影片
更多
2022-11-09
1032 瀏覽
近日食得最多係乜？一定係大閘蟹！不過除了大閘蟹，就連肉蟹、膏蟹自己都鍾意食，但係又懶，拆蟹最多一隻起，兩隻止，最好就有人代勞。今次銅鑼灣富豪金殿推出［秋饗•百味］，內有著多款對應秋天的菜色，更加有不少蟹類，若然閣下係蟹迷，就一定食指大動。膏蟹肉蟹籽伴米飯*Mud Crab Meat and Roe served with Rice"（$1,388）賣相絕對澎湃，原隻超大膏蟹以牛油蒜蓉炒香，而置底是日本珍珠米，蘸上了蟹汁後，每口都是精華所在，心思思想食？不過要三日前預訂啊！三黃雞釀黑松露羊肚菌八寶飯*Three Yellow Chicken Stuffed with Black Truffle and Morel Rice*（$888）視覺效果一流，以半透明木盒奉客，烤肉至香脆的法國三黃雞足有1.5公斤重，內裡釀了黑松露羊肚菌及八寶飯，經過釀雞、炸香、風乾及炒飯等多重工序，令到每口都充滿層次，豐富到一個點，尤其是飯粒吸收了雞汁的精華，又有黑松露的香氣，必食。花膠燴24個月西班牙黑毛豬肉火腿Stewed Fish Maw with Iberico Ham (24 Months)（$288）
近日食得最多係乜？一定係大閘蟹！不過除了大閘蟹，就連肉蟹、膏蟹自己都鍾意食，但係又懶，拆蟹最多一隻起，兩隻止，最好就有人代勞。
今次銅鑼灣富豪金殿推出［秋饗•百味］，內有著多款對應秋天的菜色，更加有不少蟹類，若然閣下係蟹迷，就一定食指大動。
膏蟹肉蟹籽伴米飯*Mud Crab Meat and Roe served with Rice"（$1,388）
賣相絕對澎湃，原隻超大膏蟹以牛油蒜蓉炒香，而置底是日本珍珠米，蘸上了蟹汁後，每口都是精華所在，心思思想食？不過要三日前預訂啊！
三黃雞釀黑松露羊肚菌八寶飯*Three Yellow Chicken Stuffed with Black Truffle and Morel Rice*（$888）
視覺效果一流，以半透明木盒奉客，烤肉至香脆的法國三黃雞足有1.5公斤重，內裡釀了黑松露羊肚菌及八寶飯，經過釀雞、炸香、風乾及炒飯等多重工序，令到每口都充滿層次，豐富到一個點，尤其是飯粒吸收了雞汁的精華，又有黑松露的香氣，必食。
花膠燴24個月西班牙黑毛豬肉火腿Stewed Fish Maw with Iberico Ham (24 Months)（$288）
原片厚肉花膠，泡浸三天後，以龍蝦汁燴至軟腍入味，伴以咸香的西班牙黑毛豬火腿，盡顯貴氣，花膠的骨膠原對身體又滋補，沾上了龍蝦汁食更可口。
香煎櫻花蝦黑豚肉餅Pan-fried Kurobuta Pork Cake with Sakura Shrimp（$288）
一道曾獲香港旅遊發展局的［美食之最大賞］肉質鬆軟自然，加入鱆魚、冬菇及馬碲粒令口感更佳，兩邊煎至微焦，多了一份焦香，而櫻花蝦令簡單的賣相增色亦多了香氣，真係好啱送飯。
古法鳳梨咕嚕肉Authentic Sweet and Sour Pork（$288）
畢竟係酒店中菜廳，坊間太多食肆有咕嚕肉提供，點都要別出心裁，花些少心思，大廚把腩肉切片後再卷起，質感依然鬆軟，個人覺得可以係中間位加入一小片金華火腿，令味道及口感上增添變化，菠蘿用上新鮮貨，有誠意。
八寶素菜粒脆脆Stir-fried Eight Treasure Vegetables（$238）
腰果、芥蘭、甘筍、馬碲、白果、冬菇、菜甫、露筍、粟米、唐豆及彩椒，除了腰果是原粒外，其他食材都切得細碎，為求口感，的確花了不少時間，而且在色彩上有豐富的視覺效果，清清地又幾好喎！
滷水和牛脷Marinated Ox Tongue Cube（$138）
賣相平實簡單，用上和牛脷的邊位，但食味卻是出奇地好，軟腍的口感，滷得入味而不嗆喉，牛味濃郁，已很久沒吃過如此單純而不花巧的味道，超鍾意。
醉香鮑魚Drunken Abalone
$68 (每隻 per piece)
台灣九孔鮑魚足有半隻手掌大小，廚師細心地先把所有內臟清除，再係底部花，令酒香更加滲入，而不會留於表面，口感煙韌，不錯。
甜品
西米蓮蓉布甸
加入了西式焦糖燉蛋的元素，質感滑溜，略嫌表層未夠焦香。
蛋散即叫即炸，色澤是淡雅的黃色，火喉控制得相當好，入口鬆化，澆上蜜糖後美味度加分。
紅豆沙聽說是老板最愛的甜品，表面看似平平無奇，但在原粒的紅豆下，一咬竟然是起沙，甜度又恰好，水準好高。
黑松露巴斯克芝士蛋糕（$238）半磅裝份量啱啱好夠一家四口享用，表面烤至焦香，切開睇睇，內裡有松露菌，與芝士的香氣及質感，絲毫沒有違和的感覺，口感豐腴綿滑，最好配返杯香濃的伯爵茶。
不過好幾款菜色都要花時間準備，部分菜色更要於三天前預訂，否則就只好得個睇字。
張貼
