南翔饅頭店 (已結業)

星期日同男朋友行行下街正諗緊晚飯食咩好，突然間想食葱油餅同擔擔麵。所以上openrice search附近有咩餐廳，最後揀左呢間米芝蓮推介餐廳。黎到門口，唔算多人，幾個人排緊，所以等左10-15分鐘侍應就帶我地入座喇。坐低睇menu，發現原來係冇葱油餅的，而且所以湯麵亦已售罄，所以係食唔到我最想食既葱油餅同擔擔麵哈哈哈。唔緊要啦，唯有睇下有咩其他好野食啦！:::蘿蔔絲酥餅:::我最愛既食物之一，每次去飲茶，只要間茶樓有，我都1定會點黎食。首先賣相好靚，成隻碟都係乾淨俐落，唔會d碎碎周圍飛又跌晒落黎咁。香噴噴熱辣辣咁，咬落仲外脆內軟，蘿蔔絲清甜夠晒味。最特別既地方係蘿蔔絲中間有d葱粒，顏色吸引d之餘仲陣陣葱香味，忍唔住1口氣食左兩舊！:::上海粗炒:::既然食唔到擔擔麵，唯有退而求其次叫個上海粗炒啦，但結果有點失望。賣相雖然都唔錯，但食落味道真係好麻麻，有d似唔夠鑊氣既感覺，味道係帶甜，有點怪怪的。總之就完全冇一種令人想1啖接1啖食既感覺，不推介。下次有機會再試試呢度既擔擔麵吧！