影片
更多
2024-02-05
469 瀏覽
今日約左大姑媽飲早茶，好耐未試過週日晨早出尖沙嘴飲茶喇。好耐之前嚟過南洋中心呢度，之前好似係百xx宴會廳，原來而家轉左尚苑京滬川菜，好彩都同樣有點心食。打開菜牌見到推介嘅二人餐，有我鍾意食嘅酸菜魚，加埋燻香樟茶鴨、再可以選兩個點心，望落唔錯，又好似幾抵食，就決定點呢個“友誼套餐”。上菜時，侍應仲俾左籠黑糖棗皇糕，細問之下，原來係午市優惠，每個客人都可以有一件。😃🥟萵筍鮮蝦餃：賣相精緻，皮唔算太薄，有小小彈牙；裡邊有1-2隻中蝦，爽口。⚫️黑金流沙包：流沙效果幾勁，要小心咬開；奶黃味香，包身十分軟綿綿。🦆燻香樟茶鴨：查一查資料，這道菜是川菜中有名的傳統菜式，相傳更是慈禧太后喜歡的席上菜之一。這道先蒸後炸的樟茶鴨，皮層顏色較深，有好淡嘅煙燻香味，皮層帶小小脆，肉質軟腍，唔會因多重工序而變得乾身；當中夾雜著軟骨，嘴嚼時更添口感，唔錯。🐠酸菜魚：酸菜金湯非常惹味，淺嚐幾口飲到湯味嘅濃郁但唔會嗆喉。魚片有大件亦有細件，實身而軟滑；酸菜魚不可缺少嘅萵筍同寬粉亦齊備，前者爽口，後者煙韌。黑糖棗皇糕：雖然係免費贈品，但誠意十足。千層糕點，做到煙韌，帶棗香；最欣賞係甜度適中，不嗜甜品嘅大姑媽亦讚不絕口。總
打開菜牌見到推介嘅二人餐，有我鍾意食嘅酸菜魚，加埋燻香樟茶鴨、再可以選兩個點心，望落唔錯，又好似幾抵食，就決定點呢個“友誼套餐”。
上菜時，侍應仲俾左籠黑糖棗皇糕，細問之下，原來係午市優惠，每個客人都可以有一件。😃
🥟萵筍鮮蝦餃：賣相精緻，皮唔算太薄，有小小彈牙；裡邊有1-2隻中蝦，爽口。
⚫️黑金流沙包：流沙效果幾勁，要小心咬開；奶黃味香，包身十分軟綿綿。
🦆燻香樟茶鴨：查一查資料，這道菜是川菜中有名的傳統菜式，相傳更是慈禧太后喜歡的席上菜之一。這道先蒸後炸的樟茶鴨，皮層顏色較深，有好淡嘅煙燻香味，皮層帶小小脆，肉質軟腍，唔會因多重工序而變得乾身；當中夾雜著軟骨，嘴嚼時更添口感，唔錯。
🐠酸菜魚：酸菜金湯非常惹味，淺嚐幾口飲到湯味嘅濃郁但唔會嗆喉。魚片有大件亦有細件，實身而軟滑；酸菜魚不可缺少嘅萵筍同寬粉亦齊備，前者爽口，後者煙韌。
黑糖棗皇糕：雖然係免費贈品，但誠意十足。千層糕點，做到煙韌，帶棗香；最欣賞係甜度適中，不嗜甜品嘅大姑媽亦讚不絕口。
總結：物超所值！！ 份量之多其實三人食也可以；而質素雖未至於頂級，但真心好食。加上位處尖東，呢個價錢，呢個質素，完全值得俾⭐️⭐️⭐️⭐️⭐️
張貼
