留家廚房 (已結業)

上兩星期同屋企人去食晚飯,一行十一人,大家都係第一次去,咁啱有個hsbc優惠套餐推介,我地柯打咗個餐,再加一隻京酥鴨。個餐送一支智利紅酒,入口唔錯。食物方面都很可口,味道亦很特別,已忘記有幾度菜,但係個煎大蝦(去穀)配咖喱汁就頂瓜瓜,食到個個都話正。另外就有湯有菜有魚又有肉,樣樣都有齊。隻京酥鴨都好特別,千祈不可混與素食的香酥鴨,呢隻係真鴨,內裡釀了很多東西,皮脆鬆化。雖然個餐牌可以揀半隻柯打,但係入面釀咗野,最好叫一隻。放心,隻鴨唔係燒鴨咁大隻,同小型片皮鴨差不多大小。埋單一人約$200。