Comfy by Chef's Stage (東廣場)

營業中

休息中

黑松薯條：粗身薯條，外脆內軟，入面粉粉的。炸得熱辣辣，有唔少芝士同松露碎係面，但又唔油膩。松露醬好香好味👍🏻香草雞燒烤醬薄餅：有菠蘿、洋蔥、雞肉，芝士同蕃茄醬超多，好足料。餅底薄脆香口，食完唔會滯。虎蝦蕃茄汁扁意粉：虎蝦好大隻，冇雪味，肉質結實有口感。意粉吸收晒啲蕃茄汁，好入味但又唔會太腍👍🏻牛油果香蕉奶昔：香蕉味好出，奶昔香滑，可能隻蕉好甜，感覺可以當飯後甜品。紫薯鮮奶：淡淡紫薯味，唔會好甜，感覺冇添加糖，係鮮奶嗰種微甜，健康之選。感覺東廣場好似葵廣或者旺中，有好多地道小店餐廳，但就有啲迫。但呢間餐廳環境好靚有文青feel，闊落舒適。冇限時又有sparkling water自助，唔錯。