1530
441
262
港鐵佐敦站 C2 出口, 步行約2分鐘
電話號碼
2730 1356
開飯介紹
餐廳以上菜速度快見稱,招牌菜為嫩滑、蛋香四溢的炒蛋。 繼續閱讀
獎項殊榮
最優秀尖沙咀開飯熱店 (2014-15), 最優秀開飯港式茶餐廳 (2008-2016)
營業時間
星期一至三、五至日: 07:30-23:00 星期四及勞工假期休息
付款方式
現金
座位數目
106
其他資料
VIP房
無障礙設施
加一服務費
海景景觀
音樂伴奏
球賽直播
食評 (2480)
卓越食家 2016-09-14
1522 瀏覽
每次路過澳牛,一定會大排長龍至少都有二三十人一直排,排到街尾,旅客又有,上班族又有,所以澳牛從來都不是我食lunch的選擇,因為食飯時間有限,排完好耐隊,入去食又要倒水咁倒落口😅不過有次好難得地見到澳牛竟然無人排隊,入面仲要有空位😳(可能因為黃雨,天雨路滑的關係🤔),所以同事就捉住我入去食😂由於事出突然,所以我和同事入到去的時候,都真係要諗下食咩先🙈雖然澳牛出名快、靚、正,但也因為要快,伙記都出名「惡」,據聞落單要快,食要快,食完就會收晒你d野,想你快d走😂我地口窒窒地落單,因為太少黎食,不過好彩個日幫我落單的伙記心情好,所以即使佢企左係到等我地諗好食咩的時候,都無催我地,可能「惡」伙記只是個別事件👻澳牛有早餐(7:00-12:00)和茶餐(12:00-23:00),和全日供應的快餐我地去個陣係12點,伙記就叫我地叫茶餐啦😂茶餐有牛油餐包、火腿煎雙蛋、叉燒湯意粉、咖啡或茶(凍飲要加$2)原本以為叉燒湯意粉可轉別的餸,如沙嗲牛肉,但原來叉燒係無得轉 只可以轉麵😟所以我就轉左叉燒湯通粉火腿煎雙蛋可轉炒蛋眾所週知澳牛炒蛋出晒名,識食一定係食炒蛋🙈叉燒湯通粉一睇就知湯底都唔簡單,呈金黃色,可能係雞湯?🤔不過味道不重,但都比無味清湯好🙈😂但有點兒失望的是通粉煮得太腍,完全無嚼勁👎🏻只能說店家很貼心地考慮到無牙力的阿婆阿伯都可以食到👏🏻😅可惜我唔係叉燒是半肥瘦,燒得都算入味,但不是蜜味的那種牛油餐包、火腿炒蛋牛油餐包烘得微熱香口,薄薄一層牛油卻散發出香滑的牛油味萬眾期待的火腿炒蛋,果然名不虛傳!雖然火腿只是輕輕汆一汆水但炒蛋確實炒得不錯👍🏻香滑柔軟的口感,蛋味十足😋唯份量不多,只能淺嚐把炒蛋配餐包一起食,也是一種相當搭配的食法呢!餐茶我自己就叫了一杯熱奶茶茶味不濃,奶味比較重,但都算香滑值得一提的是朋友叫了一杯凍檸茶和一杯凍奶茶凍飲要加$2都正常 不過原來size同熱飲差唔多😟仲要有半杯冰😮不過好在凍檸茶檸檬片無偷工減料,都有4塊🙈整體來說,澳牛炒蛋確實值得一試!不過價錢略貴,但唔洗排隊都食得過既🤔但排隊食我就覺得太誇張啦 繼續閱讀
(以上食評乃用戶個人意見 , 並不代表OpenRice之觀點。)
入門食家 2016-09-24
236 瀏覽
波枱上K.O. 了同事明天的早餐後,我以光速溜走。從小就當過班長,我被培訓出對領導者的絕對服從和包容,因而相信局長,在金鐘站多等一班車。士多啤梨蘋果橙!在銅鑼灣月台上,我差點要像基斯坦奴擦花來擺脫自由行客的行李箱。我大方得忘記被局長騙了六班車的時間!「唔該借借!」我大聲並不代表無禮貌地喊了幾次,終於成功離開佐敦站,一個箭步轉入白加士街。「唔係掛?」我花了三十分鐘,從港島走到九龍,因為認為澳牛的黃昏,是一班高登毒巴打胡亂吹噓,我不體驗不心息。眼前所見,澳牛門外竟然無人排隊,我打定輸數,準備在Facebook的Status承認自己才是最毒巴打。既然己經黎到,無論如何我都要體驗澳牛十分鐘三道菜的「光速餐」。畢竟免了排隊到另一街口之苦,輸極有個普。「一位埋邊。」還未開口,伙記沒用半點眼尾說。無錯!一個人在澳牛,只可以坐四份一張枱。兩秒鐘後,同枱另一單丁位被年輕的男客人坐下了。「炒、意、多。」男客人用熟練的澳牛方言道。我用了三秒時候來對照餐廳唯一餐牌,原來是叉燒意粉、炒蛋配多士的意思。「一樣。」為免浪費我寶貴的口水重覆一遍,我臉上裝著漫不驚心地說。在我準備再點一杯熱奶茶之際,伙記已不見踪影十秒之後,兩碗叉意經已奉上。我拿起一隻叉,捲起一口意粉,「殊」一聲放入口中。淋意粉,雞粉湯,薄叉燒,雖然不是特別貨色,但是澳牛一直的味道。我再多吃兩口意粉,好讓伙記可以放下炒蛋多士。「炒蛋多士係咪你?」「傻的嗎?!我係人呀!」我幻想自己是YouTube上在小巴前坐一邊問候司機年紀老邁的娘親、一邊起飛腳的古惑仔。「係呀!唔該!」現實中,我彬彬有禮地回應。我望著金黃帶燶邊的多士,記憶中似乎沒有食過多士,只有軟淋淋既牛油方包,開始擔心自己步入更年期而記憶衰退。我將火腿和炒蛋放在多士之上,放進口中。同枱的男客人把碟上的全部吃光:「散叫多一份炒蛋多士。」我吃完一口又一口,對食從沒什麼要求的我,不覺得味道退步多少。「奶茶係咪你?」伙記用他獨特的語文又問道。「奶茶係劉若英。」我意識到他不是女的,不想浪費我的爛Gag,所以只在心裡想,然後自我感覺良好地沾沾自喜。「係呀!」我用手指打兩個圈示意埋單。正如高登男在澳牛的黃昏所講,老闆娘只會低頭數錢。當我正步出門口之際,兩位拿著旅遊書的內地客跟伙記說要看一下。「這裡不能參觀,要看在門外看。」伙記差點拿起掃把趕客。看一看電話,我只用了九分鐘吃完三道菜的晚餐,而澳牛門外,再次見到食客一字排開。 繼續閱讀
(以上食評乃用戶個人意見 , 並不代表OpenRice之觀點。)
入門食家 2016-09-13
982 瀏覽
今晚OT,回報自己的勤力,趕到去澳牛雖然已經好攰,食慾低迷,見到义燒通粉,立即醒情通粉仲係爽口不糊,仲粒粒有口感湯底香濃,都算清甜义燒好入味,又林得來有趙口加埋杯杏霜,甜而重杏汁味,又滑又潤 繼續閱讀
(以上食評乃用戶個人意見 , 並不代表OpenRice之觀點。)