La Piazza (已搬遷) 新店位置

呢度服務唔錯，又快手又細心。今日qq帶我食好野，佢話搵到呢度卡邦尼唔錯，一齊去試下係咪咁好味。上次揸車黎比較方便，今次行過去其實都唔遠，我地去到行左陣就食啦。因為無book位，要坐店出面，店都係細細間，出面有兩把風扇，台凳可以接受，而上面既橄欖油同黑醋瓶身都好特別。因為時間早，我地叫左兩樣野初試一下。辣雞pizza同卡邦尼。落單前佢地已經送上四件多士仔俾我地食住等。好快就上卡邦尼了！份量比出面細dd，但一樣咁夠食。汁偏向creamy，好勁cream味，唔太夠芝士味，但煙肉非常出色，勁香勁野味！ 煙肉 切成大大片而非平時的細細粒等你可以食真d，good呀！PIZZA之後就上，服務生馬上幫我地換左碟，好好服務。pizza最上面係m記果隻泰式辣醬，不過配搭得唔錯，如果多番少少波菜就prefect喇！本身想叫多個course，見佢地鱸魚好正一，但坐出面始終唔係好舒服，都係留番下次。