日本料理とん勝 (已結業)

今日經過赫德道諗緊lunch食咩好, 最後揀左呢間雖不太起眼, 但水準超乎我想像既日本餐廳一入去已經覺得好有日本feel, 好多日本客, 仲有日本人serve添....可惜我唔識日文, 都係搵番個香港人先~!睇住個menu樣樣都想試, 點算好呢?!?! 見佢地sell吉列, 就試左個吉列豬柳加忌廉餅, 本來想叫多啲架, 但又食唔晒....唯有下次搵多啲朋友再試埋啲刺身丼先~! 有靚仔日本魚生師傅呀 (加分加分)講番今餐先, 開頭仲驚會太油, so far又冇乜喎, 可能日本煮法唔同啦....吉列豬柳非常鬆脆, 肉質又軟....食過咁多間吉列都係覺得呢間最好味~!吉列蟹肉忌廉餅咬落又似薯容, 又似芝士, 超CREAMY.....雖然見唔到蟹肉, 但真係有蟹味啵椰菜絲仲可以無限添加, 佢地個芝麻醬超重芝麻味呀!~ 搞到我係咁食菜添.....哈哈埋單果陣, 個日本姐姐蹲喺度喎 嚇得我丫~! 可能日本人唔慣向上望人啦, 哈哈~~臨走果陣差唔多爆場咁濟, 睇嚟下次都要book定位至得....kekee =) 讚呀!~