我愛伊斯坦堡 (已搬遷) 新店位置

除夕午餐聚會，公司安排到會，以為都係一般 party food，估唔到有驚喜！食土耳其菜！首先送餐唻嘅係兩位好搞笑好nice 的外籍人士，佢怕我地唔識點食，都有細心講解。再睇睇d 食物，好靚好得意呢！有原隻紅黃椒、炸物、沙律、仲有好多隻燒雞！平時食開的炸物不外乎係炸魚、薯條，今次有炸餃子、炸乳酪芝士！好味呀！最搞笑係燒雞！我地三十個人有七隻雞！似乎多咗d 初初個個都懶，冇人想去切開隻雞，後來team lead 親自操剪刀剪埋我地食 好滑好juicy！入面仲有釀飯！有心思！讚！除咗肉食之外，食素嘅同事都照顧到，有green salad、檸汁泡雜菜、西椒釀飯食！個釀飯好有誠意，𥚃面係香草炒飯加提子乾，甜甜地好好味。最得意係d 甜品：土耳其開心果千層酥同土耳其龍鬚糖！兩個都好味！我鍾意龍鬚糖多d！有少少花生醬味，少少脆，同埋食到成口係好有趣！份量好夠！淨番一隻燒雞、兩個紅黃椒，同一盤 green salad, 都有同事認領帶走