唯一雲貴川風味

營業中

休息中

👨🏻‍🍳唯一雲貴川風味 (荃灣)📍荃灣四陂坊14號地舖 「腩肉都系咁好食」 老顧客了，以前排好耐隊，宜家都吾使點排，不過我又吾覺得食物差左😆 其他米線店，好少揀腩肉，呢間系要揀既👍🏻大大塊，調味、肉質，都系唯一先有。以為望落「柴」？😈食落吾柴架😝 不過環境就窄D🙈圓凳，坐得無乜舒服。望落都好似污污糟糟咁🙈同埋餸既選擇都少D🙈所以都系想食腩肉米線先去食，暫時荃灣top1，都系「雲家」😆👍🏻 #唯一雲貴川風味 #腩肉米線 #荃灣米線推介 #香港米線關注組

傍晚大約七點左右到，初初都未見到人龍，過咗十分鐘左右後面已經好多人排。大約等咗十分鐘就入得，店員會預先落單，坐低冇耐就有得食。晚市太多人，店入面太逼，食碗麵都怕整到左右邊同後面嘅人。 我哋叫咗一碗豬潤腩肉小辣同一碗炸醬腩肉小辣，但佢一攞過嚟我哋一望俾啲油嚇親。 之後睇返發現原來腩肉可以走油，建議店員可以喺落單嘅時候提一下，第一次食真係唔知會咁多油。雖然好浪費食物，但真係好怕食咗之後會病。食咗幾啖就頂唔順啲油，啲油好似封住個喉嚨咁😭

不嬲就開重口味風格嘅米線，點解湯底淡咗咁多呢？酸辣完全唔酸，小窩米線冇味，腐竹煮到爛晒完全冇一塊係完整，同之前差好遠，四餸仲要$67一碗，以前覺得值，而家湯底冇味唔會再去😠

由細食到大，雖然冇以前咁好食，但依然都係排長龍，可能真係食佢嘅風味，最後排咗大概10分鐘就入到🥺記得我以前食嘅時候好似冇咁油，依家愈來愈油，之前聽人講原來可以叫走油，今次嚟到就即管試吓😂Ok喎，叫咗一個豬肚米線走油，一個腩肉米線走油，2個都幾好食，好夠熱，冬天食真係暖笠笠🥰講番個湯底，由於走油，起碼唔會食到成口都係油，又有少少酸菜，豬肚同腩肉本身都係辣，所以個湯底都唔會話好清，都會有啲辣，對於鍾意食辣，但又唔食得太辣嘅人嚟講係啱啱好嘅程度🤣米線都夠煙靭😇👍🏻👍🏻今次我食嘅腩肉又唔係好韌，都好易咬得開，而好多好爽口，唔錯唔錯！總評分：🍯🍯🍯🍯（4/5）

幾年前住附近都會耐唔耐去食, 依家去少咗個邊, 咁行過諗住食下回味下, 點知失望咗。去ge時候有d夜,, 有好多料都賣哂。叫咗個3味: 雞, 豆卜同魚蛋,, 得魚蛋我覺得ok。 雞溫溫地, 有d唔夠熱咁。大部份都係骨位,, 同埋可能都係賣淨,, 煮得太耐?? 有dd老有d 柴。豆卜,, 真係得個炸面咁,, 唔好味。。。魚蛋ok ge。 但係個湯好似都無以前咁好味,, 得個辣字,, 唔太香.. 食完有d失望。

講到雲南米線 唔可以唔介紹呢間唯一雲貴川風味呢間雲南米線環境係麻麻地 但係每次去都有人龍排隊 而且佢D炸醬係超級海量咁多岩晒我呢個次次食米線都嗌炸醬食既炸醬控仲有 佢個湯底超級濃郁  每夾一啖米線都充滿住炸醬 而且可以叫阿姐多葱  小店就係咁簡單 另外都見好多食客反映呢間店D米線好油無錯 確實係比較油 所以我通常都嗌走油/小油 阿姐就會自然幫你"筆"走D油架喇老實講 我食親炸醬都一定有好多油 所以我又唔係十分介意 另外佢D腩肉都係值得嗌既 醃得非常入味又唔肥 滿滿的一碗米線只係$5X 食完係絕對大滿足

每次去到荃灣都會想食呢間可能食完頭幾次覺得好驚艷之後再食，又保持唔到水準，就會好失望每次嚟都係叫呢幾樣餸炸醬腩肉雞翼小辣多蔥腩肉肥瘦都均勻雞翼滷味得好出色炸醬正常發揮就係個湯底出事個湯底好似死鹹，冇咗酸辣，啲米線又掛唔到湯汁，食完有種失落感！

見網上吹捧到咁正，去到咁岩唔洗等位，又講到湯低香濃又盛，入到去迫到呀媽都唔認得，又有袋野抽住，見有張櫈多就拎黎放住，點知放左陣佢要返張櫈咁就比返佢啦，我就頂住心口食，碗野又隔到老遠先放到入口。望下周圍，隔離枱有個男人淨係放細袋仔都唔問佢拎！叫左個酸辣雞肉同雲吞。酸菜唔酸。啲芽菜多到食唔到米線再加上啲肉碎多到掛曬係你啲芽菜每一吋，雲吞離曬譜，又係得肉碎，冇餡..個皮仲厚過我面皮。雞肉連評都嘥氣成碗食曬都唔知食左啲乜 好空虛。仲要咁差貴…最後，唯有再去食野🥲

行山前黎左呢度食lunch假日十二點左右唔洗排隊但食完見到已經開始要排隊叫左腩肉+爆汁豬肉丸酸辣米線小酸bb辣啊姐話肉碎已經有d辣個腩肉份量幾多同埋每一塊都幾大塊唔係碎濕濕既腩肉食落味道都幾好食但個爆汁丸冇爆汁，肉質好鬆散下次唔會再點呢個米線質地順滑q彈口感幾好

今晚去試吓呢間媒體及網路紅人推薦嘅荃灣必食米線⋯⋯⋯⋯⋯後悔⋯⋯⋯後悔⋯⋯⋯⋯排隊都算快，期間有個丫嬸幫你落單先一入到去圓枱坐6個人🙄🙄🙄我老公叫左雞亦、豬腸、貢丸 麻辣小辣（佢話不值一提唔會食第二次）🙄我叫左朱紅、豬膶、腩肉 麻辣中辣碗野一到先剿清楚D餸齊唔齊第一啖試湯⋯唔辣超油超油😵‍💫😵‍💫好似一碗垃圾倒埋一齊甘🙈淨睇塊豬膶就知賴嘢😒硬過我條命🥴🥴朱紅都算滑（唯一）腩肉鞋兼硬😵😵😵真係真心普通到唔食都唔可惜嘅米線舖－定唔會再食囉😵😵😵

隔左一排冇食米線，之後總會嚟雲貴川報到，過左2點來都仲要等一等， 但佢turnover rate好快，係門口落定單，等左3分鐘就有位，坐低叫多支豆漿，米線就到 - 食得。 我點左酸辣+豬肚+豬脷+腩肉，美味依然。其實我不嬲麻麻地佢地既腩肉，因為太瘦，一時唔記得就點左。但其他好似豬肚豬脷就好好食，好夠味，每次來都必點。但係唔知係咪點太多餸既關係，覺得米線反而偏少。睇到有d食評覺得雲貴川多油重味唔夠光鮮亮麗，要知道每間店都有其特色， 而正正呢d可能就係其他食客鍾意佢既地方。經典老店， 重口味，熟悉既味道同環境，我like喎👍

一向都知道荃灣有間好出名嘅米線，成日上米線關注組。我本身都係鍾意食米線嘅人，但係無奈住得遠。搵咗一日扚起心肝山長水遠過嚟覓食。當時到達嘅時間係4:30左右非繁忙時間，所以唔使排隊。一入到去員工都好熱情問我哋係咪第一次食，仲推薦熱門米線俾我哋。我叫咗個腩肉米線小辣首先個湯底係有啲失望嘅，淨係食得出辣味同埋花生醬味，但係期望嘅酸味一啲都食唔出，即使佢有咗酸菜喺上面，但係都稱不上為酸辣。個腩肉就不過不失，食落似係冇醃過，所以會有少少豬肉嘅腥味，但係以40幾蚊嚟講份量幾大、幾抵食不過山長水遠特登入嚟朝聖就真係一啲都唔值得，有啲失望

I rarely visit Tsuen Wan but knew that this place is renowned for its mixian so we decided to come and give it a try. Arriving at 4pm, there was no queue and we could walk straight in. Staff was welcoming and super friendly. She asked us if we have been here before. We answered no and she started to introduce us their signature mixian and suggest us the level of spiciness that we should choose. I finally ordered the signature pork belly mixian and requested mild spicy. It came with spring onions

📍唯一雲貴川風味 (荃灣)Yunnan Guizhou & Sichuan Noodle荃灣四陂坊14號地舖G/F, 13 Sze Pei Square,Tsuen Wan我朋友知我鍾意食米線 成日叫我試…🙄條人龍使唔使咁誇張最後我決定買返公司食我嗌左酸辣四味米線(有肉碎底 酸菜 芽菜)-中辣多酸走芽菜望落好似好辣🥶啲辣油好似唔駛錢咁講真嘅辣得唔夠香 一啖米線😰一啖辣油😰-雞翼不錯-豬潤 一啲都唔爽嫰 勁鞋口😅-豬紅唔錯 夠嫰滑-醬爆丸 猪肉醬汁內餡 爽口彈牙 味道不錯唔算出色 我應該唔會再食了…因為實在太太太太多油🥶

喺香港米線關注組知道有呢間米線，好多人讚好，最近搬咗過嚟荃灣，終於都搵到機會嚟試吓～（幸好唔駛排隊等位）朋友叫咗個酸辣腩肉腐竹米線，我諗唔到食咩之下聽到另一個客好熟練咁叫「酸辣腩肉豬腸米線」～決定照跟！我食咗第一啖之後個腦有好多想法⋯就係⋯⋯點解咁難食嘅？點解咁多人排隊？米線個質感係我從來未食過咁難食嘅質感⋯我朋友嗰碗佢形容為好似喺垃圾桶撈翻上嚟俾人食咁樣⋯⋯酸菜食唔到酸菜味 酸辣但係又唔辣（朋友唔係好食得辣但佢都講～點解唔辣嘅？）佢準備嚟解辣嘅支裝茶成支無飲過～成碗麵就喺「好似辣油其實唔辣嘅厚厚一層油」裏面夾啲米線上嚟食咁樣⋯⋯真係無下次，食食下又要起身俾人出嚟（都唔緊要）坐低繼續食一陣又要起身俾佢執枱⋯⋯兜匙羹無蓋就咁放喺枱中間，湯汁、傾偈啲口水都隨時污染到啲餐具⋯對於咁多人讚好 又話必食 到底有幾多人真係食過覺得真係好食？米線好難煮得難食，但咁難佢都做到，係叻嘅⋯⋯