百味鮮

營業中

休息中

今日落街搵嘢食嗰陣見到佢的二人套餐，真係好吸引。$300都唔使就有一個火鍋同埋煲仔飯。點知另一半落到嚟嘅時候想散叫火鍋多啲😑😑唯有下次先再試佢嘅煲仔飯舖頭應該主打做街坊生意，見到入邊都坐得多人，應該唔伏，就入咗去試我哋叫嘅係椰子雞火鍋，揀咗半隻雞，佢嘅份量真係好多。店員幫我哋落咗雞之後就俾咗個漏斗我哋話啲沙掉曬就可以轉細火飲湯食雞。咁樣幾方便，我哋又唔使計時。椰子雞湯不嬲都係湯鮮雞滑，冇得彈👍連雞胸肉都好Juicy嫩滑我哋啲竹笙煲完之後勁大，爽口，份量又多佢嘅豬肉係有豬味得來，又唔會好騷，肉質又唔會柴，唔錯我哋仲叫咗墨魚滑同埋蝦滑，兩隻滑都好彈牙新鮮，抵食。整體嚟講依間餐廳嘅用餐體驗都唔錯。枱面要嘅工具基本上都齊全，店員個速度都好快手，最緊要嘢食味道質素又真係唔差喎，下次應該都可以返兜。