸 - 哩個湯丸真係不得了，見佢咁大粒以為個皮都唔會太薄，但食落幾滑幾薄，不過重點係啲芝麻餡一咬開係勁流心，睇下我本來想影下佢個流心情況，未影啲芝麻餡已經流晒落啲薑湯度就知。芝麻好香好流心，薑湯薑味夠唔會太辣。原來湯丸係北角老牌糖水鋪福元出品，唔怪得咁好食。總結，私房菜一般人均消費$400起跳，而榮哥唔單止咁多年都keep得住個水準，而家仲要有折唔洗四舊水就食倒，對食有要求嘅朋友黎到一定唔會失望。…Read More

第一次食私房菜🙆🏻‍♀️經朋友介紹👭最終揀咗呢間位於觀塘舊式工廈嘅榮哥廚房私房菜🏭✅餐廳以簡單中式設計為主❣️牆邊擺放咗唔少獎盃🏆可見大廚廚藝精湛超然👨🏻‍🍳🔸4位 自選餐單（$1676）🥗本地水耕沙律菜伴芝麻醬水耕菜用青瓜片捲成🥒賣相精緻有心思☺️除咗芝麻醬👀菜式仲以蜜糖調味🍯食起嚟別有一番風味👍🏻🍆茶燻流心蛋伴黑魚子醬配厚切茄子流心蛋滲透出淡淡嘅煙熏味🍳蛋汁滿溢🤤厚切炸茄子以魚子醬汁點綴💫味道相當豐富✅🐓原鼎海椰皇仔燉鷓鴣黑毛豚肉湯今晚最大驚喜之菜式🔥清甜燉湯用料實在😍椰香味濃🥥鷓鴣滋陰潤肺🫁男女老少都啱飲👨‍👩‍👧‍👦🐽椒鹽豬肺薄脆嘅炸漿包住軟腍腍嘅豬肺🐖口感獨特👄豬肺完全冇內臟嘅血腥味👏🏻味蕾新享受😛🐟油浸時令海魚今晚嘅魚種係馬友😽魚皮經熱油慢炸得香脆可口💋魚肉新鮮嫩滑✨大廚特意將魚肉同魚骨分開🦴方便客人進食😃🐥江南百花雞（半隻）貌似平平無奇嘅雞肉🍗但其實釀咗爽口彈牙嘅蝦滑在內😎配搭特別調製嘅柚子醬汁🌟菜式極具創新💡🥬蟹皇瑤柱時令鮮蔬菠菜苗伴以味道濃郁嘅蟹肉醬汁🦀每啖都品嚐到菠菜嘅青嫩同蟹肉瑤柱嘅鮮味🥳🍜他鄉炒米絲（24個月西班牙黑毛豬火腿配福建莆田米粉）以高級黑毛豬火腿🥓蛋絲🥚酸蘿蔔等食材作配料🥕米粉較幼細👀炒得好乾身🤩盡顯大廚功架🎉🥣時令甜品（薑汁芝麻湯圓）芝麻湯圓餡料極為流心🥄薑湯暖心暖胃😬為豐盛的一餐畫上完美句號💛…Read More

每道菜都有驚喜，擺盤具心思且味道都十分出色，突出每道菜的鮮甜味。下次同屋企人可以唔洗淨係食酒樓，可以帶佢地黎食1.本地水耕沙律菜伴芝麻醬2.茶燻流心蛋伴黑魚子醬配厚切茄子3.原鼎海椰皇仔燉鷓鴣黑毛豚肉湯足料，清甜，無味精，勁好味，岩哂中意飲湯的我😋4.椒鹽豬肺唔食內臟的我，點都要試下。好神奇的感覺，原來豬肺係咁既味道，都唔錯5.油浸時令海魚今日呢條係馬友，廚師將佢分開一半，一邊係完全無骨，一邊都有少少骨，刀工好。雖然係「油浸」煮，但一點都唔油膩。6.江南百花雞（半隻）內有幾隻的雞係釀有蝦滑，蝦滑好爽，配搭好好7.蟹皇瑤柱時令鮮蔬9.他鄉炒米絲本身屋企是福建人的我，表示食都家鄉的味道，好中意這種米粉的幼細及質感。10時令甜品（芝麻湯圓）職員同我地講平時會用福元的湯圓，但因為無貨所以改左用小寧波，可惜可惜😭但佢既湯底搭夠，夠薑和夠甜。有機會都要試下有米芝蓮稱號的福元湯圓。…Read More

今日同屋企人嚟咗觀塘，想食餐超正嘅晚餐，經過官塘工業中心三期，見到有呢間私房菜，於是決定齊齊上去食☺️4位 特選餐單 ($1656)本地水耕沙律菜半芝麻醬- 沙律菜超級新鮮，咬落六卜趣，配搭埋香濃嘅芝麻醬，濃郁同鮮甜嘅味道相互配合，份外開胃😄茶燻流心蛋伴黑魚子醬配厚切茄子- 呢道菜都係冇得彈，流心蛋超超超好食，茶燻味非常突出，火候控制得好好，一啲都唔會老，強烈推介大家食😋- 厚切茄子水準都一流，外脆內嫩，炸粉一啲都唔厚，個人超級鍾意食魚子醬，濃郁鮮味，將茄子嘅味道昇華幾倍💛原鼎海椰皇仔燉鷓鴣黑毛豚肉湯- 啖湯非常清甜，入口細膩順滑，一啲味精味都冇，而且非常足料，湯渣都份量十足，我地食到超級滿足😜椒鹽豬肺- 第一次食椒鹽豬肺，平時都係飲豬肺湯多，好特別，椒鹽香口濃郁，痛有少少微辣，但又唔會蓋過豬肺嘅鮮味，反而帶出咗豬肺嘅鮮嫩😚油浸時令海魚- 呢個都係其中我最鍾意一個菜式，油浸針嘅方式令海魚表皮變得酥脆，但肉質唔會變老，仲保持到其嫩滑，食落卜卜脆，超好味，一啖接一啖🤤江南百花雞 (半隻)- 百花雞都係驚喜滿滿，雞皮非常之好食，而且入邊饟咗蝦，令到口感層次更加豐富， 鮮味十足🤗蟹皇瑤柱時令鮮蔬 (菠菜)- 呢個菜式好有驚喜，見似常見普通嘅菜但整得好好食，菠菜熟度控制得非常好，唔會太軟身👍🏻- 蟹皇瑤柱簡直係精粹，其鮮甜細膩令到菠菜原有嘅味道更加發揮得淋漓盡致，令我唔太鍾意食菜嘅人都食到舔舔脷❤️他鄉炒米絲 (24個月西班牙黑毛豬火腿配福建莆田米粉)- 炒米絲好特別，係街外比較少有嘅麵種，米絲幼細得嚟幾有咬口，配搭埋鹹香十足嘅黑毛豬火腿，別具一番風味😆時令甜品 (薑汁黑芝麻湯圓)- 呢個甜品都幾好食，薑味突出，但又唔會過分濃烈，搶咗湯圓嘅風頭；湯圓軟滑，內餡綿密甜美，黑芝麻味格外香濃☺️食物質素非常高，而且餐廳內部擺設同餐具都非常別緻，而且枱與枱嘅分隔做得幾好，私隱度高，啱晒一家大細聚會😚…Read More

疫情稍緩 ，終於有人按耐不住 ，四出匯友，吃飯聚舊 。 今晚大伙兒光顧觀塘工廈內一間私房菜 ，這裏裝修簡樸與普通中菜館無異 ，最吸睛是一櫃琳羅滿目的奬座和証書。 我們準時抵步，經一連串基本防疫步驟後，被安排坐其中一張大圓桌，檯與檯之間有垂簾、半身圍欄作間隔，與其他的食客保持距離，吃得自然較安心。令晚菜館提供了九道菜 :本地水耕沙律菜伴芝麻醬沙律菜味道清甜爽口， 捲成花狀夾起來方便，淋上芝麻醬灑少少白芝麻， 味道更香，精緻又美味 ，可謂燻蛋的最佳伴菜茶燻流心蛋伴黑魚子醬配厚切茄子菜館的招牌菜之一 ，主角流心蛋以黑魚子作裝飾，淡淡茶燻香伴隨半流心軟滑的蛋漿流入口腔，令人回味。而底、面均略略油泡過的厚切茄子，穏妥地承托著流心蛋，其鬆軟細緻的肉質不但輕易地抓住醬汁；本身偏淡的味道突顯了醬汁的酸甜；而混入了芫茜、蔥的酸甜醬汁又解了流心蛋的膩，設計見心思。倘若在流心蛋的裝飾上再進取點，例如增加黑魚子的份量，更顯貴氣。原鼎海椰皇仔燉鷓鴣黑毛豚肉湯用椰皇BB燉湯，我也是第一次試，雖然比例上不算多，但椰皇味不減，入口香甜，配上鷓鴣、黑毛豚肉清燉，肉鮮味濃，滋陰潤肺。椒鹽豬肺平時用椒鹽煮海鮮、豬扒就食得多，椒鹽豬肺，也是我的第一次，豬肺切件，增加咬口，炸至色澤金黃，椒鹽香氣更盛，豬肺軟熟得來頗有彈性，輕輕一咬會有種回彈感，咸香惹味，用來佐酒應該不俗。油浸時令海魚 (馬友)菜館今晚選用名貴的馬友，馬友出名肉質細緻爽口，油脂豐富，雖以滾油浸過，卻又一點也不油膩，皮脆肉嫩，非常香口。江南百花雞( 半隻)百花雞~ 一道工序繁複的粵菜，今次的造法是先將雞隻起骨去肉留皮，刮走皮肉間油脂，雞皮上鋪一層薄雞肉，再釀上蝦膠，洒上黑白芝麻，油泡後斬件，再砌回整隻雞的形狀，當中的細節，極考廚藝功夫及經驗。經油泡過的皮，色潤金黃脆口，蝦膠彈牙、雞肉嫩滑有肉汁，没有多餘的調味，入口淡淡肉，無骨，老少咸宜，蘸上冰梅醬，酸酸甜甜，另有一番風味。蟹皇瑤柱時令鮮蔬澎湃的蟹皇瑤柱配嫩綠的菠菜，每一口盡是蟹肉和瑤柱的鮮甜， 菠菜的清新味道。他鄉炒米絲 ( 24個月西班牙黑毛豬火腿配褔建莆田米粉 )在已經有八九成飽的情況下，相信部份人( 如我 ) 都會對即將上場的炒米絲提不起興趣，心想普通的炒米粉，賣相又不見得特別吸引，瞄頭就只有那黑毛豬火腿。膚淺的我原本打算吃幾口便了事，結果反而有驚喜。坊間形容莆田米粉細如絲、白如雪，的確如新竹米粉般幼細，質感柔韌彈牙，入口爽滑；不過米絲能夠炒至乾爽不粘糊，不油膩，也有懒廚帥的功力。加上黑毛豬火腿的甘香及其他配料的鮮味夾雜進米絲當中，偶而還會吃到一股來自豪不起眼，白芝麻爆炸性的馥郁香味，簡直令人欲罷不能，一口接一口地吃下去。時令甜品 (湯丸)吃畢傳統中菜，再來傳統中式糖水，感覺一致。今晚是薑汁湯丸，最驚喜是那薑汁湯，煮得非常辛辣，喜歡薑的人自會明白那股吸引力；香濃的芝麻饀湯丸製作成一口一粒，令客人吃的乾淨俐落。…Read More

二零二一年四月十五號，星期四晚上。好久沒有外出飯聚了，今晚就約了閨密一行四人在公司附近吃私房菜。私房菜要先預定菜單，我們當然也先選好了，坐下沒多久就迎來第一道菜。本地水耕沙律菜伴芝麻醬，水耕菜清爽多汁，伴著胡麻醬的不是橄欖油，原來是蜜糖，帶點點甜味更開胃；茶燻流心蛋加上黑魚子，煙燻味越嚼越香，圍著厚切茄子的像是糖霜一般口感的也很特別，想不到前菜已經這麼有心思。椒鹽豬肚，這個組合還是頭一次聽見，豬肚炸到金黃色，口感外脆內軟又不失豬肚鮮味，配上辣椒粒和香蒜，惹味到不行呢。原鼎海椰皇仔燉鷓鴣黑毛豚肉湯，用上原隻鷓鴣，滋陰潤肺，熬出來的湯色清味濃，喝起來味道跟雞湯有點像，而且鷓鴣肉厚骨細，就算熬過湯肉質也很細滑，這種天氣最適合喝些清潤的湯品了。油浸時令海魚，今天是馬友魚，馬友以皮香肉滑聞名，服務生幫我們把魚切塊，經過油炸後，魚肉依然細潤如酥，連魚骨也變得酥脆，有興趣的可以連骨頭吃。江南百花雞，光看名字我們還在瞎猜是不是加了花雕酒所以取名百花，原來百花就是蝦膠，這是一道廣東工夫菜，師傅要先把雞的肉骨剔光，剩下雞皮，再釀入蝦膠，所以我們吃的時候，入口有著雞皮跟蝦膠兩種不同層次的滑度跟Q彈度，厚厚一件真有點吃廚師發板壽司的樣子，那麼特別的菜品真是開眼界了。蟹皇瑤柱時令鮮蔬，端上來的時候像極了一顆燒賣，裡面是一整陀新鮮的豆苗，這可是我最愛吃的蔬菜呢，被滿滿的瑤柱跟蟹肉包裹著，每一口都是鮮美的滿足。他鄉炒米絲，這道炒米粉真的驚艷，米粉用上福建莆田米粉，莆田米粉比新竹米粉跟泰國米粉更細，有「白如雪，細如絲」的美譽。用上24個月的西班牙黑看豬火腿絲，為炒米粉添上淡淡鹹香，服務生介紹說原來師傅是用筷子來炒的，又是一道手工菜，難怪炒的乾身，絲絲分明卻一點不油膩。甜點是黑芝麻湯圓，一咬下去的爆漿流心效果真的不得了，薑汁的甜度剛好，喝完以後真的暖心又暖胃，今晚的飯局真的很開心呢。服務方面整體不錯，如果可以在菜跟菜之間幫客人換碟子餐具方面多留意一下就更好了。…Read More