高橋拉麵

營業中

休息中

之前商場見圍板好耐，一直好期待。喺日本食過，燒飛魚嘅味道真係好特別，雖然唔係人人接受到，但係好啱我口味呢幾日天氣好凍，咁啱經過見到佢開張即刻衝入去食返碗。Menu主要有三種類拉麵，包括：燒飛魚鹽味湯底、背脂醬油拉麵燒飛魚沾麵和燒飛魚沾麵，仲有香港限定嘅燒飛魚味噌拉麵和燒飛魚辛味噌拉麵。全店免加一，仲可加錢可配套餐會有餃子沙律等小食和飲品，CP值都算可以。我Order咗個燒飛魚鹽味拉麵，湯底有浸焦香味，個麵條偏粗，聽講落鍋直前由店員搓揉成曲麵，令麵條更容易掛湯。個湯係用咗豬骨雞骨燒飛魚同小魚乾熬製，的確好濃郁，只可以講鍾意燒飛魚嘅人一定會好鍾意，如果平時鍾意食魚介湯底拉麵嘅一定要試吓。