影片
更多
2012-08-02
70 瀏覽
係旺角悶悶地，唔知食乜好... 於西洋菜街遍地易拉架中，選了這間較有特式的土耳其菜，即管碰碰運氣吧！“餐廳” 格局其實有D 怪... 唔似餐廳，亦唔似私房菜，因為一眼望晒，小小的房間擠滿枱，枱同枱之間距離又好近... 冇乜私人空間.. 但係咁都坐滿人，應該好食掛... 當我地係門口踟躕，埋首廚房的外藉廚師見到我地，立即上前幫我地安排座位，咁好人，就試吓啦！被安排坐係左邊的二人枱，跟右邊的長枱距離遠一點，昏黃的燈光下，感覺蠻不錯。是夜菜單：土耳其沙律 （送嘅）用料新鮮！廚師即切夠晒 Fresh！仲有我最愛的生蒜！正！香草乳酪雞估唔到呢個咁好味！少少辣，帶有乳酪的清新味道，酸酸甜甜，送飯送薄餅都一流！我地刮到隻碟乾乾淨淨，一滴汁都冇！香草雪花牛排串燒烤牛肉粒一向係我嘅至愛，而呢道菜亦好岩我胃口！嫩滑彈牙！除咗件牛，D配菜都好好味，朋友唔食洋葱都照食可也！我最鍾意件蕃茄，好juicy！咬落去滿口幸褔感覺。米飯布丁好似超杰身的甜粥仔，甜咗少少，不過我都接受到，細細杯，食食吓其實都OK。土耳其咖啡廚師用一個火鍋 gas 爐加上土耳其器具去煮咖啡，好搞笑！佢煮嘅時候會問你要幾甜。杯咖啡好似expr
“餐廳” 格局其實有D 怪... 唔似餐廳，亦唔似私房菜，因為一眼望晒，小小的房間擠滿枱，枱同枱之間距離又好近... 冇乜私人空間.. 但係咁都坐滿人，應該好食掛... 當我地係門口踟躕，埋首廚房的外藉廚師見到我地，立即上前幫我地安排座位，咁好人，就試吓啦！
被安排坐係左邊的二人枱，跟右邊的長枱距離遠一點，昏黃的燈光下，感覺蠻不錯。
是夜菜單：
土耳其沙律 （送嘅）
用料新鮮！廚師即切夠晒 Fresh！仲有我最愛的生蒜！正！香草乳酪雞
估唔到呢個咁好味！少少辣，帶有乳酪的清新味道，酸酸甜甜，送飯送薄餅都一流！我地刮到隻碟乾乾淨淨，一滴汁都冇！
香草雪花牛排串燒
烤牛肉粒一向係我嘅至愛，而呢道菜亦好岩我胃口！嫩滑彈牙！除咗件牛，D配菜都好好味，朋友唔食洋葱都照食可也！我最鍾意件蕃茄，好juicy！咬落去滿口幸褔感覺。米飯布丁
好似超杰身的甜粥仔，甜咗少少，不過我都接受到，細細杯，食食吓其實都OK。
土耳其咖啡
廚師用一個火鍋 gas 爐加上土耳其器具去煮咖啡，好搞笑！佢煮嘅時候會問你要幾甜。杯咖啡好似expresso 咁細杯，唔洗加奶，一向喜愛重奶味咖啡的我初初飲唔慣，但係dap dap吓又幾唔錯，甘、香、厚身（因為佢地唔會隔走D 咖啡粉，飲到最底就會淨番D好幼滑既咖啡粉末）
成晚得廚師一個人走唻走去，冇其他人幫手，後來同佢傾計先知原來係老闆！來自土耳其的！好地道啊！老闆都幾得意幾好傾。食物整體唔錯，如果環境舒服D應該會更好！有機會會再唻試埋其他菜式。
張貼
