Be Leaf

營業中

休息中

次次等巴士見到呢一間嘅裝修都好靚，今日同朋友就去試吓呢間位喺觀塘嘅西餐廳。對面啲裝修好少女心，拍拖影相一流！香煎牛小排紅咖哩意大利飯啲牛排煎得啱啱好大概六成，肉質嫩滑，而且都有好多舊。 再加埋咖哩嘅香料，味道濃郁個人認為比較香辣，令人食完就想再食，食辣嘅朋友一定好鍾意！香酥魷魚泰式柚子沙律魷魚炸得香脆，魷魚嘅調味都唔錯，而且唔會炸到好乾。醬汁方面佢係用泰式辣醬，辣辣地酸酸地好似平時食生蝦嗰個味道好開胃，同埋柚子嘅清新酸甜味道更加豐富啲！蜜糖洛神花茶蜜糖味唔會好重，仲主動幫你加熱水！ 酸酸美味非常開胃，食完嘢飲亦都好解膩。宇冶抹茶鮮奶暖暖地嘅味道好適合飯後飲用，宇冶抹茶鮮奶濃郁嘅抹茶味同鮮奶嘅滑順口，而且一上枱見到個拉花即刻加晒分。 😍法式焦糖卡士達梳乎厘班戟上網見到好多人去呢一間都食疏乎厘，所以同朋友都試吓先 。成個疏乎厘內膽非常綿同軟林林！醬汁唔會太過甜，少少焦糖味配合淡淡卡士達。再加上疏乎厘本身蛋香濃郁，所以配合埋醬汁唔會太搶大家嘅味！總括嚟講，呢間西餐廳唔單止環境靚靚，味道唔錯，款式都多。幾適合同朋友嚟聚一聚。