威軒酒家 (已結業)

星期六on-duty，即係要返工，仲要出勤去到葵涌，認真，如果唔係兩大亦客亦友既會員公司都係葵涌，一定唔會去呀!!平時真係好少去葵涌，因為覺得隔涉。於是佢地帶左小女子去威軒飲荼，開頭以為係三個人飲，原來係8個人，意思佢間公司要返既同事都落黎一齊飲。其實間酒樓都幾企理，又夠光猛，可惜就有d唔係幾識做，因為佢地連訂枱服務都冇架，一定要親自行落去攞位既八個人點既菜式太繁多，未能盡錄，有d相都唔齊，不過想講果d都有係度。鮑汁鳳爪係班客介紹既，其實我本身鍾意食豉汁蒸鳳爪，因為覺得夠 '淋'同夠入味，係第二d酒樓都有食過鮑汁鳳爪，通常都係個汁夠味，鳳爪冇味又唔 '淋'。但今次唔同，個鮑汁鳳爪係好好食有齊晒鳳爪要好食既元素。凍豆腐又係客介紹既，麻汁蔥花加滑滑豆腐，oishii其他點心不能盡錄，睇下賣相算啦~~~最後來一個甜點，杏仁茶加蜂蜜蛋散，本身呢個又係去茶樓食甜點既絕配，可惜呢度既蛋散太差，一黎唔夠鬆、二來太多峰蜜係上面過甜