閨•家 (美基樓) (已結業)

約左朋友晚上係巴倫紐睇戲，睇戲前食飯就係對面閨家食就最穩陣，之前都食過幾次今次先寫下食評。閨家最大賣點就係個無味精老火湯，每個飯餐都會跟碗細既，不過黎到個湯暖既，似乎保溫做得唔多好喎，湯就真係無味精，料都幾足，但唔多夠甜。蓮藕餅拼豬排飯，基本上我幾次黎都食呢個，蓮藕餅好多蓮藕絲，唔會食落好重粉既感覺，極力推薦，豬排睇過老闆講過佢地係無落鬆肉粉同用梨汁去醃，所以都做到香甜鬆軟，食落的確係咁，飯都軟硬適中，另外仲跟左d蔥油同酸菜黎配豬排食，食到唔同味道。朋友食豬手飯，我無試過唔知咩味，但佢食到好滋味咁應該都唔錯既，蛋係另加既加5蚊。跟餐加12蚊有個油菜，菜心都幾靚幾甜。