影片
港鐵利東站A1出口, 步行約1分鐘
繼續閱讀
電話號碼
34811134
營業時間
星期一至日
07:00 - 21:00
公眾假期
07:00 - 21:00
公眾假期前夕
07:00 - 21:00
以上資料只供參考, 請與餐廳確認詳情
開左南港島線都未撘過，是日放假就去鴨脷洲行下。聽講有間好出名嘅艇仔粉叫漁港艇仔粉，撘到利東站出站一出就見到，但店面寫住內部裝修，好彩有位熱心市民告知搬左去新舖😊店門口好多人等位又好多等外賣，熱鬧非常，大概等左十分鐘左右就有位了，難得來一次叫多啲嘢試下先😋⭐招牌艇仔河粉哈哈，唔使諗一定要試招牌粉，有魚皮、魚片、魚蛋、叉燒、燒鴨、紅腸同生菜，好豐富好多餸，湯頭鮮味，河粉好滑，真係幾好味噃😋⭐招牌艇仔湯飯朋友都係諗住食招牌粉，但又廢事一樣，就轉左要湯飯，餸是一樣的，飯感覺更大碗，朋友話好好味，連湯都飲晒😆⭐炸魚柳烚蛋沙律見呢樣都多人叫，我地都唔執輸叫番份先，炸魚柳即炸的，又香又脆又大塊，沙律係雜果沙律，甜甜地幾好味，烚蛋就無咩特別啦。⭐粒粒西多士雞翼薯角仲有叫左西多士，附上一碟花生醬同煉奶🤤多醬正呀！西多、雞翼同薯角同樣係即炸的，香噴噴～⭐凍檸茶 & 熱利賓納招牌粉飲品要加錢，但另外兩個常餐就有飲品送，咁樣夾埋叫感覺抵左🤣熱利賓納好大杯又沖得濃，凍檸茶有四片檸檬仲要厚切，檸味十足，正！一點黎食咁多人等位唔出奇，點知後來三點幾四點經過都仲係企滿人，呢檔漁港艇仔粉真係好受歡迎呀😆
繼續閱讀
又要嚟鴨脷洲呢個美食沙漠上堂🙈上次食咗泰國嘢，今次同朋友試艇仔粉午市時段好旺場，要等位除咗艇仔粉、仲有多款魚蛋雲吞湯粉，另外有常餐、飯類、招牌炸物等▶️ 麻辣雞扒烏冬 ($51)唯一一款烏冬選擇，如果叫湯粉轉烏冬要加$6，同埋唔包飲品本人唔食麻辣，所以叫咗走辣🙈賣相係平平無奇一碗湯烏冬雞扒連皮，肉質滑嫩，味道新鮮，偏多油脂🐔烏冬並非日式烏冬，唔夠煙韌彈牙，比較實身似上海湯粗麵好在唔易斷，食落算滑身反而湯底出色👍🏻用上不含味精魚湯，鹹中帶魚鮮味，仲有大量青蔥，只係因為雞髀而油咗少少成為呢碗普通烏冬嘅精髓▶️ 雪山粒粒西多士 ($41)上枱「嘩」咗聲😂比預期中大份唔係一口西多士，而係兩口每粒size好平均，正正方方好厚身西多士口感唔錯🍞麵包為主，食落鬆軟棉密外面不算香脆 ，未必啱鍾意脆口人士，但我幾like呢個，感覺冇咁熱氣蛋味香，灑上少許糖霜，味道似高力豆沙👅花生醬同煉奶分開上嘅，可能係唔想整淋啱啱炸起嘅西多士，同埋可以俾客人自己控制甜味花生醬比較流質🥜有花生味但唔算香濃，煉奶夠甜雖然唔係佢哋招牌菜，但個人覺得有驚喜同幾值得試 (好食過上次陳新記)▶️ No.1招牌艇仔粉 ($48)大部份人嚟都叫呢個超多配料：叉燒、魚蛋、魚片、紅腸、炸魚皮、燒鵝朋友話叉燒同魚蛋最好食，聽到隔離客人話鍾意魚片😆河粉底質感唔錯，滑捋捋唔會太腍湯底同樣用上不含味精鮮魚湯，朋友大讚之餘仲飲晒，一滴不留🍲▶️ 凍奶茶 (+$4)唔記得叫少甜，飲落有台式珍珠奶茶甜度🫣完全品嚐唔出茶味不過食完鹹嘅湯烏冬飲番幾啖都幾啱嘅，口渴之下都會飲晒-最出色當然係佢個鮮魚湯底🐟令佢嘅湯麵河粉與眾不同其次係西多士有驚喜！不過有個朋友叫咗生炸雲吞配沙律，份量好細，俾朋友取笑係佢嘅減肥餐🤣環境狹窄啲，坐得比較迫，有機會要同人搭枱因為長期有人等位，都唔好意思食太耐，費事阻住佢哋做生意服務幾好，姐姐同叔叔有人情味性價比高，平均$50/人有埋飲品可以話係鴨脷洲嘅「特產」
繼續閱讀
一直都想去香港仔吃艇仔粉網上一搜 鴨脷洲非常有名氣的艇仔粉專門店《漁港艇仔粉》當然要試試餐廳口門已很多人排隊門面裝修得好有心機以「碗艇仔粉」吸睛🤩內部裝修是介紹以前鴨脷洲漁村是一個不錯的裝修餐牌當然少不了 No.1️⃣ 招牌艇仔粉 亦有不同美食 供應大家尋覓⋆_ᴛᴏᴛᴀʟ ᴏʀᴅᴇʀ__ ⋆🐔🦆🐟No.1 招牌艇仔粉招牌艇仔粉是店家人氣 NO.1 的招牌菜每枱必點的招牌菜以奶白色的湯頭為主 是大地魚湯熬製入口清甜濃郁配菜有燒鵝 、叉燒、 紅腸、 魚蛋、炸魚皮、魚片、生菜可一次過品嚐多種 非常豐富河粉份量頗多😆.🥫🍜蕃茄薯仔肉碎豬扒通粉 蕃茄薯仔肉碎湯底 經典配搭 湯底很濃厚配掛汁加強的通粉 啖啖都有蕃茄薯仔肉碎湯🥩另外豬扒切件呈上 口感 厚度亦很不錯.🫔🥟招牌炸物拼盤即叫即炸 熱騰騰有魚蛋、魚片頭、墨丸和雲吞有泰式酸辣醬沾來吃 可提升口味.飲品
繼續閱讀
這間漁港艇仔粉係舊舖對面新開了分店，新店環境比舊店光猛舒服，星期六兩點後仍然爆場，好彩等位都算快。招牌漁港艇仔粉是每枱必點，使用無味精的魚湯作為湯底，十分鮮甜，多飲都沒有口渴感，一碗艇仔粉有魚片、紅腸、燒鴨、叉燒、魚蛋、魚皮及生菜，十分豐富，麵底可自選。四寶粉的湯底一樣是鮮魚湯，內邊有魚扎、魚餃、墨丸及肉丸，丸類都是彈牙的。炸物拼盤有魚蛋、片頭、墨丸、雲吞各2粒$49, 炸得金黃香脆，特別是雲吞，好香口。沾上甜酸醬更美味。
繼續閱讀
鴨脷洲洪聖爺文化節今年又搞，去湊熱鬧，感受一下氣氛。節目非常豐富，玩到夜晚，在附近找一間當地非常有名氣的艇仔粉專門店品嚐後才回家。招牌艇仔粉燒鵝，义燒，紅腸，魚蛋，炸魚皮，魚片，生菜湯頭鮮甜，採用了大地魚，經過烘焙後放入湯內熬製，不但味道鮮美，營養價值很高。炸魚皮脆卜卜，難不得係人氣之選。燒鵝皮薄肉嫰。魚蛋，魚片勁有彈力。食材多多，可一次過品嚐多種，最啱貪食嘅我。青檸柑桔話梅蜜酸，甜，鹹…濃稠好飲，飲後喉嚨好舒服。
繼續閱讀
您可能會有興趣的...