撐小店 晚上8點到步，店已8成滿座，我同呀q拿拿臨入座，店員亦快快手送上熱茶與kimchi。 民度kimchi唔太辣，好岩hk人食。我地叫左個燒魷魚同滿腹套餐。落完點後狂食kimchi。 滿腹套餐我地叫左冷面，d面真係好鬼煙un，煙un到有d難咬，加上我cool牙，真係好難搞。 之後條魷魚黎啦，煎得重手左dd，但係都仲好味道，叫多左個asahi送黎飲，嘩32一罐，飲完老闆問仲要唔要我地擰哂頭。 石頭飯終於黎啦，waitresse幫我地快手撈好，等一陣無咁熱就食得啦。d豬肉撈左好似唔多食得出，成個飯比較清，食落比較有日本feel既韓國野，不過又幾岩我地口味。食完之後我地又食左好多kimchi終的而言，個唔洗錢kimchi最好味。

呢度服務好，個個都好好口，令我地食得好開心。

Chesse cake個個女仔都鐘意，間唔中同呀q囤一兩個慢慢食真係好爽，今次番屋企前同qq買2個細細個，原味同開心果味試下。 不過我地太低估佢既威力，咪睇佢細細個食兩舊都幾係野，一個開八份，食左兩舊坐左陣已經覺得有d滯。

不過個原味真係好好味，芝士味夠又滑，不過呢隻都幾creamy下，食下食唔覺會食左好多，反而開心果就無咩味，好勁cream，我地都唔太想食，個原味第二日已經ko左，而個開心果味仲有半個，一直放左起雪櫃...

起身好肚餓，一於去食點心，近近地決定食餐貴dd既老點。 之前黎過，今次食d新野。

佢地d野食基本上係唔洗等，但都keep到好味，無果種整起好耐既感覺。d食物名有幾個都幾爆架！ 食物方面我重點講幾個：

唔知係味響應民運，竟然有民意义腸！

每舊入面都有一大舊义燒，唔係酒樓果d得幾粒。 向西嫩雞竹筒飯係怕唔飽而叫，話哂呢度廿幾蚊一個點心，係咁食都好貴，真係無叫錯，睇落細細個，但係不極都仲有，d飯多到大隻仔呀q都食唔哂...

蝦春卷，慣左點沙律醬食，但呢個唔點都好好食，d蝦打得好到位，唔會太淋太多粉，仲好嫩口添


個鳳爪最出色既地方係，佢唔似酒樓果d炆到淋哂，仲keep到爽爽的口感，好味道！
最後要講個清酒雲吞雞，好難食！d清酒好酒精味，一d都唔香，搞到d雞苦哂，我地食左舊都無食喇，可能唔岩口味啦。（我地見隔離對內地情侶連d清酒都飲哂先走，以為好好味先叫） 美中不足係坐得有d迫，不過香港地...又旺角...冇計

呢度booking好難架，但係都終於俾我地食到。


我地上到去未有位住，叫我地起bar台坐住先，個裝修都好fushion下，大約5分鐘，終於可以埋位。

坦白講，西餐廳來說坐得都幾迫，完全俾左右兩張台既對話夾擊，為免我地都俾人聽到哂，我地真係講少左好多野。台上面既擺放有小許心思，我地為免唔夠位，先叫左個牛油果蟹肉多士，一個雜菇risotto，再叫左個大蝦茄意粉。

食呢個多士，少d腦力都唔得。首先個多士上面鋪得好滿，一郁就倒哂出黎。其次，個多士太硬，好難切開，合我兩二人之力先可以切得好好睇睇。其三，上面勁滿既料都唔係牛油果同蟹，側面果兩個配醬先係，我地食到最後一小件先發現個醬係寶，浪費左好多時間搞上面d青瓜，最後我地急急腳放勁多醬上去食最後一啖，先食到佢個真味，頂之後我見到有台人都唔識食，成個醬無咩點郁過就當食完。

好彩之後有呢個好味risotto補番，唯一缺點係無匙更用，我知你地點睇架，risotto係under pasta架嘛，咁我用义食囉。佢唔似出面整得好溜，反而個白汁好清新，4點芝士煙un，起口中散發住咸咸酸酸香味，真係愈食愈開胃。好彩我地叫左大份，因為大份都係比正常risotto細份。

有見及此，我地叫多左個大份大蝦茄扁意粉，呢個都係好細份，蝦就好好味啦，但意粉就好硬好硬好硬....唔知係味正常都係咁硬既呢？！？佢又未至於係生，所有野好似係7成熟咁啦，我地都無追問啦。 始終唔係jo自己煮，係差d架喇。btw,場內燈光一係好光一係好暗，坐耐左對眼唔多舒服。廁所幾靚，值得參觀。

開show前同呀q家人一齊食，晚上好多人，我地入坐後d人多到要排隊。呢度好似food court咁，cashier度點完餐佢會俾個remote既野你等餐，雖然如此，我地d餐最後都係由waiter拎過黎，唔洗行出去。我地叫左咖哩雞面，喇沙同咖哩雞飯。



咖哩雞飯同面都係兩隻雞全翼，食起黎好唔方便，雞肉好淋，咖哩都有少少喇沙feel，正。佢地既飯係用黃油飯，淡淡油香，唔錯。

呢個喇沙有d失望，佢係用瀨粉，唔太吸到個喇沙湯底。而咖哩雞面係用油面，吸哂湯底精華。湯底方面，呢度既喇沙好有蝦味，椰味相對較少，辣味亦較重。一開始食心入面總係覺得唔太好味，但食耐左又覺得都ok吖。

個咖啡就好有趣啦，見佢咁黑古甩特，原來一早已經加入左煉奶，味道都幾有趣。 不過下次我都係會去番好時食

唔係講笑，呢度d二人台邊夠位食野架？好彩一見有位就請哥仔幫我地轉左位。 心情靚靚馬上叫左個雞一批浮台餐，入面仲有香蕉pancake，本身對呢個pancake無咩期望，但最回味就係佢，可能因為佢細細份啦。

個雲尼拿汁係精粹，好味到識飛，連唔食甜既呀q都讚佢好味！個pancake就煎到入面淋淋地，好似外國餐廳食果種，宜家諗番都想食呀！

大家都成日講呢個唔好食，我認為只係唔夾，豆豆湯好清新，雞批都香口，但放入去濕左真係馬上扣哂分呀，我拿拿臨夾佢出黎食。

西多都要讚，口感好好，好足蛋味，咁大舊食落唔覺boring，good呀！ 絕對要再黎試其他野！ *另外發現佢二人台會有張小蓉俾人放袋，連廁所都有，好體貼。

行到攰又餓，本身想去星座但星期日又唔開，發脾氣求其食，咁就中招啦。

求其叫左個牛剪面，除左幾片牛剪合格外，其他不予置評。

咖哩雞飯，個咖哩好奇怪，唔係咖哩味，d辣味係辣椒碎發出，我真係食唔多落幾啖，可能係廣西口味啦，我唔識食。 又貴，呀q食完都同我say sorry，話唔應該放棄，求其帶我亂食野。

Encore! 呀q辛苦左成個星期OT，我當然要稿賞下佢食餐好。帶佢來encore上次個pizza。 今日一起身就落黎食，時間尚早有brunch食，我地叫左bama ham melon pizza, 默西哥三式卷同甜酸雞翼。

個pizza今次咸左dd，睇來係撞手神。個蜜瓜今次又無咁甜啦。






個三色卷都意外地幾大份，每件都有手板咁長，三式分別係蝦，波菜同蛋。其中波菜同蛋做得比較出色，個蝦無咩味道。美中不足既係個皮唔太夠脆，不過都算值回票價。

甜酸雞翼其實唔多覺甜，似咸酸雞翼多d，味好濃，我食兩隻已經頂唔順啦，不過呀q話ok喎，仲食哂tim! 報告完畢

呢度服務唔錯，又快手又細心。 今日qq帶我食好野，佢話搵到呢度卡邦尼唔錯，一齊去試下係咪咁好味。 上次揸車黎比較方便，今次行過去其實都唔遠，我地去到行左陣就食啦。 因為無book位，要坐店出面，店都係細細間，出面有兩把風扇，台凳可以接受，而上面既橄欖油同黑醋瓶身都好特別。 因為時間早，我地叫左兩樣野初試一下。辣雞pizza同卡邦尼。落單前佢地已經送上四件多士仔俾我地食住等。

好快就上卡邦尼了！份量比出面細dd，但一樣咁夠食。汁偏向creamy，好勁cream味，唔太夠芝士味，但煙肉非常出色，勁香勁野味！ 煙肉 切成大大片而非平時的細細粒等你可以食真d，good呀！

PIZZA之後就上，服務生馬上幫我地換左碟，好好服務。pizza最上面係m記果隻泰式辣醬，不過配搭得唔錯，如果多番少少波菜就prefect喇！ 本身想叫多個course，見佢地鱸魚好正一，但坐出面始終唔係好舒服，都係留番下次。

今日遲左起身，唯有起樓下食啦！ 馬安山呢個食物沙漠唔係浪得虛名！ 見有間餐廳親開左，就去拜會下啦！ 個格局四四正正，主要都係用鐵同木做tone，d台凳都有番d水準，唔係hea貨。meun都整得幾靚，有vantage feel呀！不過野食就有d難揀，飯類主要都係一個扒/肉類+一個汁咁。正正下午茶時間，其他小食就好鬼多花款。 呀q叫左個免治蛋飯，呢個真係好suprise，佢黎得快不但只，個蛋要溜唔溜咁，睇到我心都郁哂想試試，係幾好味架真係！好味過平時食開d茶記。

呀q見我無咩心水，幫我揀左個芝士公仔面，呢個就中伏啦！個芝士汁係咸味白汁，仲要係好咸果隻，一d芝士味都無，一句講哂好難食。 不過值得一提係，杯野飲好大杯，咁先係cafe架嘛。 唔好既係今日咖啡機壞左，very bad luck