小松鼠 (已易手)

一向都非常喜歡開放式既食野環境，好似外國個啲露天咖啡甜品店禁，真係好正！今次呢間半開放式，雖然係元朗呢啲地方都無咩景可言架啦，不過呢度附近都係低密度既住宅，感覺都ok，算寧靜悠閒，唔會有太多匆忙既人行過！少位，不過禁岩一入去就有張台，keep住有人入，滿座！食物方面，個蘑菇湯，蘑菇味夠濃，岩哂蘑菇控！安格斯牛肉漢堡，件牛肉好嫩口，夠肉汁得黎唔會流到四圍係（個人好怕流哂出黎，好呢hea），呢個好似鎖住左啲肉汁禁，醬料都好夾，沙律菜新鮮！忌廉三文魚意粉～個汁有啲乾，無咩味，無特別，食到尾段個底啲意粉好似油浸禁，啲魚油沈哂底成口油，不過乾玫瑰花伴碟就靚靚有心思！同一個價錢，漢堡抵食好多，好食又有沙律同薯條，不過咩都試下麻，再去一定會揀哂漢堡！有加一服務費，不過連一向無要求既老公都話無服務，以為無加一！p.s. 黎緊搬鋪，要食既朋友注意啦！