影片
更多
2022-09-09
2504 瀏覽
中秋節講個恐怖體驗比大家聽吓:下個月我就享中西區返夠13年工呢13年歷史以嚟我都未試過做節食到咁垃圾既餐廳垃圾到不可思議、匪夷所思大家唔駛同我講低處未算低因為我係根據以下三個條件benchmark:1)位於新世界大廈2)美麗華集團旗下餐廳3)$200-400/人均呢間 — 翠亨邨令我同埋一眾同事極之唔開心我唔開心到要冒住比人話西客既風險第一次在openrice貼文去宣洩我既不滿情緒《入座篇》享商場入口搭扶手電梯之前見到有隻大烏蠅飛過當時我望向左手邊幾個餐廳LOGO得餅店、café同埋翠亨邨冇理由西餅店同café有烏蠅卦?唔通翠亨邨飛出嚟? 唔會既, 應該馬路邊飛入去既遮…去到餐廳知客比完張飛我我行咗反方向一大段個知客先同我講行錯帶枱個男人去到張枱度好粗魯咁一路圍住枱行一路拉開D凳張凳爭D撞到我個索女同事OK, 中秋節就快開始忙服務差D我預咗問有冇口罩套, 餐廳本身冇落單前想問清楚D都未講完D問題個阿姐就走咗《上菜篇》一個字: 快!節日忙所以次序亂, 見怪不怪快D食完翻多張枱吖嘛張好細既枱極速就堆滿嘢阿姐仲想上埋個湯“阿姐! 我哋真係好迫啊! 冇位啦”阿姐夾硬推晒D嘢上枱我諗起以前去過灣
下個月我就享中西區返夠13年工
呢13年歷史以嚟
我都未試過做節食到咁垃圾既餐廳
垃圾到不可思議、匪夷所思
大家唔駛同我講低處未算低
因為我係根據以下三個條件benchmark:
1)位於新世界大廈
2)美麗華集團旗下餐廳
3)$200-400/人均
呢間 — 翠亨邨
令我同埋一眾同事極之唔開心
我唔開心到要冒住比人話西客既風險
第一次在openrice貼文
去宣洩我既不滿情緒
《入座篇》
享商場入口搭扶手電梯之前
見到有隻大烏蠅飛過
當時我望向左手邊幾個餐廳LOGO
得餅店、café同埋翠亨邨
冇理由西餅店同café有烏蠅卦?
唔通翠亨邨飛出嚟?
唔會既, 應該馬路邊飛入去既遮…
去到餐廳知客比完張飛我
我行咗反方向一大段個知客先同我講行錯
帶枱個男人去到張枱度好粗魯咁
一路圍住枱行一路拉開D凳
張凳爭D撞到我個索女同事
OK, 中秋節就快開始忙
服務差D我預咗
問有冇口罩套, 餐廳本身冇
落單前想問清楚D
都未講完D問題個阿姐就走咗
《上菜篇》
一個字: 快!
節日忙所以次序亂, 見怪不怪
快D食完翻多張枱吖嘛
張好細既枱極速就堆滿嘢
阿姐仲想上埋個湯
“阿姐! 我哋真係好迫啊! 冇位啦”
阿姐夾硬推晒D嘢上枱
我諗起以前去過灣仔春園街一間好逼既茶餐廳
當時同地盤佬們臂貼臂肩並肩膝撞膝咁食飯
D碟係逼到好似地震帶咁
地面板塊既邊沿係疊住, 冇辦法平放
依家又未至於逼到要打斜D碟
但個速度簡直係要你下一秒食完就躪既程度
(我唔記得咗享最逼嗰陣影咗相
冇得share呢個壯觀場面)
《環境篇》
裝修殘殘舊舊, 樓底好矮
D枱好細, 放得勁密
於是D聲好似環迴立體聲咁
隔離枱幾把雞仔聲十級嘈
我哋完全傾唔到偈
我本人又唔係真係好介意環境呢樣嘢
不過如果間餐廳好難食又貴既話
起碼環境好D你都仲可以安慰吓自己
咁, 唯有寄望D嘢食唔好太差啦
《劣食篇》
可惜我冇估錯, 真係好難食
唔係我吹大咗, 係有相為證
大家應該憑照片都睇得大部份嘢係難食
請原諒我依然要長篇大論咁寫佢點難食
索女同事: 「嘩, 你睇吓! D叉燒靭到咁既!?」
佢用筷子夾起咬咗一啖既叉燒橫切面比我睇
我望望碟燒味拼盤, 有叉燒、乳豬、燒腩仔
內心懷疑D豬係咪比人虐待搞到營養不良
平時通常都係嫌月巴得滯
有幾可會見到瘦過索女同事
你哋睇吓嗰塊蝦餅
唔知點解又係好靭
仲扁到好似得3mm厚度
好似菲籍姐姐煎扒咁
咁高難度到底係點做到?
金磚豆腐一夾就散
真係好勁, 豬冇豬味魚湯冇魚味
招牌炒米粉冇味, D蝦粒又臭臭哋
個牛肋骨上嚟係攤凍咗既溫度
我索性取消咗碟嘢
黑松露蟹肉炒蛋, 我淨係知自己食咗個松露醬
裡面嗰D到底係咩嚟?
佢連蛋都可以難食嗰吓真係無出其右
個海底椰響螺燉瘦肉湯得味精味
《埋單篇》
實在太難食, 我唔敢試個甜品, 驚一啖即棄
隔離嗰枱又太興奮太高音
成餐飯都好辛苦, 不如取消埋個甜品埋單
嗱嗱聲走唔好浪費食物
叫完取消, 等咗一陣佢哋攞嗰4碗燉奶過嚟
我話取消, 嗰4碗嘢出現第二轉
我重申我要取消, 然後侍應轉身隊咗4碗嘢比隔離枱
之後再有個貌似經理既物體又享廚房拎4碗燉奶過嚟講
me「我已經叫咗兩次取消三次埋單等咗成四個字」
我塊面已經燶過佢碟春卷
個經理享我再講嘢之前:「得嘞得嘞!」
做埋手勢制止我講落去
去到呢個地步我只係希望張單冇錯
我可以順利埋單走人
正當眾人乸埋口面等埋單既期間
一隻小烏蠅享我哋面前盤旋降落
似乎, 我享商場入口遇到既烏蠅真係享呢度飛出嚟
最終6個人HK$1,917.3埋單
《總結》
最初見店名時覺得讀落去有D似公屋村
其實幫襯落都店如其名
呢個價位既食店, 附近有紫玉蘭、力寶軒、蘇浙滬、夜上海…
不能盡錄, 千祈唔好8卦嚟呢間
如果你睇完呢篇文都仲過嚟
而又真係中伏既話, 我只能講句抵你死
想食平D, 去統一名都、中信海都、灣仔東海仲開心
要再食貴D? Landmark唐人館同附近有一堆酒店中菜館
睇佢個款, 原本設計menu個人應該有D心思
可惜無論食物、環境、服務、執行、管理都一敗塗地
我唔會話呢間餐廳應該執咗佢
因為我直頭覺得有人炸爛咗間餐廳都唔抵可憐
金粟花枝餅
$68
17 瀏覽
0 讚好
0 留言
乳豬燒味拼盤
$288
23 瀏覽
0 讚好
0 留言
黑松露蟹肉菊花蛋
$268
18 瀏覽
0 讚好
0 留言
張貼
