好芝味甜品店 (已結業)

見到坐到出門口仲要等位，不過望落去就好似一般過一般，但就有好多介紹，於是就試下。入到去好細，只得一個樓面，好忙，都吾得閒落單，我地睇左一陣menu，見到個樓面得閒小小先敢叫佢寫野，佢好快就同我地落完單，不過就等左好耐都未有野食，好似人手非常不足。等到了，先來的是同事的楊枝甘露，望落好滿，裡面仲好多料，同事食左只系話ok，冇講其他野，我諗好食哇，起碼佢最終都食得曬。另外一個同事個翡翠明珠就好大碗，滿到瀉，好多生果同芒果汁，裡面d材料仲好似幾豐富，佢就話好味，大西米夠彈牙，組合好清甜吾錯。哈哈我個放最後，比較西式我木糠布甸，細細杯，不過就幾靚幾吸引，食落去芝士味濃而且滑，加埋木糠一齊食味道吾錯。難怪咁偏僻都會有人等位啦！不過人手真系好吾夠，等位，等落單仲要等出餐，好似有d問題囉。