Imperial

#MC帶你去觀塘.精緻菜式又唔一定得西餐或者日式Omakase，中式私房菜一樣有手工菜式，一樣考驗師傅功架～➖✨ 御膳.餐廳位於觀塘工業大廈內，開業13年，主打海鮮粵式私房菜，海鮮每天新鮮到貨，因應客人預算及人數安排菜式，包括粵菜小炒、生猛海鮮及山珍海味；店內裝潢簡潔明亮，環境乾淨整潔。➖🥢 滷水鵝肝鵝腎｜🆓 ✨生日優惠✨.鵝腎粉粉嫩嫩，質感滑嫩而軟腍，口感好軟綿；而鵝腎口感彈牙爽口又入味，鹵香醇厚，清香不死鹹。➖🥢 極黑豬叉燒｜$168／例 ✨招牌菜式✨.叉燒外皮呈紅黑色澤，肥瘦適中，外層微微焦香，焦脆燶邊口感十足；叉燒蜜汁味道濃厚，甜中帶鹹，必食推介！➖🥢 冬瓜果皮魚湯浸龍蝦｜$時價 ✨時令菜式✨.一整隻新鮮龍蝦，肉質結實彈牙又啖啖肉，加上鮮甜魚湯、韮黃、冬瓜絲、果皮絲，味道清香無腥味，清熱解暑。➖🥢 蒜蓉粉絲蒸大元貝｜$68／隻.簡單清蒸大扇貝，無多餘調味，加上蔥花及金銀蒜，鮮甜中帶少少蒜香入味，而且粉絲吸滿鮮甜湯汁，惹味滿分！➖🥢 白胡椒爆炒南非鮑魚｜$68／隻.鮑魚口感爽口彈牙，加入白胡椒秘製芡汁猛火爆炒，甜中帶點辛辣，味道突出又惹味。➖🥢 砂鍋醬香茅台炆嫩鴿｜$148／隻 .乳鴿先以生抽及醬油等醃製，上色均勻，再以砂鍋慢火炆焗，肉質鮮嫩緊致而且好入味，最後席前加入茅台料酒，味道更加香濃。➖🥢 上湯浸時菜｜$85／例.西蘭花口感清爽又無草青味，加入菇菌及紅蘿蔔，口感豐富又健康。➖🥢 蟹油銀芽炒麵｜$85／例.炒麵乾爽不油膩，而且色澤均勻，搭配清脆爽口銀芽，鑊氣十足！➖🥢 抹茶奶凍｜🆓.奶凍質感好滑溜，微甜口味加上清新抹茶香，好味又滿足！➖🥢 茶位｜$4／位.➖✖ 服務費｜Service Charge.全店沒有加一服務費。➖✖ 開瓶費｜Corkage.餐廳免開瓶費，歡迎自攜飲品。➖✖ 切餅費｜Cakeage餐廳免切餅費，歡迎自攜蛋糕。…Read More

平時食粵菜，大家都會想到去酒樓，不過都是預設好的菜式好像有點沉悶。位於觀塘的御膳是一間中式私房菜，還可以為客人編制新的菜單。就是事先透過 WhatsApp 和餐廳溝通， 告知用餐人數、口味和預算金額便行。從2人至12人的菜單都有，人均HKD 400左右已經很豐富，還有海鮮食。我這次的2人菜單便是HKD 820，有小食、2樣海鮮、1隻鴿，亦有麵食、菜和甜品。小食是 醬香豬腩肉，是新的菜式來喔。間肥間瘦的豬腩肉吃落肥而不膩，醬香的味道不淡亦不會太猛，濃度剛好。蒜蓉粉絲蒸蟶子王 (2隻) 蟶子好大隻亦很新鮮。蒸得剛剛好，口感彈牙﹐並不會韌到似橡筋咬不開。墊底粉絲吸收了精華也很滋味。蒜蓉、芫茜、香蔥再加上炸蒜，非常香口惹味。香煎花龍蝦 (12兩) 將一隻開邊來煎，沒有加芝士更能吃到龍蝦的原味。拆出來的龍蝦肉很大舊，吃落淡淡肉。肉質十分結實彈牙，夠鮮甜。最讓人期待的是 醬香茅台炆嫩鴿。上桌後店員會將一小杯的茅台倒進去，很快就傳來很濃郁的酒香。肉質細嫩的乳鴿本身已經很入味，加上醇厚的酒味，說是色香味俱全也不誇張喔。五製蔥油黑毛豬拌伊麵 也是師傳製作的新菜式。拌麵超香濃撲鼻，能看到每條麵條都充滿了油香，不過吃落又不算太油膩。伊麵將醬汁的精華全吸收，再加上一堆配菜令口感更有層次。油脂較為豐富的黑毛豬吃落也鮮嫩多汁。另外還有 上湯浸時菜。除了清甜的白菜仔，還有雜菌和紅蘿蔔。對於吃完一堆較濃味的菜式，有個清淡一點的菜式緩和一下就恰到好處囉。最後還有抹茶布甸做甜品，抹茶的味道幾濃。…Read More

放工又嚟到觀塘附近覓食🌙今次竟然搵到喺工廈隱藏咗間咁正既中菜🏮雖然門口同位置比較低調 但係色彩嘅新鮮同埋烹調嘅技巧比起一般酒樓更加出色❤️今次叫咗個兩人餐價錢唔貴就算兩個人嚟都可以食到高質海鮮😛⭐️ 桂花糖蕃茄 🍅⭐️ 鹽焗雞腳 🍗蕃茄新鮮好飽滿特別用咗桂花糖調味🌼 甜度好清香但係唔會搶過蕃茄嘅清新☘️ 雞腳嘅調味恰到好處鹹鮮好滋味🐔⭐️ 玻璃脆皮乳鴿 🪿炸得香脆得來唔油膩🔥火候控制得啱啱好保持住乳鴿嘅嫩度🥹 咬落去仍然好Juicy⭐️ 花雕蛋白蒸大肉蟹 🦀肉蟹真係份量非常豐富🥰一絲絲帶鮮甜嘅肉質😛蟹嘅鮮味同埋花雕既酒香融入到蛋白裡面十分滑溜🍳 充滿海洋嘅精華⭐️ 香煎花龍蝦 🦞花龍蝦啖啖肉好爽口🦐用咗豉油王嘅做法好易入口🤪入口彈牙一D都唔會韌⭐️ 上湯浸時菜 🥬食完海鮮清一清味蕾就最啱🥒上湯好清澈簡單用蒜頭調味🧄最簡單嘅滋味⭐️ 蟹油銀芽炒麵 🍝看似普通嘅炒麵原來加入左蟹油🤭炒得乾身但係每一啖都食到滿滿嘅油香⭐️ 抹茶奶凍 🍵最尾嘅甜品都好有心思🍬自家製嘅甜度唔高但係抹茶味好濃郁好有層次💚…Read More

今年終於可以一家人出去食團年飯，諗都唔駛諗提早半個月訂枱，雖然年廿九，但八點呢－輪依然满座就知道呢間隱世私房菜有料到。店家提早五日what’s app溝通好菜單，人齊馬上起菜，每碟份量相當多，味道剛剛好唔會話太濃，特別係碗花膠響螺湯非常清甜，每人分到兩碗（掛住飲冇影相），花鵰蛋白蒸肉蟹，肉蟹啖啖肉，蛋白有酒香非常好餸飯，玉樹臨風雞擺碟有心思，雞味濃而肉嫩滑，平時唔多食雞都吃咗兩件，東星斑兩斤，火候控制得剛剛好，食到乾乾淨淨，基本上每一道菜都好味到食晒，唯一可以彈係上湯浸菜仔，話菜仔其實每條都粗大，可能趕上菜而浸得唔夠淋，所以食剩小小。8個人食咗10道菜，仲有碟超大份御膳炒飯（無影相）加三個白飯，真係好跨張，對於食環境的這裡一定非你首選，但想食好味而抵食的，呢度一定唔會令人失望。…Read More

同長輩聚餐，最穩陣都係食中菜，朋友介紹呢間，就黎試下。龍躉骨雜菌豆腐湯用魚骨熬湯，魚湯味濃。滷水鵝滷水味突出，鵝肉肥瘦適中。麻辣滷水拼盤有牛肚、豬腸、雞絲、青瓜，麻辣味都唔錯。芝士花龍蝦配脆麵龍蝦新鮮，肉質彈牙，脆面炸得唔錯，夠脆但唔會油膩。蒜蓉粉絲蒸蟶子皇蟶子都幾大隻。金銀蒜蒸龍躉腩將生蒜同炸蒜加埋一齊蒸，更將龍躉鮮味突出。士多啤梨骨肉既部分都多，酸酸甜甜，配飯一流。上湯浸時菜簡左西蘭花，清清淡淡唔錯。蟹油銀芽炒麵炒麵色水唔錯，味道正常，鑊氣都夠。…Read More

我地一家平時就比較鍾意食中菜，屋企人生日冇理由唔揀間好食嘅中菜，於是揀咗觀塘呢間御膳😆大蜆什菌豆腐湯（魚湯底）- 蜆肉真心大大粒，豆腐滑嫩，什菌爽脆，最有亮點嘅係個魚湯底好鮮甜，簡直係一流🥰蔥油雞- 雞件鮮美嫩滑，配埋簡噴噴嘅蔥油真係冇得彈，停唔到口啊😜香煎花龍蝦，一開二- 花龍蝦更加係重頭戲，龍蝦肉雪白，咬落彈牙，表面仲煎到香噴噴，正啊🤤花膠扒羊肚菌- 花膠一向都係女士恩物，養顏一流，食落軟滑有咬口，而羊肚菌又可以增強抵抗力，吸晒醬汁嘅精華，簡直係所有靚靚食材集於一身 ☺️荷香龍躉球蒸飯- 蒸飯都好驚艷，荷葉香滲透飯粒，龍躉新鮮爽口，兩者完美融合，好味到食咗兩小碗😆上湯浸時菜- 上湯香濃，時菜吸收晒啲精華，而且質感爽脆，好refreshing 😍士多啤梨骨- 呢道菜都好有質素，排骨沾滿濃稠嘅士多啤梨醬汁，酸甜醒胃，一啖接一啖，餸飯一流👍🏻所有餸菜都好高質，成餐「御膳」咁，真心推薦鍾意中菜嘅一家大細嚟食♥️…Read More

呢間私房菜絕對係食完會回頭，連揀飲擇食嘅人都係咁話好味😋好好食，食完仲排名邊碟最愛，証明大家真係食得好開心～♥️🌟上菜紙～仲有其他正嘢，詳情向店員查詢🤣店員好細心，見有個中童，問辣度需唔需要減👍🏻開胃前菜～睇顏色已覺滷得入味！色靚味道啱，夠淋！中間麻辣青瓜雞絲惹味～大大隻蟶子，每人一隻～蒜蓉豉油汁較得好好味😋蒸得剛好，無砂唔韌🤩上枱引來哇哇聲～龍蝦有得揀🧀芝士/上湯/🧄蒜蓉我細細個已經一吃愛上芝士龍蝦🦞，所以三秒決定咗芝士，唔該～龍蝦新鮮，肉質爽口彈牙！啖啖肉～個芝士汁驚喜喎～用嚟撈脆麵，有韓風feel😆好好食呀～～～讚到不得了，入口軟腍入味～除咗好食，就係好好食，佢係我全晚三甲之選～🤩例牌份量都唔小👍🏻龍躉腩多肉骨小，平時唔食魚嘅人都一口接一口，令我對「揀飲擇食」一詞重新認識揀飲擇食：揀好食嘅嚟食😆而家睇相都流緊口水🤤小小酸味味～士多啤梨🍓香甜味～🌸少女感覺看似普通，但因為成餐得呢碟菜，所以都好受歡迎😆個上湯都幾好飲😋蟹油炒麵，香～估唔到阿中童讚不絕口👧🏻♥️最無驚喜係佢😆正常芒果布甸仲好細杯⋯吊人胃口～可唔可以大杯啲呀🤣🌟🌟🌟🌟🌟🌟🌟🌟🌟總結🤩大㕑用心製作，我地用清碟嚟表達對大㕑嘅讚美！♥️多謝大㕑完美烹調食材！👍🏻食物以位安排，份量絕對夠！🧑🏻店員個個上菜都笑笑口，溫柔有禮，唔似酒樓個啲無表情😆…Read More

事隔一年沒有來，慶生又心思思想來這裡了。訂座時店員介紹有新套餐，價錢跟平常的差不多，但竟然有花膠 再令性價比提高，當然要試試看了。之前喝過龍躉魚湯，這次換了大蜆，依舊清徹呈奶白色，鮮甜好喝，一點也不腥。大蜆肉質很爽，沒有沙。豆腐十分滑溜，還有秀珍菇在湯裡頭。雖是四人餐份量，但每人也能分到三碗湯，份量絕不欺場。大家都不能吃太辣，但又想吃這個鹵水拼盤，餐廳非常貼心地提議我們可以走辣。拼盤有豬肚、豬腸、牛肚和手撕雞。內臟來說這裡清洗得很乾淨，沒有異味，也沒有多餘的肥膏。鹵水味道醃得入味，非常爽口。平常不好內臟的我也吃了不少金錢肚，個人最喜歡這個。手撕雞配青瓜絲和芝麻，放在鹵水內臟的中間調劑一下。花膠終於來了，放在金邊的碟子裡，每人一碟賣相非常矜貴。花膠有相當的厚度，可以用刀叉切來吃。喜歡這個帶點膠質的品種，而非純爽口類型。鮑汁茨十分濃郁，味道不會過鹹。花膠吸收了鮑汁的味道，非常口吃。我們最愛的花雕雞油蛋白蒸大肉蟹是每次來到必吃的，這次也沒有讓我們失望。大肉蟹肉質非常爽脆，沒有霉口，味道鮮甜。吃蟹鉗尤其好吃，蟹殼已被貼心地敲開了，啖啖肉。其實這道菜最好吃的是蛋白，蛋白蒸得十分嫩滑，吸收了蟹的精華，味道更好。龍躉腩這次變成了腩球，先走油後下汁用薑蔥炆，非常的惹味。我們吃了不少青蔥，因其吸收了醬汁和魚腩的精華呢。龍躉腩肉質比其他魚較為結實彈牙，但不會嚡口，而且帶點自然的鮮味，簡單用薑蔥煮已經很好吃了。上湯浸時蔬的白菜仔很嫩，還有雜菌和紅蘿蔔。不過上湯略嫌有點油，為了用來保持白菜更翠綠吧。這個蟹油銀芽炒麵是我來了第二次才發現的瑰寶，我想這個更似是這裡的招牌。豉油王炒麵要炒到條條分明、色澤均勻，乾身而不油膩實在很難得，外頭總是吃到滿口是油或是不夠乾的炒麵，這個真的是滿分。 簡單的銀芽、韭黄和芝麻帶起香氣，不用昂貴的配料也已經很好吃了。來到最後的芒果布丁，也是自家製的。酒樓總是會有芒果布丁加花奶，雖然不是特別的菜，但也有應有的香甜和滑溜，在整頓菜飯作了個甜美的句結。…Read More

這食店位於觀塘區一工業大廈樓上，我們已是曾經光顧不只一次，只因為這裡用料新鮮、烹調功夫好，收費合理，每次食完後都覺得稱意。食私房菜一般都要預早訂位，好等食店可以預先準備好食材，及預先準備好一些繁複的工序。甚至有些是給你菜單選擇，使能配合口味及喜好，而這裡的菜單選擇很多，真是有點花多眼亂。我們所選的四人套餐包括有什菌大蜆豆腐湯、鹵水拼盤(走辣)、鮑汁扒花膠、花雕雞油蛋白蒸大肉蟹、薑汁炆龍躉腩、上湯浸時菜、蟹油銀芽炒麵及芒果布丁($1,620)。正如我們不嗜辣，點鹵水拼盤時就可以將本來是麻辣的改為走辣了。這個什菌大蜆豆腐湯夠熱，蕃薯貝鮮甜，豆腐亦十分嫩滑，什菌加上芫茜增加了香味，十分吸引，每人有三碗的份量。鹵水拼盤有金錢肚、豬肚及豬腸，都炆得很腍，而且沒有過多的鹵水汁，不致太鹹。另外還有清新的雞絲沙律及一些沙律菜，更可中和一下鹵水味道。每人一份的鮑汁扒花膠，雖然並非很厚身，但仍可用刀叉來食，腍滑而膠原豐富，鮑汁的味道濃鮮，豐富了花膠的食味。出外用膳，除了貪方便，懶得煮之外，在點菜方面，通常會點一些自己不會煮，或是過程繁複，又或者是人家煮得比自己煮的好得多的菜色，那你才會一邊食一邊欣賞。正如這味花雕雞油蛋白蒸大肉蟹都是我們每次必點的，就是自己嘗試過模仿來做，也沒法做到這樣的味道。蟹肉豐實飽滿而味道鮮美，蟹殼內沒有多餘的水分，蛋白嫩滑，配上雞油及花雕來蒸，倍添香氣。薑汁炆龍躉腩的龍躉件粉漿適中，先拖油再炆，配上薑片及蔥度，香氣四溢，魚肉鮮甜，肉質結實，鑊氣十足。上湯浸時菜有白菜及草菇，配以甘筍片、薑片及很多的蒜子，而上湯略帶橙紅色，味道不錯。蟹油銀芽炒麵用上蟹油來炒，炒得很乾身，調味恰到好處，令看似平平無奇的炒麵變得十分吸引，這麼大碟也給全數清碟。最後，甜品是每人一杯芒果布丁，甜味適中，內有一些新鮮的芒果粒，加上花奶來食，更加香滑。又是心滿意足的完成這一餐。…Read More

工廠大廈做食肆已經不是什麼新鮮事物，反而能夠留住客人再回頭幫襯才顯得是真功夫，官塘工廈的「御膳」，賣的就是食材新鮮和上乘的烹調技巧，套用星爺一句：「絕對不是浪得虛名」👍🏻來這裡晚飯一定要提早預訂，而倆老始終喜歡有水準的海鮮中菜，我們今晚一行四人已經是一個月前訂枱，由於我們早到了而之前的客人還未離開，服務員客氣的讓我們等候一會，心想若然今晚walk-in 就一定碰上釘子了😬這𥚃的格局絕非富麗堂皇，而是光猛自然舒服，倆老反而説食得更舒服自在，畢竟他們享受的始終是味道的真締，而非只以包裝為主🤔這𥚃有多款套餐供客人選擇，會因應季節時令有所改變，正正是「不時不食」，先上枱的是「香芒沙律大蝦球」，這開胃前菜賣相精美，鮮黃色的芒果肉伴隨著大大隻蝦球，馬上放進咀裏，香甜的芒果肉和蝦肉十分匹配，再嚐嚐沙律更是開胃醒神，這度前菜已經絕不簡單😍接著是「蒜蓉粉絲蒸蟶子王」4人份量，唔使爭，大大隻蟶子唔係得個殼架，你睇下啲肉幾咁厚同肥大，蒜蓉蔥花同埋適量嘅辣椒🌶️，未放落口已經香氣撲鼻，啖啖肉，仲有粉絲吸收埋啲精華，真係連汁都食埋👍🏻「大肉蟹」可以㨂不同做法，分別是花雕雞油蛋白蒸，避風塘炒，薑沖炒，胡椒炒，四川香辣炒，悉隨尊便，我哋就揀咗嘢味嘅胡椒炒，胡椒嘅辣味剛剛好，完全沒有蓋過肉蟹的味道，提升了肉蟹的層次感，精選的肉蟹肥美肉嫰，零舍不同，大家不約而同的說下次要試試其他的煮法😬到我至愛的「白胡椒爆炒南非鮑魚」出場，白胡椒的醬汁精華包裹著南非大鮑魚，軟韌度絕對可以不用刀叉，放進咀裏用自己的牙齒輕易地把它分開，原汁原味，妙極！招牌菜「生煎東星班」，唔係咁容易食得到，慢火製作，絕對是功架的表現，表皮微焦，香脆可口，而又絕不影響魚肉本身的鮮嫰，入口會在心底發出讚嘆不已的聲音，可以說是我吃過最好味的做法，這道菜式絕不是普通廚師可以駕馭的，一定一定不要錯過😋😋😋😋😋「江南百花雞」是這裏另一道招牌菜，倆老甚是喜歡，去骨的雞肉醸上蝦膠，又是 1+1 大過 2 的又一例証，啖啖肉的精華，蝦肉和雞肉都是大多數人喜愛的，而且件數不少，足夠我們四個人飽腹，唔使你推我讓，非常滿足🤗「招牌御膳炒飯」和「上湯浸時菜」更是一頓飯的重點，每粒炒飯都非常乾身，吸收了各種材料的精華，入口味濃而不渴，配上時菜實在是天衣無縫的組合!再嘆埋雲呢拿布丁甜品🍮兩老今晚吃得滿心歡喜，更為我們暢談很多往事，始終一家人吃一頓飯是多麼幸福的事情😍😍😍…Read More

長輩們鍾情中餐, 但家庭聚會餐餐都去酒樓, 食得多都會悶掛, 今日就帶佢哋嚟到呢間位於觀塘工廈嘅樓上私房菜 - 御膳。一家人點咗個5人套餐, 餸菜極為豐富！第一道香芒沙律大蝦球, 爽脆大蝦伴上新鮮沙律菜、香甜芒果、鮮果, 喚醒味蕾！緊接前菜, 一大鍋魚頭湯送上, 奶白色魚湯味道天然, 唔會過度調味, 加上滑一滑嘅嫩豆腐, 互相襯托。富貴金龍咁大條斑用嚟炸會不會有點奢侈, 兩款炸法一邊魚球, 一邊魚片, 我就鐘意後者多D, 魚片連皮, 食落更香口酥脆。大肉蟹 (胡椒炒)蟹肉新鮮唔黐殼, 蟹鉗大到好似食緊雞髀咁, 正！蒜蓉粉絲蒸蟶子皇又大又厚肉嘅聖子, 蒸得啱啱好, 肉質保持爽嫩。大蜆燉蛋蒸水蛋就食得多, 但燉蛋通常係甜食, 今次呢個加上大蜆嘅燉蛋, 充滿鹹鮮味, 有新意！士多啤梨骨肉質非常柔軟, 骨與肉之間嘅筋腱同脂肪充滿油香, 配上濃味甜酸醬汁, 送飯一流。金華玉樹雞呢半邊雞, 淨係起曬骨呢一點, 就已經攞曬分！ 每件雞配上鹹中帶甜嘅火腿, 啖啖鹹香嫩滑。上湯浸時菜蔬菜翠綠新鮮, 上湯味道偏重。蟹油銀芽炒面食到尾升都有驚喜！呢個可能係我食過最好味嘅炒麵。麵條炒得夠乾爽, 入口焦香味突出, 加入芽菜、洋蔥、韭黃等爽口配料, 令口感更豐富, 食到底都無多餘油份, 出色！甜品壓軸甜品係芒果布丁, 嫩滑布丁內含果肉, 甜度不會太高, 幾飽都要食埋佢！整體用料新鮮, 每道菜份量都很大, 最緊要係長輩們食得開心, 坐得舒服！以後家庭聚餐又多個選擇啦。…Read More

同兩老出街食飯, 要搵間兩位家中廚藝高手都滿意的餐廳真係幾難，尤其是粵菜和海鮮。今次終於俾我搵到了！御膳，是在觀塘工廈中的一間私房菜。訂枱後，御膳whatsapp菜單俾我揀。按人數有不同菜單可選，人多就當然可以試多幾款菜式，人均消費約三百幾蚊。今晚選擇了四位用(套餐 2) $1740，8款菜式和一款甜品。 香芒沙律大蝦球頭盤沙律份量十足，最頂係黃金蝦，爽口彈牙。加埋咸蛋黃，滋味十分。底下的香芒沙律亦不遜色。芒果、蘋果、青蘋果、提子、藍莓，這個雜果沙律好有媽媽feel。 花雕雞油蛋白蒸大肉蟹新鮮的大肉蟹簡單用花雕酒、雞油、蛋白來蒸已經好好味，而且能表現蟹的鮮甜味道。大肉蟹啖啖肉，睇下個蟹鉗就知 生煎東星班12兩蒸東星班就食得多，煎真係第一次食。將東星班開邊，煎到外皮香脆，內裡啖啖嫩滑魚肉，風味不遜於蒸。 白胡椒爆炒南非鮑魚爆炒原隻鮑魚，炒的火候和時間啱啱好，鮑魚肉彈牙不韌，惹味十分。 蒜蓉粉絲蒸蟶子王蟶子王肉厚，爽口彈牙，味道鮮甜。粉絲吸收晒蟶子的精華和蒜蓉的香味，清碟。 江南百花雞半只 江南百花雞係廣州四大名菜，將豬肉和蝦膠釀在雞皮上，雞皮的油香滲透到豬肉，蝦膠增加菜式的層次感，又香又滑， 色香味俱全。唔係好多師傳願花功夫和時間做依個名菜，難得難得。 上湯浸時菜份量十足，西蘭花翠綠，爽脆。原粒炸蒜增添香氣。簡單菜式都做得咁吸引，讚。 招牌御膳炒飯一上枱，好香啊。飯炒得乾爽，粒粒分明 、色澤均勻。炒飯間有蝦仁、帶子、肉粒等配料。上菜去到炒飯位其實已經好飽，不過一定要食埋依個樸實美味的炒飯。 最後，一人一個香濃幼滑的芒果布丁作結。整體菜式用料實而不華，盡顯師傅功力，令我認識到非一般食肆的烹調方法。重點是兩老同樣表示十分滿意，並已諗定下次嚟食邊個菜單。 …Read More

-今次係觀塘搵到依間私房菜，就同屋企人去食☺️，交通好方便😃，而且有好多菜式選擇，而今次就點左四人套餐，一共有9款食物🤤-香芒沙律大蝦球🥗首先食個開胃沙律先，擺碟十分漂亮，每份沙律都有蘋果粒🍎，沙律菜，藍莓，芒果粒，士多啤梨🍓，每份沙律仲有一隻蝦球係上面🤗十分開胃和美味❤️-薑蔥炒大肉蟹🦀大肉蟹有幾款煮法可以揀（花雕雞油蛋白蒸，薑蔥，胡椒，避風塘炒，四川香辣炒），今次就揀左薑蔥炒，十分有鑊氣😃，大肉蟹好大隻😍，肉質鮮美，十分多肉，薑蔥炒大肉蟹真係好惹味，味道超讚😍-蒜蓉粉絲蒸大元貝😍原本係食蟶子，但因為買唔到，所以轉左用大元貝，蒜蓉粉絲是依個配搭最正😎，元貝上面有蒜蓉加埋蔥花，而元貝下面有粉絲，粉絲索曬汁🤩，超好食，而元貝真係好大粒，十分鮮味😋-生煎12兩東星斑🐟東星斑好大條，而魚肉食苦好嫩滑，外皮煎到十分香脆，魚肉唔洗點豉油都已經夠味🤗，十分鮮甜魚肉，但點埋豉油食就更加惹味❤️，不得不讚，真係煎到十分香脆，而魚肉真係好好食😎-白胡椒爆炒南非鮑魚😍估唔到用白胡椒去炒鮑魚，鮑魚炒到十分入味，咬落十分juicy，好香白胡椒味😎，大大隻鮑魚食落好新鮮，好彈牙，超好食😆-江南百花雞🐥（半隻）第一次食江南百花雞☺️，原來雞肉上面加左蝦膠去蒸，蝦膠好彈牙，雞肉好鮮嫰😍，而且食落啖啖肉，完全無骨，而且賣相好靚，味道十分驚喜，不錯👍-上湯浸時菜🌱上湯浸西蘭花🥦，仲有菇和炸蒜頭，味道清新，岩岩中和返頭先嘅菜式😍-招牌御膳炒飯😍依返招牌御膳炒飯係一定要試下，材料有帶子，蝦肉，牛肉粒，菜粒，飯粒炒到粒粒分明和乾身😚，食落唔會好油膩😎-甜品（芒果布甸🍮）有提供花奶，可以自由添加，芒果布甸好香滑😍， 仲有一點芒果肉粒，其實唔洗加花奶都好好食，加埋花奶就更加香滑😊，十分滿足😋-食咁多高質美味嘅野食🤤，全單都係$1740，每人都係$435，岩曬一家大細去食嘅私房菜😊-…Read More

通常一家人都係想食中菜，咁見到網上都有多好評所以都去左試試:)餐廳位於工廈上面都很易搵到我地點左個花龍蝦餐什菌大蜆豆腐湯湯的味較為清淡，但能品嚐到蜆鮮甜豆腐細滑麻辣鹵水拼盆(例)拼盤係金錢肚和大腸鹵得很入味，雞絲和青瓜很美味爽花龍蝦5至6兩（2隻）店員會好貼心問你可以選芝士，香煎或上湯，我們選了芝士:)麵底超級脆好好味花雕蛋白蒸龍躉龍躉十分細滑，整得剛剛好蒜蓉粉絲蒸蟶子王賣相都不錯，也很鮮味士多啤梨骨黎到賣相好靚好吸引呢！第一次試士多啤梨的味道:)招牌御膳炒飯味道不錯，炒得幾好又很入味又唔會太乾身，炒飯粒粒分明，最後我們都是食唔晒再打包。上湯浸時菜最後有菜清清地，消一消膩感！甜品最後還有芒果布丁作為結尾，十分滿足的晚餐…Read More

自從兩年前食嗰一頓私房菜之後，我就一直念念不忘想再次去食。最近有朋友推介一間位於觀塘工廈的隱世私房菜， 好，一於約埋老友齊齊去揾食。呢間私房菜其中一個好處在於兩人都可以幫襯， 唔似出面起碼要四位先可以入座， 對一般情侶或夫婦嚟講就非常方便。我們好穩陣於三星期前電話預約，店家即透過WhatsApp傳來多款套餐提供選擇，由於朋友最鍾意食海鮮，所以最終亦都揀了一個四人份量$1740嘅海鮮套餐。我們準時七點半抵達， 以為私房菜會冇乜人食嘅觀念原來係錯嘅，事實上當晚都幾旺場， 不停有人入座，而且還有隔離鋪位， 看來這裡都幾受歡迎。主菜陸續呈上，碟碟都正。香芒沙律大蝦球---賣相精緻恍如藝術品， 芒果肉厚清甜， 鮮蝦爽口彈牙，加上士多啤梨青提藍梅及沙津菜配合，味道可口醒胃，一上來就胃口全開。蒜蓉粉絲蒸蟶子皇---呢個係本人最愛食物之一， 蟶子比手掌還要大， 廚師手藝亦拿捏得很準繩， 蒜蓉味充分滲入粉絲當中， 而蟶子嘅鮮味亦被粉絲充分吸收，味道頂瓜瓜，真係想再來多一碟呵呵。薑蔥炒大肉蟹---這款菜式亦不得之了，一上枱就香味四溢令人食指大動， 肉蟹大隻而且夠晒新鮮， 肉質鮮甜厚實，食落啖啖肉而不會水汪汪，配上薑蔥炒法香口惹味，話咁快就KO一碟。生煎東星斑---東星斑剛剛煮熟就即時上桌， 魚肉嫩滑唔嚡而且沒有腥味，魚皮咬落仲好脆口，味道不俗， 就連其中一位唔多鍾意食魚嘅朋友都大讚好味。白胡椒爆炒南非鮑魚---以往食開嘅鮑魚多數是果皮清蒸或薑蔥去炒， 而這裏就用白胡椒爆炒， 煮法少有獨特，微辣嘅白胡椒配上煙韌嘅鮑魚口感豐富美味，而且南非飽魚亦很新鮮，教人一食就愛上。江南百花雞---第一次食呢款菜，原來係將蝦膠釀係雞肉上面，都幾特別，蝦膠夠哂爽口彈牙，雞肉鮮嫩唔油膩，食落啖啖肉好滋味。上湯浸時菜---食咗咁多海鮮，係時候食返d清清地嘅菜，白菜仔夠晒時令當造，加入適量菇類就更加鮮味，簡簡單單都唔錯。招牌御膳炒飯---招牌妙飯大大碟非常足料，配上煙煙靭韌的帶子都唔錯，飯粒分明而且乾身，最重要係唔油膩，抵讚。芒果布丁---最後食埋呢款至愛的香滑芒果布丁簡直完美。值得一提是這裡縱使沒有華麗佈置，但是御膳有的是廚師的精心手藝及新鮮食材，再加上侍應服務週到，一頓飯已換了數次新淨碟子招呼細心，期待下一次再來食過。…Read More