唯一雲貴川風味

營業中

休息中

現時食雲南米線大把選擇，而且連鎖店遍佈十九區。好處係一式一樣，唔好處都係一式一樣。所以呢間第一代雲南米線長龍店依然日夜爆滿。       舖頭細而無裝修，隱藏於四坡坊一角，識窿路先會嚟幫襯。附近長期有雲南米線舖競爭，甚至開正喺隔籬，但市場好現實，優勝劣敗，歷年來都只有呢間舖長期有人龍。       炸醬腩肉豬腸米線($40)        濃味油膩熱騰騰係傳統雲南米線嘅特色，加上炸醬肉碎，而且灑上大量葱花，隔遠都聞到香味四溢。米線腩肉都係一般貨色，但一配合湯底即時脫胎換骨！闊別廿年，小店依舊簡陋，服務粗豪，美味依然！希望時代進步，舊區重建下，街坊老店仍有生存空間，保持一種叫情懷嘅味道。