味道: 火山排骨的實物賣相跟餐牌上的賣相有點距離，係有少少失望，但是幾好味。如果炒金邊粉的酸甜味可以濃一點點會更好。青檸荔枝沙冰好飲，反而果汁類就普通 環境: 滿意 服務: 扣分位~ 訂位時指明要卡位，但入座時竟安排普通4人枱，要主動出聲先可以轉返卡位。 加分位~ 食唔晒打包，女店員主動幫忙入盒（而且仲汁還汁、餸還餸一盒），夠貼心 衛生: 滿意 抵食: 唔算非常抵食，但位處如心廣場又有靚裝修，都要咁上下了 建議: 希望餐牌可以加多幾款走辣的小食/主菜（我明我明，食泰國菜就係要食辣😅 但老人家及小朋友食唔到辣，有多些選擇就更好），另外唔明點解椰青要咁貴（$68/個）？價錢令人卻步

無意中經過見到間新開餅店，見櫥窗有櫻花味同伯爵茶味的曲奇餅，覺得幾特別又比較少見但試味後味道唔算太突出，反而最鍾意朱古力味，面層的朱古力唔會死甜，餅的質感好鬆化唔覺油膩(本身好怕好重好重的牛油味)，試食時店員告訴我是少甜配方，心理上就唔會有太大的罪惡感，$45/半磅，最後一口氣買了兩包不同的口味(包括朱古力味、合桃味、士多啤梨味、伯爵茶味、原味)，下次經過一定會再來。 未知餅店稍後會否推出各類麵包？有點期待

一家人來東涌, 難得老人家不介意食印度菜, 一行七大一細七點前來到, 只見有一檯四人的食客; 原以為地點偏僻兼食材另類沒有太多人會來, 怎知到八時多開始已座無虛度, 門口還有一些情侶在等位呢!

由於似是家庭式經營, 由樓面到廚房只有三、四個人, 似乎人手不足, 因此上菜較慢。是晚點了十多樣東西(連飲品)都只是盛惠六百大元, 的確抵食! 雖然大部份的菜名已忘記了, 但總括而言各樣都頗好味的, 再加上一些印度醬汁….甜的、咸的、辣的、酸的、澀的也有, 很久沒試過吃得這麼過癮了!! 尤其烤餅一叫再叫, 回味無窮! 飯後來一杯不錯的凍香蕉奶酪, 醒胃之餘亦可解辣。

雖然他們沒有甚麼笑容, 卻又不太介意, 仍然是很值得再去的一間餐廳!

很滿心滿足的一份午餐!!

和老公慕名而來, 先打電話來問路兼訂位, 電話中傳來令人舒服的服務態度, 抵讚! 我們點了黑椒汁牛扒跟飯及洋蔥汁豬扒跟意粉; 兩款都很好味, 肉夠腍之餘獻汁濃淡適中。飯後來一杯凍朱古力薄荷咖啡更令人精神為之一振。有機會再來的話想試試差不多二百大元的澳洲肉眼扒, 應該不會令人失望吧?!

不過地方有點迫, 要經常被迫聽鄰座的人的對話, 想與同行親友說悄悄話? 食飽才想吧!!

近排愛上了openrice, 經常瀏覽各大小食評, 發現此店十分好評, 自然不能錯過。果然, 不負眾望, 值得推介! 當時已差不多九時, 仍然坐無虛席; 服務亦不錯, 其中一位服務員還經常笑容可掬呢! 由於今次只是二人同行, 食量有限只點了3款菜式, 下次一定會再試其他。

松子欖仁薑粒炒飯: 味道不錯! 比一般炒飯特別。

松子糖醋魚: 服務員說魚肉是由大豆纖維扮的, 個人認為口感很似煎膠魚, 老公則認為似煎午餐肉。一碟有八件, 如只得兩人share就有些膩了。有點妙想天開, 如果可以分2種份量, 一種例牌、一種迷你(即如和民一樣, 可以每款細細碟, 價錢當然要適中啦), 這樣就可以一次過試多幾樣了(我會不會發夢太早呢?!)

葡汁焗五蔬: 賣相很好、色澤新鮮, 已經令人垂涎欲滴, 入口後有很香很重的椰奶味, 葡汁一點都不辣(有些是辣的啊), 非常合本人口味。內裡有鮮菇、椰菜、小棠菜、西蘭花、蕃茄及薯仔(咦, 不止五蔬喎); 最正是薯仔, 有很濃的薯仔味, 不是一般街市、超市貨色。(真有衝動想問薯仔出產何處, 自己再去搜羅回家煮, 到最後當然沒有這份勇氣啦)。如果喜歡食薯仔的朋友一定要試!!

從洪聖爺泳灘回大街途中, 竟然遇見視帝鄭嘉穎及一眾攝製工作人員正行往泳灘方向, 在陽光普照下大家都汗流浹背, 視帝更索性除去上衣解熱, 還露出鮮紅色的內膽邊來色誘途人呢!! (哈哈……)

下午茶時段, 只得兩、三檯人客, 相比起午市座無虛席時相差甚遠。環境整潔舒適, 只是檯與檯之間未夠寬敞。首先來的是忌廉南瓜湯及蒜蓉包, 湯非常creamy、又不會很膩, 蒜蓉包夠香脆又新鮮; 主菜是忌廉汁煙鴨胸波菜麵及肉醬焗薯皮, 前者獻汁香濃, 雖然煙鴨胸未算拿滿分, 但整體質素甚佳; 而香脆的焗薯皮上鋪上芝士及肉醬, 又是上佳之作。

可惜餐飲未能提供鮮搾果汁, 只差這一點點就非常完滿的了。

慕名而至! 本非常期待可以yummy..yummy一番, 不過由於Menu全是英文, 又沒有註明餡料是甚麼, 在亂撞下order了Sunny Set及Mushroom Set。首先薯餅及薯條很新鮮, 啖啖肉很有質感, 比起麥記稍勝一籌, 只是略嫌薯餅油膩了一點點; 鮮橙汁亦非常新鮮, 而老公那杯鮮奶口碑亦不錯。可惜個burger到食時才知道兩者差不多是同一樣東西, 內裡只有煙肉、煎蛋再加些醬汁, 只不過Mushroom Set裡多了一塊薯餅而已。由於個人不太喜歡煙肉, 所以感覺不是味兒呢!! 其實食一個餐的確唔平, 不過間唔中食下都冇乜所謂。下次一定會去試beef及chicken burger, 試一試這些澳洲出品的肉質是不是會外國的月光特別圓呢?!

唯美中不足之處是Menu內選擇比較少, 如果再加上中文翻譯並附註餡料內容就更perfect了, 起碼第一次食的人不會容易買錯吧!

環境舒適，相當適合朋友聚餐、情侶約會。見好評如潮所以都幾滿心期待，當晚的食物中最滿意首推日本南瓜焗海鮮飯，未食已聞到陣陣的香味，雖然南瓜味道唔算好甜但我們四人均一致好評，不過亦一致負評香芒軟殼蟹米紙卷，米紙卷皮太厚太硬、軟殼蟹的份量少到感覺唔到(實物賣相跟 menu相差甚遠)，事後朋友跟店員反映情況以作改善，她說其實食完第一嚿覺得唔妥可以出聲幫我們更換喎(餐廳真係會咁大方?? 希望她講得出做得到啦)，基本上整體都OK可以再去試試其他菜式

未夠12:00入座, 當然是意料之中的大把位 一入門口, 每位服務員(起碼有五、六個)都齊聲用日文歡迎你...感覺良好 但.......當不斷有客人入座時都是這樣.....就未必感覺良好啦, 反而覺得有點嘈吵添

地方舒適, 雖不至於很有特色但很整潔, 如果可以坐梳化卡位應會更正!

早前被某周刊評為"2012必食拉麵店"之一, 午市選擇不多(未知晚市如何?), 這點倒有些意料之外! 點了白丸加紫菜, 麵底硬度可選硬、中度及軟, 第一次吃最穩陣就是要中度吧?! 麵質及湯底冇驚喜不過值得一讚的是叉燒的確夠軟滑!!

自問唔算超大食, 但呢碗盛惠$88.3(加一後)的拉麵, 的確唔飽肚囉!!

帶小朋友入大埔農莊玩，搵到呢間環境優美的餐廳，就順道慶祝埋老公生日，訂了室外的屋仔用餐，有食私房菜的感覺 不過坐室外比較適合秋天天氣，4月時份如果唔開冷氣會有啲焗，一定要開晒兩邊側門先通風，但就更惹蚊。職員很熱情跟你溝通，亦主動幫你拍照，態度良好。食物方面比預期遜色，跟期望有點距離，價錢唔平，這價錢會有其他更好的選擇。