影片
更多
2023-12-28
2850 瀏覽
尖沙咀搵午餐食，經過柯士甸道鬧市，見到有間清新文青餐廳，就入去試吓。「Potluck Eatery」木系裝修帶點工業風，門前有半露天座位。一進內，餐廳製造咗一個寬敞嘅文青打咭空間，天花吊有大月亮，牆上畫有樹嘅大壁畫，而且已經掛上聖誕樹同裝飾，充滿聖誕浪漫氣氛。𝑨𝒑𝒑𝒆𝒕𝒊𝒛𝒆𝒓⊛白酒忌廉藍青口 $238藍青口飽滿肥美，肉質好嫩滑，充滿鮮甜味同海水味，份量都多。好鍾意佢個汁，香濃忌廉汁散發出清幽嘅酒味，好香，同海鮮好夾，我直頭有飲埋個汁，亦可選擇紅咖喱汁。𝑳𝒖𝒏𝒄𝒉 𝑴𝒆𝒏𝒖午餐已包括餐湯同飲品，另可加錢升級飲品及甜品。𝑆𝑜𝑢𝑝 𝑜𝑓 𝑡ℎ𝑒 𝑑𝑎𝑦⊛紅菜頭湯用新鮮紅菜頭打成，啖啖係紅菜頭蓉，真材實料，味道清甜好fresh，卡路里低，好啱追求健美嘅女仕，飲完即刻感覺健康咗。𝑀𝑎𝑖𝑛⊛脆香豬柳扒伴蒜蓉香草牛油汁 $138見到脆漿混合咗香料，炸得香脆唔油膩，豬扒厚身，切開已經見到好Juice，入口肉質嫩，唔會炸到乾晒，醃得入味，尤其依附住豬扒骨啲筋同肥膏位好甘香，配蒜蓉牛油汁鹹鹹哋勁蒜香，伴有麻醬沙律菜，清新減膩。⊛紐西蘭肉眼 (8安士) $168選擇七成熟，肉眼口感軟腍juice，味道甘香
白酒忌廉藍青口
12 瀏覽
0 讚好
0 留言
𝑨𝒑𝒑𝒆𝒕𝒊𝒛𝒆𝒓⊛白酒忌廉藍青口 $238
藍青口飽滿肥美，肉質好嫩滑，充滿鮮甜味同海水味，份量都多。好鍾意佢個汁，香濃忌廉汁散發出清幽嘅酒味，好香，同海鮮好夾，我直頭有飲埋個汁，亦可選擇紅咖喱汁。
𝑳𝒖𝒏𝒄𝒉 𝑴𝒆𝒏𝒖
午餐已包括餐湯同飲品，另可加錢升級飲品及甜品。
紅菜頭湯
20 瀏覽
0 讚好
0 留言
⊛紅菜頭湯
用新鮮紅菜頭打成，啖啖係紅菜頭蓉，真材實料，味道清甜好fresh，卡路里低，好啱追求健美嘅女仕，飲完即刻感覺健康咗。
脆香豬柳扒伴蒜蓉香草牛油汁
22 瀏覽
0 讚好
0 留言
𝑀𝑎𝑖𝑛⊛脆香豬柳扒伴蒜蓉香草牛油汁 $138
見到脆漿混合咗香料，炸得香脆唔油膩，豬扒厚身，切開已經見到好Juice，入口肉質嫩，唔會炸到乾晒，醃得入味，尤其依附住豬扒骨啲筋同肥膏位好甘香，配蒜蓉牛油汁鹹鹹哋勁蒜香，伴有麻醬沙律菜，清新減膩。
紐西蘭肉眼 (8安士)
12 瀏覽
0 讚好
0 留言
⊛紐西蘭肉眼 (8安士) $168選擇七成熟，肉眼口感軟腍juice，味道甘香，配燒汁，伴菜有新薯、椰菜仔、甘荀，烤得香甜。
阿法卡朵雪糕咖啡
15 瀏覽
0 讚好
0 留言
𝐷𝑒𝑠𝑠𝑒𝑟𝑡 ⊛阿法卡朵雪糕咖啡 +$38
Affogato係意大利經典咖啡甜品，雲呢拿雪糕放杯內，按自己份量淋上濃縮咖啡，雪糕溶會慢慢形成泡沫，好治癒。入口泡沫感好重，好滑，似食緊溶溶哋嘅咖啡雪糕，或者飲緊加咗雪糕球嘅咖啡，介乎甜品與飲品之間，口感層次豐富，啱晒鍾意飲咖啡又想食甜品嘅朋友，個人就好鍾意呢個甜品，必食推介。
雪糕配朱古力焦糖窩夫
9 瀏覽
0 讚好
0 留言
⊛雪糕配朱古力焦糖窩夫 +$35雪糕有三款味道可以選擇，朱古力雪糕香濃，窩夫好脆，配朱古力醬同焦糖漿。
Iced Americano、Iced Mocha
14 瀏覽
0 讚好
0 留言
⊛ Iced Americano +$3
凍美式口感清爽，啡味柔和，奶同糖漿分開上。
⊛ Iced Mocha +$18
濃濃咖啡香與朱古力風味兼備，口感香滑，不太甜。
#Potluck Eatery地址：尖沙咀柯士甸道136-138號金門商業大廈地舖
張貼
