Sense Cafe (已搬遷) 新店位置

星期六特登走去佐敦畫畫，畫完之後好肚餓，朋友想食意粉，我地就搵到呢一間Cafe。時間係一點幾， lunch Time ,呢間野都有九成滿人，我哋搵到兩個位就即刻坐低左。我嗌左個素食全日早餐，仲有一杯熱嘅熱情果茶。雖然係素食，食完之後飽到四點幾咁梗係啦一上枱，就見到成個碟都堆滿晒嘢食。全部嘢食嘅調味都好夠，唯獨是有一堆沙律菜，汁唔係好夠，我又唔係特別鍾意食沙律菜下一次一定叫佢轉走佢，一係唔好上沙律菜。要特別讚一讚個熱熱情果茶，唔記得左影相添。熱情果茶好有熱情果味，仲有啲水果係入邊，芒果好甜呀唔知係邊個發明水果茶架呢，真係好正。食完好飽，原本想食甜品都無胃了。