辛安東元祖奶奶雞 (已結業)

以前未聽過、未食過，今晚開眼介，原來係韓式炆雞，加埋薯仔紅蘿蔔薯粉，用濃郁的醬油炆，好好味，有四種程度的辣度揀，唔辣都得，少少少辣亦得，咁就啱我。炆得好惹味，雞細細，肉又嫩，最正係透明啲薯粉，吸唒雞香，爭住食，份量唔少，都夠分。海鮮煎餅，沙律醬好多，海鮮一般，薄餅煎得香，味道幾好。牛肉生菜包，少辣，幾香，但啲牛肉咬唔開，要大啖一口過。環境韓風濃，每人百幾，扺食。