Patisserie Tony Wong (已結業)

早已聽聞Tony Wong的大名，但仍未試過他的出品. 這次除夕BBQ，順道慶祝2位阿姨的生日，也初次嚐到Tony Wong的蛋糕.Red Rose/ Pink Rose Cake玫瑰造型的蛋糕做得很神似，每片朱古力花瓣拼合而成應該討好不少女士的歡心. 至於味道，就是偏甜，主要是吃朱古力花瓣為主，蛋糕只佔內部少許位置. 如果問我，我會說賣相比味道吸引得多，也可以順便呃Like 囉!

抱住一試的心態去吃，二人去點了三件蛋糕，平均一件40元左右。我們選擇了堂食，當時店內一個客人也沒有這三件蛋糕之中，伯爵茶是較出色，算是有茶味茶香，但也是太甜，也很淋身。總體而言，二人吃了這三件蛋糕後也覺得太甜，也覺得不值得一試，也應該不會再回頭。

朋友結婚，本身想訂蛋糕但發生小插曲訂唔到，當日係沙田兜兜轉轉睇左好多間，最終選擇Tony Wong玫瑰蛋糕，高雅大方！本身睇左龍島、smile、lady m，前兩間蛋糕就無特別，無辦法影相，lady m就太大個，買4件又怕唔夠！其實去到tony wong已經夜晚10:30（無錯我地開夜晚party），雖然仲有好多人，但玫瑰蛋糕得最後一個，前面位小姐正在決定買唔買呢個蛋糕，我見等左好耐，連連店員都比眼神我，我當然要馬上拎credit card買喇！而且，當店員知道我係for bridal shower，即使收左，都即刻問廚房可唔可以幫我寫字！超好！

#HkgoodeatsShatin 在新城市廣場搵地方傾計唔容易，tony wong環境不錯，，食物質素亦不錯，適合坐低傾計👯芒果四重奏(後)($78) 芒果香甜，四款甜品賣相味道俱佳，必食！😋但前面的peach melba($58)卻令人失望，只有裏面的vanilla雪糕較好吃。PS 星期一至四堂食有八折優惠😇味道 ⭐️⭐️⭐️1/2服務 ⭐️環境 ⭐️⭐️⭐️⭐️價錢 ⭐️⭐️⭐️地址: 沙田新城市廣場一期7樓704號

於港式甜品旁有間西式的甜品咖啡廳，裡頭白色為主題的裝潢，感覺較開揚舒適。蛋糕種類繁多，有單點 及套餐，蛋糕有用慕絲，也有水果為主，更有冰的甜品，所以不論外賣或坐吃都是不錯的選擇。之前幫家人跟自己外賣予蛋糕，覺得不錯跟朋友吃完正餐想坐下聊便選擇這裡。這次叫了芒果為誰主題的甜品。從凍的冰沙開始，冰涼及芒果的混了微酸清甜，很開胃。之後拿破倫蛋糕，餅很香脆，混芒果感覺清甜。芒果奶凍則有很重的奶香，而冰沙雪糕則較重的水果酸甜味，因此吃完不會覺得很漲很飽。晚飯後食也沒問題！

好朋友生日，想訂一個有名同特別既生日蛋糕，見到呢朵花好靚，所以就決定訂佢！因為有少少細節唔肯定，所以打去舖頭問左三條好簡短既問題，全程一分鐘都無，但接電話既店員態度非常不耐煩，其實如果忙緊，我願意等佢忙完再答，而唔係「係」、「可以」、「得」配上冷淡無尾音唔耐煩既語氣！去到間舖，同我預期一樣，店員普遍都態度冷淡，之前係openrice睇過食評，所以係預左。蛋糕方面，一拎出黎真係好靚，但呢個靚維持唔到5分鐘，可能室外進食喇，相都未影完最外層既花瓣已經「塔」曬跌曬落黎店員話個盒可以保溫45分鐘，其實由我拎到手到佢塔曬落黎肯定唔超過15分鐘！當然，有10分鐘我係室外，但從盒拎出黎只係5分鐘～味道方面，一早睇左食評，預左唔會好好食果d，花瓣係白朱古力，的確係甜到喊，入面蛋糕好滑，但無咩味，連蛋糕味都無嘜；如果將朱古力同蛋糕分開食係好難食，所以記得要一齊食，咁就中和返d甜味！但整體黎講，除左靚，完全唔值$480.

今天中秋節，本來諗住行下睇下啲蛋糕，卻發現有個應節食品。貓山王流心月餅，$53。咁今日中秋節，就買兩個返屋企應下節啦。外表就真係幾靚了。一拆開盒又真係好大陣榴槤香。可識一刀切下去，外皮是又硬又脆的白朱古力。內裏就一大舊榴槤。流心？唔覺有。最多只能話係軟心，咁榴槤就梗係軟架啦。最關鍵既係，一刀切落去，成個散開。皮還皮，榴槤還榴槤，完全分開。而且食落一啲都唔夾。就算故意將兩樣野放唔一齊食，都係唔夾。失敗。

大前日(28-9-2017 Thur) 係富豪坊食部門老闆TL o既生日飯,食完餐飯就到蛋糕出場時間,可能上年唔夠分o既關係,秘書今年訂o左兩個,一個係壽桃造型,一個係好大個o既芒果拿破崙,今次就人人有份喇,我分到o個份o岩o岩有由芒果肉砌成o既玫瑰花,芒果肉好甜,好正; 酥皮鬆脆,而成個味道都唔太甜,OK o既.兩個蛋糕價錢係$1,600.00,如計埋TL o個份,就每人$32.00OK面

Kyoto Green Tea Delight 甜品杯有齊mochi , panna cotta , black bean , greentea ganache真係好得人歡喜 , 如果唔係有咁多cream就好啦🙈喜歡matcha mochi 既texture夠in un , 奶凍加埋ganache點會冇茶味 , 底層又有我鍾意既丹波黑豆

之前食過， 味道一般。 本身今晚特登去食Lady M, 可惜糕點賣曬。 轉黎到呢間嘢， 叫左pinky sky, 味道超級甜， 好似啲糖唔使錢咁， 除了甜外， 其他咩味都食唔到。 雲尼拿雪糕配心太軟， 等20分鐘左右， ， 雪糕嘅雪櫃味好重， 賣到72蚊一個， oh my god.梳乎厘， 72蚊， 上面有酸橙味嘅棉花糖， 咬開梳乎厘， 有一粒粒嘅橙皮， 好酸。 成個味道完全格格不入， 食左一半， 已經唔想再食…賣相幾好， 可惜味道真係不能接受! 現今， 香港越來越來出色嘅甜品點， 不能做到色香味俱全， 又要賣咁貴嘅價錢， 遲早會被社會淘汰。 深刻嘅教訓， 冇下次!

平時行過都忍吾住望兩眼，因為佢地的signature 玫瑰花蛋糕都很吸睛😍😍估吾到，老公今日竟然買了呢個蛋糕番屋企😝雖然佢鐘意食朱古力，但佢話粉紅色高貴窩心一點，所以就試下啦！蛋糕的造型實在太靚了，靚到好似藝術品咁，吾捨得食呢！玫瑰花瓣用了白朱古力，頗甜的，不過總比用糖膠好😅內層的蛋糕用了我的喜愛raspberry mousse 和strawberry 果肉，酸酸甜甜很開胃。兩口子很快就把它KO 了，滿足！😜

Pastisserie Tony Wong 既芒果拿破崙蛋糕係我既最愛😍。由九龍城店幫襯到沙田分店，芒果拿破崙蛋糕都係必食之選😉。今次買咗兩件蛋糕：Mango Napoleon: 我晏晝買咗蛋糕之後，放咗入雪櫃，隔左幾個鐘頭之後先食。酥皮依然鬆脆😋，中間嘅Custard唔會太甜，而芒果好甜😉Peach Delight（新產品): 外型好靚。蛋糕嘅上層係桃加醋嘅啫喱（內有桃肉）蛋糕嘅下層係由朱古力脆皮包住海綿蛋糕（內有檸檬味果醬）-蛋糕有三種唔同嘅質感（QQ嘅啫喱、軟熟嘅蛋糕同埋脆脆嘅朱古力）。味道就係甜之中帶有少少檸檬味，好味之餘又配合到炎熱嘅夏天。

打開見到上面有啲bing bing睇到真係超級靚。而個蛋糕嘅玫瑰花花瓣雖然係用朱古力做，不過就唔算太甜，食落仲好似有微微嘅士多啤梨朱古力味添。蛋糕係由紅桑子慕絲、草莓果肉忌廉同海綿蛋糕整成，而佢個底就係酥餅底。雖然就話食囉酸酸甜甜咁都真係幾開胃下，不過小編就覺得佢個慕絲真好鬼酸。不過算啦睇佢個樣都知係賣樣㗎啦！性格高唔高小編真係唔評論啦！小編淨係表示有啲失望囉！切開個張圖影得有啲樣衰真係唔好意思。

成日經過都比呢度嘅裝潢吸引住，都好想試吓呢度既甜品，終於有時間滿足下了一坐底未夠一秒已經有人走埋黎講：用餐時間一小時。心諗好似想趕客走甘😅芒果四重奏 $82本來唔係想叫呢一款，但咁岩見到隔離嗰台兩個人都食緊，好似幾好味，所以就叫了。食完四種唔同嘅芒果款式，除咗最尾個拿破崙覺得好食之外，其餘都覺得好一般，完全覺得值呢個價錢。榛子疏乎厘伴雪糕 $72叫呢個嘅原因純粹覺得榛子、疏乎厘唔會難食，放心一點。但結果係見到個賣相以為送錯，甘深色既？實物同照片不一，除咗覺得甜之外唔覺得好食，口感好似塔晒咁，扣分。本身自己對雲呢拿味雪糕覺得好普通平時好少食，但個雪糕意外地得好好味。最後叫咗一杯熱咖啡諗住醒下神，嘩！真係唔方唔醒神啦！因為真係好難飲！就算加上奶加上糖，好耐未飲過咁難飲嘅咖啡！佢應該都算係人生中可以入三甲最難飲嘅咖啡之一。總結來講環境尚算唔錯，但價錢同味道性價比低，冇乜必要都唔會再試。

Tony wong甜點出衆，間中有驚喜新品推出，偶爾三五知己約去品嘗賣相精緻的蛋糕。Ruby Diamond 鑽石形蛋糕, 立體的鑽石造型，深紅色的外殼賣相非常吸引，牛奶朱古力外層，榛子mousse內層，深一層有朱古力海綿蛋糕及大量榛子忌廉，旁邊有金箔既榛子配脆餅底，整體口感細緻柔滑，甜度適中，不甜膩樣子清新夏天的Cara cara 已經吸引，入口味道一樣清新，微酸而易入口並細滑，朱古力餅底入口鬆脆好香 ，口感和味覺都十分滿足。Blueberry tart 濃郁藍莓芝餅新鮮粒粒清甜，配上高質量的果醬，點上金箔更高貴，撻皮鬆脆牛油香，淡淡芝士味使質感更滑溜。水準依舊沒有使人失望，同時屬於貴價甜品，沙田Tony Wong 環境簡單歐式亦舒適，開心食個tea。