匡樂冰室 (已結業)

近元朗雞地一帶高樓密度低，小店老店多又有少少港島大坑感覺的地方，正是假日覓食放鬆好地方，匡樂冰室好多次想食，但間野老細唔做晚市（太誇張了吧），所以見佢餐牌都配合，集中做早餐午餐及常餐之類。一個價錢套餐，已經包括左厚豬扒、午餐肉、蛋、方包及羅宋湯牛肉通粉，自從工作離開東大街之後好耐無再食到咁好味既厚豬扒，味道同鬆軟程度接受滿分，通粉仲要附送勁多牛腩肉，加埋野飲，如果係女仔真係唔會食得曬。另外仲叫左個炸雞扒配薯條，薯條係正路茶仔質素，無咩期望，但個雞扒又大又脆又肥美，一啲都唔老，勁好味！原來牆上面有個仲抵食既餐，雞扒加紅豆冰唔使30蚊，老實講，咁既價錢同用料，唔知個老闆點搵錢。。。總之下次食lunch又多一個好地方！