Royal Legend

平時同朋友或者男朋友出街食飯都會比較少去酒樓～ 不過最近見到呢間喺天后嘅酒樓性價比超高所以就同男朋友去試吓！而且食物質素都唔錯٩(ˊᗜˋ*)و 真心好抵食！！♡京式片皮鴨 HKD$98 半隻 / $158 一隻呢個價錢甚至平過返深圳食片皮鴨！😳 呢個價錢我覺得性價比好高～ 片皮鴨肥瘦適中 餅皮都做得唔錯！♡游水沙巴龍躉 HKD$108約1斤 估唔到沙巴龍躉都咁抵食！都算幾大條 同埋好新鮮😚 蒸得啱啱好 好好食😋♡海皇燉冬瓜盅 HKD108冬瓜盅好大個同埋都幾鮮甜～我哋兩個人每人都飲咗好多碗🤣 而且仲好足料！♡勝瓜蒜蓉粉絲蒸帶子 HKD$108有好多蒜蓉同埋粉絲！ 啲粉絲sok晒啲汁好入味🥰 而且帶子都幾大粒～～♡蝦球芝士炒蛋白 HKD108有少少似賽螃蟹嘅感覺🤍 配埋大大粒嘅蝦球都幾好食～總結係真心性價比好高 而且職員服務態度都好好👍 嗰晚仲有番薯糖水送添(◍•ᴗ•◍)…查看更多

長輩鐘意食酒樓中菜🥢今日近近地去左天后嘅御名軒食晚餐位置非常方便 一出地鐵站就見到😌睇一睇見到餐牌上嘅晚市三寶咁抵食就點晒佢地.🌟海皇燉冬瓜盅 $108冬瓜盅係夏天清暑必食☀️湯底清甜 原個冬瓜拎去燉係得酒樓先會食到!材料豐富 例如蝦仁🍤、元貝、瘦肉等等再加上冬瓜肉實在非常飽肚😋.🌟京式片皮鴨 $98 片皮鴨皮脆肉嫩 除左鴨皮之外仲有一排鴨肉可以食🪿用餅皮包住鴨皮、青瓜🥒、同京蔥再加入甜醬 味道絕佳要快啲食如果唔係就會凍晒🤭.🌟游水沙巴龍躉 $108酒樓食到嘅中式清蒸魚又係我嘅最愛🥰平時屋企蒸魚好難掌握蒸煮時間⏱️呢度嘅蒸魚味道鮮美 肉質鮮嫩 蒸得啱啱好👍🏻.🌟蝦球芝士炒蛋白 $108呢一道菜好有創意 未食過加入芝士🧀嘅炒蛋白🍳芝士味濃郁 蛋白亦炒得鬆軟嫩滑加埋大大隻蝦球提鮮好夾.🌟椒鹽腰果鮮魷 $98椒鹽鮮魷炸得香脆🦑而且係一口大細所以好易食再配上腰果豐富口感 好適合邊食邊傾😆.酒樓有宴會廳嘅裝修 而且同其他枱有足夠嘅距離 坐得幾舒服另外食物性價比高 一個小菜都係$100左右 味道又唔錯😎 …查看更多

今晚約左老媽老爸食晚飯，老人家係鍾意去酒樓叫小炒，話鍾意坐得舒服又有茶飲🤣去左呢間都成日黎飲茶既酒樓.位置係天后站A1出口一出就係，係方便我呢啲港島人。茶位$13/位，餐前小食$15/碟，另計加一咁。呢排做緊晚市3寶係片皮鴨/蒸魚/冬瓜盅。.🍴京式片皮鴨$88 半隻晚市3寶擇左片皮鴨，件數都有12件左右，皮夠脆，潤皮唔算厚身，仲夠熱勁有咬口。.🍴酒香藥膳糯米蒸雞$188 鍾意藥膳味又想補身既食呢個幾岩👍🏻成隻雞咁多斬件平鋪係糯米飯上，雞味充滿黨參當歸酒香味，唔會過濃但又好補，但糯米飯略嫌太多，多啲人Share會更好🙈.🍴金銀蛋浸莧菜$68呢度小菜都幾抵食，大大碟菜都係$68，好足料既皮蛋同鹹蛋。.🍴椒鹽腰果鮮魷$98 椒鹽鮮魷+腰果，餸酒一流呀，夠香口，鮮魷份量都幾多，加上個炸粉唔會太厚粉👍🏻 老人家都食到。…查看更多

御名軒是一間街坊茶樓，沒有連鎖茶樓的名氣，但食物質素卻不差，而且價錢亦大眾化。雖然超近天后地鐵站，但如果不是住附近，你未必會特登來這裡食。之前因為探親戚已經來過御名軒飲中午茶，今次臨近年尾，我們又在這裡提早團年。＊＊＊＊＊＊＊＊＊＊＊＊＊御名軒雖然對於區外人較為陌生，但在區內都頗有名氣，所以即使平日晚上都坐滿人。豐料燉靚湯($138)一盅燉湯夠4至6人飲，湯面油量不多，入面有魚頭、雞腳、淮山、瘦肉等等，夠晒火喉又入味，自己買料煲都唔平得幾多，而家乾手淨腳已經有靚湯飲。京式片皮鴨($188)很久沒吃片皮鴨，最愛甜甜的片皮鴨醬，見人多就叫一碟。一隻片皮鴨份量都幾多，食過其他茶樓，侍應只是係咁易片十餘塊，但這裡明顯片盡全隻鴨，完全沒有浪貴。食片皮鴨必要有這款薄薄的包皮。片皮鴨皮夠脆，油量可接愛，帶少少鴨肉，蘸上甜甜的片皮鴨醬，再連同青瓜絲裹著吃，好味之餘也多了青爪的爽口感。梨山醬手爪骨($98)手爪骨用沙鍋盛載，一份有五大條，奉上時熱辣辣。手爪骨一端用鍚紙包裹著，不怕弄污糟手，抵讚！梨山醬食落酸酸甜甜很開胃，手爪骨外層蘸了薄薄一層炸粉，咬落脆脆地，不過中間肉質卻略嫌過乾。海鮮雜菜煲($98)雜菜煲有帶子、蟹柳、鮮蝦、魷魚、西蘭花、小唐菜和粉絲，非常足料，食料都浸在上湯內，上湯味道清清地，粉絲不過腍，吸滿上湯的味道，簡直是全個雜菜煲的精華。紅豆沙最後奉送的紅豆沙又不欺場，起沙之餘又不過甜。…查看更多

前排又約左一班朋友去御名軒食晚飯, 貪佢夠就腳...地鐵站一出就係啦, 加上又唔算難搵位.  其實食麥都冇所謂, 食中菜岩哂個個人既胃口, 加上天氣凍要食下飯先暖下胃. 今晚大家都冇麥意見特別想食D麥, 所以我地決定食廚師推介, 因為睇相就覺得好好食咁, 大家費時諗. 所有菜式都保持水準, 又大大碟, 岩哂我呢D大食既人, 特別推介條大龍躉...大而不"UN"蒸到岩岩好, 男人最愛既臘味飯....D飯蕉冇得頂呀, 仲有手爪骨.....超香...岩我重口味既人. 呢間真係岩帶屋企人黎食, 菜式多樣化, 味道又好食.…查看更多

前排同朋友去左御名軒食晚飯, 咁岩個晚有人攪晚宴活動, 間起左部分位置, 不過其他台都幾乎坐滿哂. 我地見到佢既廚師推介同晚市三寶好似好吸引, 所以大部分菜式都係叫左廚師推介同晚市三寶裡面推介既.  先黎個豐料燉湯, 好大煲呀......聞上去都有少少藥材味, 但飲落又冇藥材味喎, 可能因為有個魚頭既關係啦, 飲落仲好清甜....最後我忍唔住飲左兩碗. 飲完湯到個京式片皮鴨, 其實我好鐘意食片皮鴨, 最鐘意就係用薄皮加醬同片皮鴨包埋一齊食, D薄皮仲好熱...片皮鴨就肥瘦適中, 如果隻鴨肥多數食幾塊就覺得飽飽地. 我地食到咁上下又到條魚啦, 呢條沙巴龍躉真係好大條呀, 感覺仲好抵食...咁多條先二百幾蚊, 不過最出色既係...咁大條魚完全唔會"un", 真係蒸到岩岩好呀, 出去食咁多次飯..真係唔係間間都煮得好條靚魚, 岩哂我D鐘意食魚既魚怪.我地仲點左2款菜食, 有海鮮雜菜煲同生菜蠔大利, 食咁多肉都要食下D菜, 跟住上左款梨山醬手爪骨, 呢款一上台就聞到超香既味道, 真係叫到都忌唔住吞口水, 佢D醬酸酸甜甜, 外皮脆脆地....啖啖肉, D醬用黎同飯一齊食一流. 最後就到個臘味飯啦, 天氣咁凍唔食飯真係唔得, 同埋呢個時候最岩食臘味飯, 超大煲飯同勁多臘味, 不過即使臘味有幾出色都好, 都要有豉油配埋先好食, 我想講佢既豉油都好出色, 我食左2碗飯就收口啦...因為今晚真係食得太多啦!…查看更多

2014年9月29日晚，正是發放催淚彈後的第二天，雖然仍要上班，但相信有良知的港人都會帶著沉重的心情出門，很多朋友都說沒心情吃飯，原本約好的飯局又如何呢? 人始終要吃飯，而且訂枱的酒樓御名軒在天后，並非佔中運動的據點，既然應承了朋友，就照去吃吧。當晚天后地鐵站人頭湧湧，或者是因為銅鑼灣被堵塞，人群便改由天后站進出，也間接帶旺了附近的食肆。記得一年前來過御名軒，當時這裡客人並不多，閒日可以輕易入座，但這晚郤幾乎滿座，我諗無論是否會參與佔中，都要先吃過晚飯。預備有一枱約12人，這晚只有一半人應約，我們便乾脆食埋他們嗰份。人少好話事，一開波就食主菜啦。京式片皮鴨 ($238)以200幾元吃到片皮鴨，我覺得已很吸引，質素不能說高超，但材料充足，京蔥、青瓜及醬汁等樣樣齊，實在是水準之上的。老火湯: 霸王花豬骨湯 ($148)看完電視上的催淚彈，真的要清一清熱，降一降火，飲一碗足料的霸王花豬骨湯就最適合不過了，這道湯的火喉剛剛好，沒有添加劑，很自然的清甜，給我一種住家的感覺。酒樓特定的優惠名叫龍鳳孖寶: 龍蝦+御名燒雞 ($188)用的是加拿大龍蝦，肥美多肉，而且鮮味十足，肉質也爽滑。御名燒雞實則是芝麻雞，上次來時也吃過，用白芝麻和海鹽製成，我個人很喜歡芝麻味，這道雞也不留手地落了頗多芝麻，正合我心意。御名一品小炒皇 ($98)材料有蒜芯、腰果、魷魚、鴨絲、椒絲等，很清新又豐富，而且鑊氣十足，炒功實在不錯的。青芥末安格斯牛柳粒 ($88)中式炒牛柳，往往很容易炒得過老過硬，這次炒得香口，肉質還算軟腍但太熟透，只能算合格，而青芥末味道也不太突出。鮮鮑魚滑雞煲 ($168)唔係講笑，真係有大大隻鮑魚，好爽口好彈牙，最重要當然是汁料，雞汁混和生抽和菌類，還有炒過蔥頭的滋味，稠度又恰當，實在惹味迷人。豉汁帶子蒸豆腐 ($88)吃完惹味的肉類，來一點清淡的蒸豆腐，個人在家都幾喜歡這樣煮豆腐，略炒香帶子放在豆腐上，加豆豉來蒸，健康得來也不失味道上的層次感。薑汁炒芥蘭 ($78)再來些青菜吧，令這餐不致於太肥膩。最後來碗豆腐花作結。這餐除開每人大約$200，如果齊人的話，可以更便宜。這陣子，除了要關注政治議題外，也要支持本土食店，不止一些小店，也要多多支持中小型酒樓食店，令港人和港式飲食同樣能夠毅力地生存下來。…查看更多