Patisserie Tony Wong (已結業)

成日經過都比呢度嘅裝潢吸引住，都好想試吓呢度既甜品，終於有時間滿足下了一坐底未夠一秒已經有人走埋黎講：用餐時間一小時。心諗好似想趕客走甘😅芒果四重奏 $82本來唔係想叫呢一款，但咁岩見到隔離嗰台兩個人都食緊，好似幾好味，所以就叫了。食完四種唔同嘅芒果款式，除咗最尾個拿破崙覺得好食之外，其餘都覺得好一般，完全覺得值呢個價錢。榛子疏乎厘伴雪糕 $72叫呢個嘅原因純粹覺得榛子、疏乎厘唔會難食，放心一點。但結果係見到個賣相以為送錯，甘深色既？實物同照片不一，除咗覺得甜之外唔覺得好食，口感好似塔晒咁，扣分。本身自己對雲呢拿味雪糕覺得好普通平時好少食，但個雪糕意外地得好好味。最後叫咗一杯熱咖啡諗住醒下神，嘩！真係唔方唔醒神啦！因為真係好難飲！就算加上奶加上糖，好耐未飲過咁難飲嘅咖啡！佢應該都算係人生中可以入三甲最難飲嘅咖啡之一。總結來講環境尚算唔錯，但價錢同味道性價比低，冇乜必要都唔會再試。