Akita Hamayaki

星期三和老公到尖沙咀秋田浜燒食堂吃晚餐。我們叫了小樽漁港二人前套餐 $1088+1。餐前小食: 慢煮鵝肝、水雲海藻、牛蒡蒜頭漬碟子精美使食物變得更加吸引，三款小食都不錯，特別是慢煮鵝肝的味道很濃郁。季節沙律以柚子汁佐沙律，很開胃。精選刺身五點刺身厚切，新鮮肥美，非常滿足。三點浜燒料理: 函館北寄貝、北海道帆立貝、鮮活南非鮑魚吃得出來海鮮的鮮甜，高質食材就可以做得到這一點，很讚。日本直送活生蠔生蠔也是很新鮮肥美的，好吃。人氣蟹味噌甲羅燒甲羅燒鹹鹹的，因為加了味噌，配著法包吃就剛剛好，相輔相成，味道變得更鮮，喜歡。自選食事: 成田蒲燒鰻魚丼、鮮蟹肉明太子蛋黃醬冷烏冬兩個主食份量小小一碗，但也足以飽肚，都挺美味的。甜品: 杏仁布甸杏仁味很突出，加上一點點紅豆，添加甜味，口感非常水潤。另外有一個環節是看我們一手拿到幾隻赤蝦，就贈送給我們，很有趣，而赤蝦蝦膏味很濃醇。…Read More

這間位於尖沙咀的日本餐廳主打爐端燒，裝潢日式木系為主，加上日本風格的燈籠及布藝作裝飾，如置身日本。店內提供多款新鮮海產，每日由日本空運到港。札幌漁港 - $988/二人前套餐餐前小食正方形的明太子粒爽脆鮮味好綿密；黏滑的水雲好清爽；牛蒡蒜頭漬甘甜爽口。季節沙律鮮嫩翠綠的沙律菜配多汁的車厘茄，酸甜的柚子醋好清新。澳洲頂級牛胸肋骨肉一片片粉嫩的牛肉，組織豐富帶有肉筋，軟嫩中帶有嚼勁，牛味超濃郁，鋪上一條條辣椒絲，可配炸蒜片、青檸或蜜糖芥末醬。人氣蟹味噌甲羅燒味噌調製過的蟹膏特別甘香，加上絲絲香甜的松葉蟹肉和爽脆的蟹籽，蟹味十足！三點浜燒料理海鮮新鮮得不斷活動，專人負責席前爐端燒。鮮活南非鮑魚大大隻鮑魚厚身爽身，鮑魚味鮮甜明顯又濃郁，肉質細嫩煙韌帶爽。函館北寄貝鮮美甜味的貝肉好肥美，肉質爽口有嚼勁。日本直送活生蠔肥美飽滿的蠔肉有著清甜的鮮味，濃郁的蠔香，而沒有金屬味，入口Creamy順滑，有少少醬汁和蘿蔔蓉。成田蒲燒鰻魚丼關東煮法先蒸後燒，鮮嫩的鰻魚口感較鬆軟，塗滿鹹香的蒲燒醬汁，晶圓飽滿的日本珍珠米吸飽精華，有少許蛋絲。鮮蟹肉明太子蛋黃醬冷烏冬幼滑細膩的冷烏冬掛滿清香爽口的蛋黃醬，伴著綿密明太子帶微辛鮮味，更有一絲絲香甜的蟹肉。甜品十勝紅豆杏仁奶凍柔軟細膩的奶凍富彈性，散發杏仁香氣，更有綿密香甜的十勝紅豆。一手赤蝦人均消費滿指定金額即可參加免費吃，帶上手套一手抓生猛赤蝦。肥美的赤蝦刺身口感爽口有彈性好鮮甜。…Read More

約女友去尖沙咀食飯,  原本打算去諾士佛臺, 女友怕太嘈, 結果選擇  "秋田浜燒食堂",  日本餐有風味. 佈置和風有特式,  店員服務態度好. 餐廳座位闊落舒適, 日本特式牆畫, 手工不錯, 有藝術性, 百看不厭.餐牌面頁, 看見日本巨魚市場,  真犀利.我們點了  "二人前浜燒套餐"  $988-,  每枱有專員替我們燒烤. 立即落單.店員先送上前付, 三點浜燒料理:   明太子沙律, 水雲,  漬蒜頭, 擺碟不俗, 同高級 Omakase 幾相似.水雲加了醋好爽滑,  有助開胃.季節沙律,   七彩蔬菜嫩綠, 新鮮清爽.  沾上沙律醋, 美味.店員招呼, 免費食 "一手赤蝦",  如此優惠, 我和女友欣喜約狂,  立即由我做, 赤蝦好大只, 一手只拿了五隻, 今個晚餐有加料.  赤蝦做刺身. 蝦肉結實彈牙, 新鮮爽口, 鮮甜無比.日本直送活生蠔,    生蠔刺身, 蠔身肥美, 有些海水味, 肉質爽甜. 食完兩樣刺身,  到吃牛肉, 澳洲頂級牛胸肋骨肉,  煎得剛好, 幾嫩滑, 重牛味, 已切開方便分嚐.   吃到牛的油香, 好食.浜燒海產好豐富,  師傅送上五食材介紹: 有北寄貝, 活鮑魚,  帆立貝, 甲羅燒.師傅在我們檯上設置爐具, 把食物慢慢燒. 函館北寄貝, 肉質肥厚, 爽口, 加上清酒煮,  北寄貝帶些清酒味, 真好食.北海道帆立貝,  好厚肉.  肉質濕潤柔軟, 味道鮮美,   大家滿意.鮮活南非鮑魚   鮑魚好大只,  慢慢燒,  火燒活鮑魚感覺有些殘忍.  大約燒了八分鐘,  店員取去廚房清洗.  再放上爐燒至有小小焦香.鮑魚鮮甜無比,  海產中的極品.  切成四件,  吃得更方便.  人氣蟹味噌甲羅燒   蟹膏, 鵪鶉蛋及蟹籽混合.  蟹膏蛋醬燒得暖暖的,  伴有烘多士一起送來.我們把醬塗滿烤熱的多士,  好香好好食. 口感豐富, 特別喜歡那彈牙的蟹籽.   成田蒲燒鰻魚丼,  鰻魚剛燒起真的好熱, 好香,  鰻魚汁燒好入味, 肉厚,  一口鰻魚, 一口飯,   真滋味!最後是甘味, (甜品),   杏仁豆腐奶凍, 入口柔滑, 好重杏仁味而不太甜,  伴有紅豆, 真可口 !!浜燒晚餐, 食材新鮮有質素, 加上鮮味刺身, 價錢經濟抵食. 無得輸 !!  …Read More

秋田浜燒食堂, 糸我們喜歡去的日式餐廳之一.在這裡吃晚餐,  有身在日本的感覺,  因為裝修佈置, 滿滿日本風情, 好氣氛,   餐廳特式, 新鮮海產, 日本天天直送.   座位闊落舒適,  我們坐下, 綠茶餐牌, 立即送到. 店長介紹 浜燒套餐, $988/2位-.  食品很豐富,  附設 彩圖,  點餐更清晰.落了單, 店員介紹新玩意  [一手赤蝦],  客人自抓得多少, 餐廳請免費食蝦.店員送上一盤巨型大蝦及膠手套,  心想好玩......像有些難度,  蝦身會拮手?   結果成功一手抓了五隻, 威威, 有驚喜!!師傅即制大蝦刺身,  肉色鮮明,  蝦肉入口滑彈.正餐開始, 先來 季節沙律,  少不了生菜, 車厘茄, 蒟蒻絲等, 混上沙律醋, 口感清爽開胃.  餐前小食三點:   擺設富濃厚和風.   有明太子沙律, 水雲,  漬蒜頭,  明太子沙律, 鮮味好食.  水雲配青瓜片, 加了醋好爽滑.   漬蒜頭醃制 美味, 開胃之選.接著送上, 日本直送活生蠔, 蠔身肥美, 入口絲滑, 肉質爽甜,  配些柚子醋, 味道真好.  澳洲頂級牛胸肋骨肉,  五成熟的牛胸肋骨肉, 肉質軟腍細緻, 肉味濃郁, 鮮嫩多汁.  配以炸香蒜片及芥茉, 口感非常好.主要浜燒海產,  有北寄貝, 活鮑魚,  帆立貝, 甲羅燒.師傅服務好, 有經驗又細心.  鮑魚大大只放上火爐上燒, 去殼, 洗淨再燒熟, 加檸檬牛油調味.鮑魚好稔滑, 燒得剛剛好, 沒有乾身, 切開 4 件, 細細品嘗, 肉質彈牙味鮮甜, 滿意. 北海道帆立貝,  帆立貝加湯汁伴煮, 肉質鮮嫩多汁, 大家吃得津津有味北寄貝, 加上清酒, 燒得香口, 又嫩滑.   連湯都要飲, 吾好浪費.人氣蟹味噌甲羅燒,   每人一份, 用了陶瓷制 蟹蓋, 內放有松葉蟹肉, 蟹籽, 蟹膏, 蟹醬.熱熱的蟹醬塗上烘熱的多士上,  好 食真滋味,  比西班牙 Tapas  更美味. 這個 浜燒套餐, 大家食得又飽又滿意.  再來一個 火炙香葱三色迷你海鮮丼, 嘗到新鮮火炙魚生, 鮮味足, 粒飯都帶點魚油的香味.餐後甜品, 杏仁奶凍豆腐, 濃濃杏仁味, 豆腐入口香滑,  配上紅豆, 甜美美！ 大家都喜歡. 這個浜燒餐, 夠新鮮, 食材豐富, 價錢抵食,  師傅服務貼心, 值得推介.…Read More

秋田浜燒食堂」晚上供應兩款二人餐，$1088 小樽漁港 或 $988 札幌漁港，分別在選擇刺身五點拼盤或燒物料理，燒肉可挑澳洲羊架、生燒藍鰭吞拿魚下顎或澳洲頂級牛胸肋骨肉，我們選擇了後者及吞拿魚下顎作燒物。久違了的浜燒，「秋田浜燒」佈置得如漁市場，小店風格，周一晩上不熱鬧，可與閨蜜無憂傾計！ 汁煮鮑魚拼魷魚．水雲．蟹籽沙律汁煮鮑魚及魷魚軟熟入味，酸酸的水雲很醒胃，蟹籽沙律口感豐厚，與別不同！ 手抓赤蝦店子送上一籃赤蝦，原來與我玩過小遊戲，看看一手可拿多少隻，拿到多少便是免費的。 哈哈！我取了7只。 處理好似後再送上，赤蝦刺身肉厚大只，蝦頭有膏。 日本直送活生蠔如預期中的肥美 生燒藍鰭吞拿魚下顎意料之外，魚皮薄脆如紙，香惹味帶點鹹，魚肉油滑味香，因為豐腴，以酸汁及白蘿蔔蘸之減膩非常合拍。 鮮活南非鮑魚北海道帆立貝北海道帆立貝浜燒由店員代勞，自然恰到好處，鮮美。 人氣蟹味噌甲羅燒鹹鹹地充滿鮮味的甲羅燒，塗在多士上吃是一般亦是最理想的吃法。 成田蒲燒鰻魚丼火炙香蔥三式海鮮丼最後一人一個迷你丼，非常足夠。 甜點紅豆杏仁奶凍 https://gourmetivy.blogspot.com/2023/03/blog-post_9.htmlhttps://www.instagram.com/gourmet_ivy/ …Read More

好耐未返過鄉下🇯🇵啦，所以搵左間位於尖沙咀嘅平價浜燒—「秋田浜燒食堂」～浜燒套餐$988起/2位，有7道菜，包括餐前小食、沙律、刺身、燒物、甲羅燒、浜燒海鮮、飯/麵和甜品，好抵食！☺️餐廳裝潢就如日本嘅居酒屋，門口有個大魚缸養住每日從日本新鮮運到嘅海鮮，「即捕即燒」，保證新鮮！😎除了浜燒外，還有刺身、卷物、一品料理、丼飯等。我地最後揀左小樽漁港（$1088/2位）🔸餐前小食有3款日本🇯🇵開胃小食：明太子沙律 明太子卜卜脆，配上玉子一齊食，有豐富嘅口感。蒜頭漬食落唔辣，鹹香惹味。牛蒡絲健康又有咬口！🔹季節沙律蕃茄雜菜沙律配上芝麻醬，幾開胃。😌🔸精選刺身五點有油甘魚、三文魚、吞拿魚、池魚、左口魚，全部都好肥美新鮮，左口魚薄切蘸上特製酸汁，更能提鮮～☺️期間限定仲有一手赤蝦環節～一手抓到幾多隻就送幾多隻赤蝦刺身！有得食又有得玩！🤣我地捉到4隻！赤蝦好大隻，肉質鮮嫩甜美，正！☺️🔹三點浜燒料理海鮮會先上枱比你相機食先，然後有專人幫你燒～1. 北海道帆立貝 或 鮮活南非鮑魚 二揀一我地各揀一，最後share食就兩款都可以食晒。😂南非鮑魚上枱嘅時候仲識郁！😳鮑魚肉厚爽身，肉質軟韌細嫩，鮮味十足～帆立貝加左昆布調味，肉質爽彈鮮甜～2. 函館北寄貝北寄貝肉質彈牙，鮮味十足！👍🏻3. 日本🇯🇵直送活生蠔🦪令和の怪物有着岩蠔牛奶般嫩滑鮮甜嘅味道，蠔味濃厚，海水味適中，口感爽口。🔸人氣蟹味噌甲羅燒係燒好先上枱，將蟹肉、蟹籽、蟹膏、香蔥拌勻一齊食，蘸法包食得，就咁食都好正！蟹味濃郁，同埋真係好多蟹肉係裏面～超正！😋最後每人可以揀兩個飯/麵。🔹成田蒲燒鰻魚丼鰻魚外皮香脆，塗上香甜鰻魚汁，配上蛋絲和珍珠米飯一齊食，味道不錯，不過個飯就淋咗少少。🔹鮮蟹肉明太子蛋黃醬冷烏冬冷烏冬嫩滑彈牙，每條烏冬都沾滿明太子和蟹肉一齊食，不錯吃！🔸杏仁布甸布甸好滑，杏仁味好香，作為整頓飯完美嘅總結。…Read More

每個星期在忙碌中壓力中完成工作後，最期待的假期盡量找一些樂子和美味的食物慰勞一下自己，然後又重新在新的星期出發！有同事介紹這一間日本海鮮餐廳，裡面裝潢設計很像置身於日本傳統居酒屋，餐廳會即場為你生燒海鮮，保正新鮮美味！這裡有兩個性價比高的二人前套餐，質素高之餘價錢相當合理便宜，每人幾百元就可以吃到多款美味食物，每一道食物是逐樣上菜，餐廳會留意我們吃完時間後準備上下一道菜，時間恰到好處！原來餐廳現進行一個有趣活動，給我們其中一人戴著手套一手抓起幾多的赤蝦刺身就送給我們，朋友抓起了6隻🤭，每人吃到3隻👏🏻👏🏻👏🏻，多謝！我們揀了「小樽漁港」二人前套餐（$1088，加10%服務費），另一個套餐的主食是燒物料理。我們的當中包括以下：**餐前小食，季節沙律：小食都很精緻，燒和牛，木魚蒜頭，煙燻雞肉卷。沙律都好用心，又清新開胃。**精選刺身五點：五款刺身有三文魚，油甘魚，吞拿魚，左口魚和池魚；色澤光鮮豐富油脂肉質好味👍🏻**三點浜燒料理：南非鮑魚，北海道帆立貝，函館北寄貝，三款海鮮都會全生上枱先，每樣都好大隻，我還看得見隻鮑魚在扭扭身體起勁郁動！餐廳即場為我們生燒和以醬汁調味，好彈牙鮮甜美味！**日本直送活生蠔：日本岩手縣手掌般大的蠔稱為「令和の怪物」，以大而取勝，因有怪物之稱，肉質厚而飽滿，口感有像牛奶般嫩滑，味道濃濃的鮮甜蠔味😍，加幾滴青檸汁就能帶出甘甜👏🏻
**蟹味噌甲羅燒：蟹膏調得好creamy, 裡面還有大大啖的蟹肉，蟹籽，香蔥，將香噴噴濃烈的蟹膏和蟹肉放在多士上一起吃，太好味了！😍**自選飯或烏冬：我們分別點了灸燒三色海鮮丼和鮮蟹肉明太子蛋黃醬冷烏冬，我們分著吃，其實已經有點飽了，但個飯和冷烏冬又幾好食😋最後還有一個小小的甜品：杏仁豆腐，不會好甜，我不愛吃杏仁，但這個少許杏仁味和豆腐味混合一起中和得好好👍🏻…Read More

今日同朋友仔去尖沙咀行街，到咗晚餐時段，就忽然想食浜燒，所以就來咗位於天文臺圍既秋田浜燒食堂開心食。之前來過，有「一手抓蝦」既活動，今次再去，原來重有得玩，這活動就係一隻手抓到幾多蝦，餐廳就會幫你做成刺身，今次我就抓到了7 隻，成績都幾好。生蝦刺身好新鮮，味道清甜。之後我同朋友就點咗「小樽漁港 二人前套餐 」 ($1,088)，套餐包括了： 《餐前小食》和牛、煙燻雞肉卷和明太子沙律，三款小食味道都不錯，我就特別喜歡和牛，因為佢顏值高，放響一個精緻的盒子入面，好睇又好食。季節沙律 - 沙律🥗清新開胃，水晶海藻爽口彈牙，再配上蕃茄，妙精選刺身五點有油甘魚、三文魚、吞拿魚、太刀魚和鰈魚鮮味到不得了，絕對是高質素，全部都油脂均勻分佈，讚。《三點浜燒料理》鮮活南非鮑魚 x 1 - 鮑魚超級新鮮，上枱時鮑魚還會動，鮑魚肉厚，超級滿足函館北寄貝 x 2 - 函館北寄貝店員在燒的時候，加了牛油和醬汁，清爽惹味。北海道帆立貝 x 1 - 北海道帆立貝鮮味簡直不得了，不用加任何調味都經已好好味。日本直送活生蠔 x2 - 生蠔是日本直送，大大隻，又肥美多汁。人氣蟹味噌甲羅燒 x2 - 蟹膏有濃郁既蟹味，好creamy，配上脆脆的麵包一齊食，簡真係人間極品成田蒲燒鰻魚丼 火炙香䓤三色迷你海鮮丼 - 火炙三文魚腩、油金魚和吞拿魚，真的不得了，火炙後所溢出其魚油真係非常惹味，而且入口即溶，正。甜品杏仁豆腐 - 滑溜…Read More

今晚約咗朋友去尖沙咀一間日本餐廳「秋田浜燒食堂」食飯，餐廳位於天文臺圍，所以我哋要行一段小斜路才能到達餐廳餐廳有個小遊戲叫「一手抓蝦」，顧名思義 就係用一隻手抓到蝦，就會賞你食生蝦刺身，今次我成功抓到7隻蝦，成績唔錯😁之後我哋叫了「小樽漁港 二人前套餐 $1,088」，套餐包括：1️⃣ 餐前小食煙燻雞肉卷、和牛、明太子沙律，三款小食都唔錯，特別是和牛，放在精緻的小盒子內，好睇又好味2️⃣ 季節沙律沙律 清新又健康3️⃣ 精選刺身五點刺身五點 有鰈魚、油甘魚、三文魚、吞拿魚、太刀魚，用料上乘，每款刺身都新鮮《三點浜燒料理》4️⃣ 鮮活南非飽魚 (x 1)、北海道帆立貝 (x1)🥢 鮮活南非飽魚 味道濃郁，肉厚略帶嚼勁🥢 北海道帆立貝 好大隻，鮮甜又好味，經過職員燒烤後，風味極佳5️⃣ 日本直送活生蠔 (x 2)日本生蠔 非常肥美，滑嫩又順口，而且肉質鮮甜6️⃣ 函館北寄貝 (x 2)北寄貝 色澤明亮，食落口味道鮮甜，口感極佳7️⃣ 人氣蟹味噌甲羅燒蟹味噌甲羅燒 滿滿的蟹膏，無比鮮甜，配上脆口多士一起食用，非常惹味《自選食事》8️⃣ 成田蒲燒鰻魚丼 (x 1)、火炙香䓤三色迷你海鮮丼 (x 1)鰻魚丼 及 海鮮丼，兩個丼飯都唔錯，食完之後十分滿足9️⃣ 甜品杏仁豆腐 味香而不會太甜，不錯不錯…Read More

在居酒屋的餐桌上現烤新鮮魚貝類已經成為飲食潮流，經常光顧秋田系列的鐵板燒，這晚就試試它們的浜燒料理連綿的日式燈籠，裝修別具漁港風情來到居酒屋當時要來一瓶清酒！軍令純米大吟釀以品嚐稻米最純粹的味道為主，口感柔軟決定要了一份$1088的小樽漁港二人前套餐！先奉上餐前小食三款！有香港少見的雞肉刺身，味道清淡，軟嫩緊緻季節沙律清新開胃精選刺身五點食材新鮮！赤蝦鮮甜爽滑，油甘魚肉厚切，池魚配上柚子醋醬汁，鮮味更出主角三點浜燒料理全都由店員燒，確保唔會過熟或者太生及幫忙調埋！鮮活南非鮑魚肉厚爽口！淡淡的清酒香賦予北海道帆立貝一陣和風味道！日本直送活生蠔肉質肥厚！函館北寄貝以特製醬汁一起燒，十分入味人氣蟹味噌甲羅燒，蟹殼裡放滿用味噌調味後的濃郁蟹膏，放有蟹肉及蟹籽，賣相吸睛鮮蟹肉明太子蛋黃長冷烏冬每條烏冬沾滿惹味蛋黃醬、蟹肉同明太子，鮮味十足火炙香蔥三色迷你海鮮丼的魚生被炙燒後油脂被逼出，帶有微醺的軟糯最驚喜的是店內一手赤蝦的活動，一手抓到多少蝦就可免費作刺身或浜燒甜品為杏仁布甸質地軟滑，不會太甜:)…Read More

期待已久， 今日初試日本浜燒料理，間舖位於天文台道附近。最近秋意味濃，見住師傅喺你面前燒，分外有風味。叫咗海鮮二人前。等等。。。食之前原來有遊戲玩，一手蝦遊戲，到幾多就可以食幾多，我到六隻，算係咁啦。前付有:河豚魚干感覺有啲似厚切豬肉乾，但多咗份海鮮鮮味，幾得意。:) 特上刺身拼盤五點賣相一流， 擺位襯色美輪美奐， 共有五款刺身，款款肥美，新鮮仲好厚身。浜燒料理方面:青森鮑魚爽口彈牙，好大隻好鲜味， 上枱時香噴噴。函館北寄貝好肥美，而且加上特製醬汁一齊燒，份外好味。北海道帆立貝非常juicy，而且好新鮮好爽口彈牙。剛才的大蝦獎品師傅幫我們發板，三隻燒三隻刺身， 雖然係獎品但係一啲都唔吝嗇，好大隻。人氣蟹味噌甲羅燒蟹肉同味噌一起煮非常惹味，配上法飽同青瓜點嚟食， 中和番啲濃味。山之惠黑松露茸野菌箔燒食咗咁多海鮮，呢道野菌 可作緩衝，黑松露好香好嘢味。自選食事我們都揀咗京都鰻魚茶漬飯，鰻魚雖然細細塊，但係非常厚實，個伴湯跟打散了的飯一起吃，好滋味。甜品 揀咗朱古力雪糕， 有朱古力碎碎嗰種，係我的至愛，為呢餐畫上完美句號。…Read More

01.09.2021 秋田浜燒食堂 今日同好友慶祝生日，要找個地方有海鮮食又不限時，結果上Open Rice搵到「秋田浜燒食堂」，幾乎全部都是好評，所以訂枱試食一下。溫馨提示，餐廳位於天文臺道斜路上，用Open Rice地圖自然找到。環境：好有日本風味，可以暫時忘卻自己身在何處，兩個人坐四人大枱，一面欣賞旁邊浜燒，一面享受美食。職員讓你選擇燒爐放旁邊，抑或放遠一點枱面。為了拍照，我們選擇放在旁邊，不太熱也不大煙，真是趣味盎然。美食：北海漁港二人前套餐，$488/一位，另加靜岡番茄魚生野菜沙律一份，而且社交平台 讚好之後，可以玩一手抓蝦遊戲；結果抓了五大隻赤蝦，分別刺身四隻，浜燒兩隻（職員多送一隻）《北海漁港二人前套餐》非常豐富，食前菜、浜燒海鮮、還要食茶漬飯，雪糕，滿足到不得了！🥰～浜燒料理青森殘酷網鮑2隻兵庫縣直送播磨蠔2隻北海道帆立貝2隻人氣蟹味噌甲羅燒x2 山之惠黑松露茸野菌箔燒～前付（前菜）日本和牛刺身八片河豚魚干清酒昆布大蜆煮～自選食事（自選飯/麵）京都鰻魚茶漬飯～甘味（甜品）紅豆/綠茶雪糕～芝士生日蛋糕一件（逢生日餐廳奉送）基本上所有海鮮都好新鮮，甜美，尤其我個人比較喜歡刺身網鮑、播磨蠔、大蜆、鰻魚茶潰飯。可能因為平日，不算太多人，但職員Billy 已經夠忙，不停替我們燒海鮮，其他職員也忙於收/換碗碟、加茶。總括來說，環境、美食和服務都好滿意，如果你喜歡吃海鮮，可以考慮試試！…Read More

之前食過秋田鐵板燒，覺得不錯，所以今晚約朋友來試下佢既浜燒，聽講話都唔錯。我同朋友坐底點完餐之後，店員問我有無興趣食蝦，原來餐廳做緊推廣「一手赤蝦」，如果在社交平台 like 了秋田鐵板燒社交平台專頁，就可以用一雙手抓蝦，抓到幾多就煮晒俾你食，咁抵，我就當然玩啦 。最後我地抓到 6 隻蝦，yeah！3隻燒，3隻做刺身。赤蝦刺身鮮甜鹽燒赤蝦好香口，彈牙另外，我們點了北海漁港(二人前套餐 $488位) 這個餐本來是有九洲松葉蟹食。但因為季節關系，餐廳未能提供九洲松葉蟹，所以改成日本和牛肉刺身。日本和牛肉刺身8片 - 粉嫩色的和牛肉刺身，配埋如雪花般的細緻紋理，直接放入口，有輕柔鬆軟的質感，會在口腔慢慢溶化，確係令人驚喜，每一啖都是一種享受。兵庫縣直送播磨蠔 x 2 - 蠔肉十分飽滿厚肉，店員幫我燒到半熟，入口有點creamy，蠔味夠濃，新鮮青森殘酷網鮑 x 2 - 鮑魚大大隻，肉質好軟滑鮮甜，口感彈牙，超讚北海道帆立貝 x 1 - 有用醬油調過味, 店員控制火喉掌控得好好，燒出來帆立貝都好嫩滑厚燒紐西蘭草羊架 x 1 - 紐西蘭草羊架 肉質嫩滑juicy，燒得好香口，調味也很好人氣蟹味噌甲羅燒 x 2 - 蟹味噌甲羅燒以蟹膏，味噌，蟹肉，蟹子，鵪鶉蛋，蔥花調配，然後把它放在火爐上熱烤攪拌。熟透後，蟹味噌甲羅燒化成土色，濃濃甘甜的蟹膏伴隨著蟹肉，蟹籽在嘴裡盤旋，而味噌微微鹹香非常對味。山之惠黑松露茸野菌箔燒 - 野菌十分香，又清甜，配上黑松露茸就更加香河豚魚干 - 河豚魚干燒得很香，不點沙律醬會食到燻河豚魚干味，點了加咗七味粉的沙律醬，又會有另一番風味清酒昆布大蜆煮 - 蜆肉好肥美，用清酒和昆布來煮，特別清甜，提升了鮮甜味鐵板燒牛肉野菜炒拉麵最後來一個紅豆雪糕、綠茶雪糕為今晚作總結…Read More

朋友介紹我們去尖沙咀一間日式餐廳「秋田浜燒食堂」食浜燒料理《一手抓蝦🦐：赤蝦刺身、鹽燒赤蝦》餐廳有一個小遊戲，只要like及share餐廳社交平台就可以玩「一手抓蝦🦐」，玩法是一手抓多少隻蝦，就會免費送；最後我一手抓了6隻 (3隻刺身 + 3隻燒)我們叫了「北海漁港二人前 $488/位」，套餐包括前菜、浜燒料理、飯或麵、甜品共十道菜1️⃣ 河豚魚干🐡 河豚魚干 烤得幾好，肉厚又有少少油脂，一個很開胃的前菜2️⃣ 清酒昆布大蜆煮🍶清酒昆布大蜆煮，大大隻蜆簡單以清酒及昆布烹調，嫩滑鮮甜又好味3️⃣ 日本和牛肉刺身8片🐮 和牛刺身切成薄薄的一片片，食落口可感受到肉質非常鮮嫩，而且油花分布平均，值得一試4️⃣ 青森殘酷網鮑 x 2🔥 店員控制火喉好好，把網鮑烤得剛好，肉質細嫩，好有嚼勁，味道鮮美5️⃣ 兵庫縣直送播磨蠔 x 2🦪 日本蠔 肉質飽滿，味道充滿咸鮮，被燒至半生熟，真的不錯6️⃣ 北海道帆立貝 x 1、厚燒紐西蘭草羊架 x 1🇯🇵 帆立貝 大大隻，羊架 都烤得幾好味7️⃣ 人氣蟹味噌甲羅燒 x 2🦀 甲羅燒 有濃厚的蟹膏鮮味，配上法包，口感極其豐富又美味8️⃣ 山之惠黑松露茸野菌箔燒🍄 野菌加上黑松露，這個配搭估唔到都幾好味9️⃣ 鐵板燒牛肉野菜炒拉麵🍜 拉麵抄得相當不錯，麵身入口煙煙韌韌，好有咬口🔟 紅豆雪糕、綠茶雪糕🍦最後當然要食埋甜品，我們揀了紅豆及綠茶雪糕各一款…Read More

小妹平日愛四處覓食， 尤其喜歡食日本菜，之前和朋友到諾士佛臺飲酒聊天，發現了這間在天文臺圍的『秋田浜燒食堂』，這日，特地跟先生來品嚐海鮮真味。坐下不久，店員就友善地問我們要不要玩遊戲，原來店內正推廣「一手赤蝦」，只要在 社交平台～share ＆ like，便可免費玩一手捉赤蝦一次，捉到的赤蝦可以選擇做成浜燒或刺身，十分有趣。餐牌內不同種類的海鮮很吸睛，我們選了「北海漁港」二人前套餐 $488/位，價錢已包括：清酒煮蜆，燒河豚干，浜燒海鮮拼盤， 茶漬飯和甜品，定價相當實惠。🎯河豚魚干河豚干熱辣辣送上枱，外層烤得香脆且色澤金黃，入口極為香鮮甜美，來一杯清酒，定是賞心樂事。🎯清酒昆布大蜆煮上枱酒香四溢～大蜆個頭不小，肉質緊實，加入清酒同煮，入口簡直是太鮮甜了，我們連湯汁都飲得一滴不剩。食完前菜，主角浜燒海鮮拼盤緊接上枱～～招呼我們的是一位女生， 駕輕就熟的在旁把所有海鮮一樣接一樣燒好，必要時更會用火槍直燒， 手法有板有眼，她雖就在身旁燒海鮮，我們卻完全聞不到油煙味，證明店內的抽風系統了得，很讚。🎯九洲松葉蟹＋蟹味噌甲羅燒物盡其用，剛好就是一整隻蟹， 蟹蓋做成香濃的味噌甲羅燒，蟹腳，蟹身用作浜燒， 蟹殼在燒好時已適當的處理好，用蟹匙食用很方便。🎯青森殘酷網鮑名副其實的殘酷網鮑，大大隻的活鮑魚直接放上烤爐，場面有點殘忍，燒好的鮑魚口感鮮嫩彈牙， 鮑魚味濃，店員上枱前更細心的剪成四份，食得輕鬆。🎯兵庫縣直送播磨蠔生蠔色澤水嫩， 看得見的新鮮，播磨蠔和常見的生蠔外貌有點不一樣，蠔上身飽滿下尖，燒好後，加入青檸汁同食，口感肥美軟嫩，好想再來一打。🎯厚燒紐西蘭草羊架/ 北海道帆立貝 可以選2 件，我點了各1， 帆立貝放了點牛油和清酒去燒，入口軟嫩甘香，羊架與別不同的切成小塊來燒，細細粒，帶點騷味卻無比香脆， 讓人欲罷不能。🎯山之惠黑松露茸野菌箔燒食完一輪海鮮後，食點菇菌清腸胃也不錯，錫紙包著黑松露醬混合金菇，冬菇和雞髀菇，菇菌入味軟淋，唯黑松露味道不夠濃烈。🎯京都鰻魚茶漬飯\鐵板燒野菜牛肉炒拉麵選了兩個鰻魚茶漬飯， 鰻魚是新鮮的，肉質爽口，而茶漬飯內的飯糰用紫菜包著， 烤得香脆再泡進茶內，令茶漬飯口感更香，加進烤香了的菇菌同食，更添風味。甜品：🎯芝麻/ 綠茶雪糕球最後出場的甜品是芝麻味道濃郁的芝麻雪糕球，為這頓幸福的浜燒套餐完美作結。總括而言， 『秋田濱燒食堂』的「北海漁港」浜燒套餐超出預期，由前菜，小食，主菜到甜品都有齊， 菜式多達10款，更贈送刺身和浜燒赤蝦， 全程貴賓式服務，動口不動手。 如果服務的女店員能多點笑容，同步播放輕快的日本歌曲，客人的用餐體驗定會提升不少呢！！…Read More