影片
更多
2024-02-28
1151 瀏覽
講起澳牛想信香港人一定聽過佢個朵，例如點餐要一早諗定，所有野d好快，澳牛哥哥既霸氣態度等等，今次我地都黎親身體驗下首先澳牛條龍長到癲，但係如果你係單數人數，例如1，3個既話，就有機會快人一步，比澳牛哥哥由隊尾叫入去食啦食物基本上人人都係叫茶餐（$52），你只需要諗湯意粉定通粉，炒蛋定煎蛋就得，佢都有其他野食既，但就冇乜見過人嗌，除左甜品既蛋香燉鮮奶或者杏汁燉雞蛋之外，呢個甜品都係佢地既出名食物佢地既枱係比較細，所以會先送上野食，後點餐茶，澳牛哥哥問完我地食咩就好快送上而精彩一刻就係我面前出現😂😂😂 我地搭枱既對面食客話要有野飲邊飲邊食先得，澳牛哥哥幫佢地點餐既時候已經講過一次會之後先幫佢點餐茶，個食客黎左野食又叫多次話要叫野飲，澳牛哥哥當場爆發，都話左冇位擺唔好叫住，食完先叫，個客話唔緊要，照落左先，澳牛哥哥就話，冇位擺呀！你要飲一係你一隻手拎住杯奶茶黎食我即刻沖比你，個客即刻聲都唔敢出，我忍笑忍得幾辛苦🤭講完故仔就講食物啦，佢個牛油方包係多士黎既，鐘意可以叫佢唔好烘，但烘成多士我覺得好食d火腿煎雙蛋我地就轉成炒滑蛋，炒蛋係呢度最好食既野，黎食既話記得改成炒滑蛋，真係夠滑又好味叉燒通粉
首先澳牛條龍長到癲，但係如果你係單數人數，例如1，3個既話，就有機會快人一步，比澳牛哥哥由隊尾叫入去食啦
食物基本上人人都係叫茶餐（$52），你只需要諗湯意粉定通粉，炒蛋定煎蛋就得，佢都有其他野食既，但就冇乜見過人嗌，除左甜品既蛋香燉鮮奶或者杏汁燉雞蛋之外，呢個甜品都係佢地既出名食物
佢地既枱係比較細，所以會先送上野食，後點餐茶，澳牛哥哥問完我地食咩就好快送上
而精彩一刻就係我面前出現😂😂😂 我地搭枱既對面食客話要有野飲邊飲邊食先得，澳牛哥哥幫佢地點餐既時候已經講過一次會之後先幫佢點餐茶，個食客黎左野食又叫多次話要叫野飲，澳牛哥哥當場爆發，都話左冇位擺唔好叫住，食完先叫，個客話唔緊要，照落左先，澳牛哥哥就話，冇位擺呀！你要飲一係你一隻手拎住杯奶茶黎食我即刻沖比你，個客即刻聲都唔敢出，我忍笑忍得幾辛苦🤭
講完故仔就講食物啦，佢個牛油方包係多士黎既，鐘意可以叫佢唔好烘，但烘成多士我覺得好食d
火腿煎雙蛋我地就轉成炒滑蛋，炒蛋係呢度最好食既野，黎食既話記得改成炒滑蛋，真係夠滑又好味
叉燒通粉同意粉我地每人叫左一款，意粉呢個西式野食中式煮法又幾特別，其實兩款粉都一樣整得好食
最後就係佢地既熱奶茶，沖得好正，奶茶夠濃夠滑，兩個字，出色
澳牛比我既感覺唔算差，你只跟跟住澳牛哥哥指示點餐，揀好食咩，食完唔好坐太耐，埋單走人，其實態度唔係想像中咁差，但成個食飯過程既速度就真係好快，野食我覺得係好味，想食好野就自己衡量個環境因素值唔值得一試啦
張貼
