Read full review
2018-04-25
2723 views
自從兩年前食嗰一頓私房菜之後，我就一直念念不忘想再次去食。最近有朋友推介一間位於觀塘工廈的隱世私房菜， 好，一於約埋老友齊齊去揾食。呢間私房菜其中一個好處在於兩人都可以幫襯， 唔似出面起碼要四位先可以入座， 對一般情侶或夫婦嚟講就非常方便。我們好穩陣於三星期前電話預約，店家即透過WhatsApp傳來多款套餐提供選擇，由於朋友最鍾意食海鮮，所以最終亦都揀了一個四人份量$1740嘅海鮮套餐。我們準時七點半抵達， 以為私房菜會冇乜人食嘅觀念原來係錯嘅，事實上當晚都幾旺場， 不停有人入座，而且還有隔離鋪位， 看來這裡都幾受歡迎。主菜陸續呈上，碟碟都正。香芒沙律大蝦球---賣相精緻恍如藝術品， 芒果肉厚清甜， 鮮蝦爽口彈牙，加上士多啤梨青提藍梅及沙津菜配合，味道可口醒胃，一上來就胃口全開。蒜蓉粉絲蒸蟶子皇---呢個係本人最愛食物之一， 蟶子比手掌還要大， 廚師手藝亦拿捏得很準繩， 蒜蓉味充分滲入粉絲當中， 而蟶子嘅鮮味亦被粉絲充分吸收，味道頂瓜瓜，真係想再來多一碟呵呵。薑蔥炒大肉蟹---這款菜式亦不得之了，一上枱就香味四溢令人食指大動， 肉蟹大隻而且夠晒新鮮， 肉質鮮甜厚實，食落啖啖肉而不會水汪
呢間私房菜其中一個好處在於兩人都可以幫襯， 唔似出面起碼要四位先可以入座， 對一般情侶或夫婦嚟講就非常方便。
我們好穩陣於三星期前電話預約，店家即透過WhatsApp傳來多款套餐提供選擇，由於朋友最鍾意食海鮮，所以最終亦都揀了一個四人份量$1740嘅海鮮套餐。
我們準時七點半抵達， 以為私房菜會冇乜人食嘅觀念原來係錯嘅，事實上當晚都幾旺場， 不停有人入座，而且還有隔離鋪位， 看來這裡都幾受歡迎。
主菜陸續呈上，碟碟都正。
香芒沙律大蝦球---賣相精緻恍如藝術品， 芒果肉厚清甜， 鮮蝦爽口彈牙，加上士多啤梨青提藍梅及沙津菜配合，味道可口醒胃，一上來就胃口全開。
香芒沙律大蝦球
32 views
1 likes
0 comments
蒜蓉粉絲蒸蟶子皇---呢個係本人最愛食物之一， 蟶子比手掌還要大， 廚師手藝亦拿捏得很準繩， 蒜蓉味充分滲入粉絲當中， 而蟶子嘅鮮味亦被粉絲充分吸收，味道頂瓜瓜，真係想再來多一碟呵呵。
蒜蓉粉絲蒸蟶子皇
42 views
0 likes
0 comments
蒜蓉粉絲蒸蟶子皇
27 views
0 likes
0 comments
薑蔥炒大肉蟹---這款菜式亦不得之了，一上枱就香味四溢令人食指大動， 肉蟹大隻而且夠晒新鮮， 肉質鮮甜厚實，食落啖啖肉而不會水汪汪，配上薑蔥炒法香口惹味，話咁快就KO一碟。
薑蔥炒大肉蟹
35 views
0 likes
0 comments
薑蔥炒大肉蟹
40 views
0 likes
0 comments
生煎東星斑---東星斑剛剛煮熟就即時上桌， 魚肉嫩滑唔嚡而且沒有腥味，魚皮咬落仲好脆口，味道不俗， 就連其中一位唔多鍾意食魚嘅朋友都大讚好味。
生煎東星斑
30 views
0 likes
0 comments
白胡椒爆炒南非鮑魚---以往食開嘅鮑魚多數是果皮清蒸或薑蔥去炒， 而這裏就用白胡椒爆炒， 煮法少有獨特，微辣嘅白胡椒配上煙韌嘅鮑魚口感豐富美味，而且南非飽魚亦很新鮮，教人一食就愛上。
白胡椒爆炒南非鮑魚
31 views
1 likes
0 comments
白胡椒爆炒南非鮑魚
20 views
0 likes
0 comments
江南百花雞---第一次食呢款菜，原來係將蝦膠釀係雞肉上面，都幾特別，蝦膠夠哂爽口彈牙，雞肉鮮嫩唔油膩，食落啖啖肉好滋味。
江南百花雞
40 views
0 likes
0 comments
上湯浸時菜---食咗咁多海鮮，係時候食返d清清地嘅菜，白菜仔夠晒時令當造，加入適量菇類就更加鮮味，簡簡單單都唔錯。
上湯浸時菜
28 views
0 likes
0 comments
招牌御膳炒飯---招牌妙飯大大碟非常足料，配上煙煙靭韌的帶子都唔錯，飯粒分明而且乾身，最重要係唔油膩，抵讚。
招牌御膳炒飯
22 views
0 likes
0 comments
芒果布丁---最後食埋呢款至愛的香滑芒果布丁簡直完美。
芒果布丁
19 views
0 likes
0 comments
值得一提是這裡縱使沒有華麗佈置，但是御膳有的是廚師的精心手藝及新鮮食材，再加上侍應服務週到，一頓飯已換了數次新淨碟子招呼細心，期待下一次再來食過。
Post
