唯一雲貴川風味

營業中

休息中

本身住得唔近，但間中都會特登入荃灣食唯一既米線。由於 lunch hour 去食，排隊都係預左。姐姐會先幫我地落單，等我地一入去坐低就有得食。今次叫左中酸辣雞翼尖豬潤米線。雞翼尖最少有六隻，食極都有！而且好林好夠味。而豬潤都有好多，不過疑似整定，硬左少少。湯底好夠辣，酸就唔係好覺，不過自己都唔係太鍾意酸，只係佢冇得揀麻辣，所以都好岩我口味。配料亦都十足，有好多好多酸菜、芽菜等。米線硬度岩岩好。夏天食到出晒汗，大滿足！