Be Leaf

營業中

休息中

入到這間餐廳， 已經有一種 心曠神怡的感覺，佈置有特色，坐得非常舒服。 這間餐廳食物非常高質 ，先講一講餐湯 ，南瓜湯配以少少奶油，味道非常濃旭甘甜，奶油味不太重 ，配以自家製的麵包， 是一個不可多得的頭盤。 主菜方面，我叫了 一度香煎新鮮鱸魚配意式油浸甜椒 ，我很喜歡這個配搭， 鱸魚真的非常新鮮 ，一點腥味也沒有， 甜椒煮得不太熟也不太生， 橄欖油亦很香，使人食過返尋味。 除了鱸魚外，餐廳的招牌菜有香蒜欖油大蝦意大利麵及意式紅酒燴牛三寶配珍珠飯，也是很多人的心頭好。 甜品方便 ，必須一提的就是梳乎厘 ，特別推介經典提拉米蘇梳乎厘班戟 ， 這個甜品很特別 ，tiramisui 的味道很出，而梳乎厘味道不太甜 ， 是享受甜品的極致， 最後配以一個咖啡加手工餅乾， 簡直是完美的享受 。這間餐廳有很多特別的小食，如薯條配松露蛋黃醬，邪惡四重芝士焗薯條，鵝肝半焦糖蘋果多士等。 由餐湯 ，主菜，甜品，小食到飲品， 都讓人感受到這間餐廳對食物製作的認真 ，我本人高度推介。

同朋友幫襯呢間人氣打咭店，食物嘅擺設的確係精緻嘅，味道就一般啦，未至於好出色。但主要想評論一下reception嗰位阿姐。 入到去餐廳我禮貌地同佢講我個電話號碼，話已經預約咗，見佢望住個list冇乜反應，我補多句話我喺OpenRice book嘅，個阿姐串我，「你講電話Number得㗎啦，我搵都要時間㗎？」 心諗咁串嘅，我都係講多句等你容易啲搵啫，跟住我就梗係忍唔住串番佢啦，我話「我冇催你喎」。 去到點餐食嘢嘅過程都OK嘅，表示其他店員其實冇問題，有問題嘅由始至終都係reception嗰位阿姐。 埋單嘅時候又出事啦，呢間餐廳係需要自己拎張單去reception埋單嘅，個阿姐print張單出嚟，咁作為客人正常都會對下單望吓有冇計錯數啦，此刻個阿姐好唔耐煩咁話「張單一陣都俾你㗎喇，你返屋企慢慢睇啦，咁你用咩payment俾錢啊？ 」 well！ 佢係咁催我俾錢，即係連望吓張單都唔得？有冇咁趕呀？ 今時今日咁嘅服務態度？唔怪之啲人全部不想消費啦！ 我又駁返佢啦：「咁個客俾錢之前對下單都好正常啫？ 你係咁催我做乜啫？」 最後都係嗱嗱聲俾埋錢走人，冇下次。大家如果想嚟嘅就諗諗啦，希望大家唔會遇

出觀塘交收就諗住食埋野先番去，平時經過都見到Be Leaf裝飾得好靚，見到佢換咗聖誕裝飾好靚啊～又可以打卡～入到餐廳已經聽到播緊聖誕歌～好有氣氛！。好耐無食過All Day Breakfast啦！睇個名就知道唔簡單【Be Leaf 非凡全日早餐】有前菜、湯同飲品都係包嘅～。前菜：有啲蘿蔔絲海蜇絲木耳絲同海帶絲，加上麻油，好開胃，而且有咬口～呢啲平時好少食到，而且自己又唔會整，正～。餐湯：正常西湯，飲得出濃縮嘅菇菌味。主菜：好足料！一定食得飽，入面有扒茄（大大舊半隻煎左嘅蕃茄）、沙律菜（撈左沙律醋，仲有蕃茄仔）、煙三文魚、牛角包（呢個牛角包好好食，食得出入面嘅酥皮！推薦）、薯餅（嚟到係炸薯角配忌廉，好過食薯餅～）、太陽蛋、香草腸、菠蘿串（好甜，一串上方便食）。飲品有勁多選擇！最後叫左杯【鹽漬櫻花柚子梳打】真係好靚，粉紅色嘅櫻花係面頭～飲到好香嘅花味，鹽漬咸咸地～又有柚子蜜嘅甜味！好特別～而且近期唔鐘意飲咁甜嘅嘢，呢杯梳打就啱曬我～！。依家仲有限定聖誕甜品可以加，當然要試吓，見到個名同張相就好想試哈哈【情迷聖誕夜-法式焦糖椰子肉桂撻】平時我唔會特別揀肉桂味嘅嘢食，但呢個真心唔錯！上面唧左c

再訪這間裡裡外外都十分適合打卡的峇里風餐廳。個人覺得這家餐廳以沙律和梳乎厘班戟最靠得住，試過這兩類食物的不同款式也不曾中伏。水牛芝士巴馬火腿無花果沙律賣相美觀，食材新鮮。香煎牛小排紅咖哩意大利飯，意大利飯香濃綿滑，惜偏辣。辣度屬中等，只合嗜辣者。自家製焦糖餅咖啡，朋友說美味。凍飲grapefruit summer soda美味，色彩繽紛、賣相吸引。甜品法式焦糖卡士達梳乎厘班戟，由餐廳以自家食譜製作，既鬆軟又富空氣感，超級美味！

不時經過Be Leaf，都會被餐廳木系裝修吸引🪵環境舒適且雅緻。臨近聖誕節，餐廳的裝飾充滿聖誕氣氛，為餐廳營造了一種溫馨的節慶氛圍🎄✪ 香煎北海道刺身帶子黑蒜黑松露野菌忌廉意大利飯福袋 ⌫這道菜以腐皮包裹成福袋的形狀，給人視覺上的驚喜。刺身帶子經過香煎，外層焦香，內部鮮嫩多汁。黑松露野菌忌廉帶來了濃郁的風味。意大利飯口感偏軟身。✪ 泰式鮮柚子三文魚刺身亞支竹沙律 ⌫這道亞支竹沙拉帶有泰式風味，清新爽口。新鮮的三文魚刺身與柚子的酸甜味道相互襯托，非常開胃。✪ be leaf小食拼盤 ⌫這個小食拼盤包括了脆炸雞翼、洋蔥圈、魷魚酥、炸蝦。脆炸雞翼外酥內嫩。洋蔥圈酥脆。魷魚酥口感彈牙。✪ 聖誕好夠薑 ⌫充滿聖誕氣氛的飲品。薑汁鮮奶味道好香，表層加上肉桂粉。飲完好溫暖。【 Be Leaf 】觀塘敬業街55號皇廷廣場地下2號舖唔知點解食評無上載到，重新上載📱

觀塘邊陲冇咁多人，有一日經過呢間cafe已經比佢裝潢吸引，樓底又高，最近終於試左了。菜式名字已經非常吸引，每一道菜都令我好深刻，真係色香味俱全。食材嘅配搭顯出廚師的心思。香煎法國鵝肝伴焦糖蘋果鵝肝非常厚，燒得十分香，加上焦糖同生果，以前菜嚟講真係完美。夢幻粉紅海鮮澳洲沙律賣相真係好夢幻，初時嚟到以為係雪榚！外型真係好有創意，薯蓉以粉紅色顏色登場，上面有魷魚同蟹籽，再加上雪榚筒嘅餅乾，味道層次分明。香煎北海道帶子黑松露意大利飯福袋意大利飯以福袋亮相真係第一次見，帶子十分新鮮，加上佢入面加左黑蒜油，令成個飯嘅鮮味更提升！最後選左兩杯熱飲，飲完暖笠笠。聖誕好夠薑陳皮洛神花茶

Main Dishes：1️⃣自家製椒香胡麻醬手撕雞肉配意式包 配薯條手撕雞肉 口感 滑口，椒香胡麻醬 唔辣、味道開胃。手撕雞肉 下邊有幾多沙律菜、青瓜、洋蔥，mixed 得好味。而意式包配牛油 焗得好香口。2️⃣香煎新鮮鱸魚柳 配意式由浸甜椒鱸魚柳 煎得好香脆，連唔多食魚嘅朋友都話好香口，魚肉冇腥味。配菜（擳瓜、三色椒、雞肶菇）鮮甜、fresh。南瓜蓉鮮甜，配 nuts 碎，將口感提昇Dessert：3️⃣夢幻戀曲梳乎厘班戟 口感輕盈軟熟，面頭滿士多啤梨醬，伴碟 有好多焦糖脆脆、同士多啤梨，好滿足Drinks：4️⃣Hot Deluxe Chocolate：香濃朱古力味，口感 rich5️⃣熱 熱帶水果綠茶：綠茶底，再浸出熱情果味，唔错🔸東南亞峉里裝修風格，感覺chill、舒適、座位寬敞🔸戶外有 2張 4人檯 及 4張 2人檯🔸pet friendly

❤️❤️今日去出名打卡勝地-BE LEAF，果然名不虛傳，連門口都佈置得美輪美奐！🌟🌟越式生牛肉牛骨湯手制蒟蒻闊麵，牛骨湯底清甜而不油，生牛肉切成薄切小塊，一口一塊，粉嫩，滑而有牛味，手制蒟蒻麵健康味美，口感輕盈，麵條容易吸附湯汁，吃起來十分美味😋🌟🌟招牌和風蒲燒鰻魚炒飯，炒飯配原條肥美鰻魚心，表面淋上醬汁，炒飯夠濕潤而且粒粒分明，極度推介嘅主食。⭐️⭐️提拉米蘇梳乎厘班㦸，空氣感強，入口即化嘅超軟，班戟上面淋上可可粉和朱古力片，非常豐富。⭐️⭐️薑蜜紅茶喺今日天氣寒冷的日子，給點暖意。⭐️⭐️朱古力咖啡，香氣四溢，香滑的朱古力配搭特濃咖啡，味道令人一試難忘。

今日係觀塘見完客早左收工，同事係附近行既時候發現左呢間餐廳，外面睇落去幾靚下所以諗住入去坐下食少少野、飲杯野。一入去啲侍應就已經提我地有最低消費每位HK$150同埋限時90分鐘。我地望左眼Menu基本上一人一杯飲品加甜品就已經meet到，所以就照入去試下呢間餐廳白桃火龍果 & 士多啤梨牛油果smoothiesSmoothies個配搭都唔錯，幾好飲白酒牛油煮魷魚伴香辣茄子醬 本身上黎賣相麻麻，點知食落辣辣又幾開胃好味黑糖麻糬泰奶茶牛角包窩夫難得有泰奶茶x麻糬味道，呢種配搭一定唔會出事

在繁忙的城市中，找到一個能夠擁有寧靜綠意和美食的餐廳是一種享受。Be leaf 餐廳提供了一個迷人的環境，讓大人們可以在舒適的氛圍中品嚐美食。這家餐廳的裝潢簡約而現代，以木質元素和植物為主，營造出一種自然與放鬆的感覺。在這裡，收費價格合理，提供高品質的食物和服務。小食：香烤泰式炭燒豬頸肉這道菜以新鮮的豬頸肉為主，經過特殊的炭燒方式烤製而成。豬頸肉肥瘦適中，咬下去口感鮮嫩多汁，肉質十分鮮美。它配上泰式獨特的香料和醬汁，帶有微妙的辣味和香氣。小食：蒜香牛油蟶子拼蒜香包這道菜結合了鮮嫩的蟶子和香蒜牛油，味道豐富而濃郁。蟶子經過精心烹調，保持了其鮮味和脆度。搭配著香蒜牛油，為整道菜增添了一層奶香和蒜香。主菜：香煎法式鵝肝牛肝菌意大利飯這道菜結合了鵝肝、牛肝菌和意大利飯，呈現出豪華而美味的組合。鵝肝經過精心烹調，口感滑嫩，搭配著牛肝菌的鮮香，與意大利飯完美融合。每一口都帶來了濃郁的口感和豐富的層次感。飲品🍸他們的陳皮洛神花茶和冰泰式奶茶是絕對不能錯過的。陳皮洛神花茶結合了陳皮的清香和洛神花的芬芳，帶來一種獨特的口感和清新的味道。冰泰式奶茶則是一種經典的泰式飲品，濃郁的奶茶味道與冰塊的清涼感相互輝

天氣很好，再次來到觀塘海濱散步， 然後在經常光顧的Be Leaf 午餐。 之前都是在晚市 聚餐， 原來這裏假日也有brunch套餐， 價值比高，而且款式也多。餐廳環境很光猛， 滲著舒適的陽光， 輕輕鬆鬆的和朋友影相打卡， 十分寫意。和風味噌燒特級豬梅扒 配菠蘿蜜桃醬漂漂亮亮的擺盤，就像日式套餐 ，豬梅扒肉質軟淋， 配上酸酸甜甜的菠蘿蜜桃醬汁， 肉質格外鬆軟， 味道清新開胃。 香濃的蒜蓉包配十分creamy的蘑菇湯， 香濃美味。香煎安格斯牛小排 野菌菠菜酸種麵包 配薯條非常期待嘅配搭， 用較貴價的牛小排， 果然是與別不同， 牛肉味香濃 而且肉質軟嫩， 雪花均勻。 配搭野菌和菠菜，健康美味營養均衡。套餐可選多款特色飲品，店家推薦的自家制焦糖餅乾咖啡，賣相精緻十分吸引，焦糖餅乾很討好，而且咖啡味道醇厚。士多啤梨牛油果沙冰， 每次來必點之選， 粉嫩的顏色十分打卡able，味道甜美充滿果味。

今日就同朋友去咗be leaf 食飯餐廳有室外用餐位置, 環境裝修佈置好精緻, 門口有個靚靚打卡位炭烤豬肋骨拌墨西哥莎莎配炸薯條豬肋骨肥瘦適中, 好香口入味, 薯條炸得香脆香煎北海道刺身帶子蝦乾蝦籽魚湯燴意大利飯面頭既帶子大粒鮮甜, 配撘豐富, 牛油味香濃, 意大利飯索滿醬汁,好鮮味creamy.陳皮洛神花茶味道酸酸甜甜, 飲落好開胃消濟自家製糖餅咖啡整體咖啡味濃郁, 飲落幼滑, 糖餅好簿身輕脆, 慢慢溶化後令咖啡味道變甜

今日嚟到觀塘食嘢，呢度好多嘢食，今日特別想搵間靚Cafe同老公嚟食嘢，所以今日嚟咗be leaf，每次經過呢度都俾個大門框吸引，所以今次一定要嚟食吓嘢！我哋叫咗幾樣嘢食，水牛芝士巴馬火腿無花果沙律，由於太肚餓嘅關係，一上菜已經食到一半先至記得要影相！可想而知幾吸引！啲菜都好新鮮，冇苦味，食落脆卜卜，好爽口！夾巴馬火腿嘅沙律比較少見，但都幾好食幾match！另外，仲叫咗香煎牛小排紅咖喱意大利飯配鵝肝，成件事好高級好正，賣相都好吸引，牛小排整得剛剛好，好嫩滑好多汁，另外鵝肝撈埋啲飯食令到個飯再滑好多，如果齋食就覺得有少少溜啦，整體都好食好食！最後梗係要叫返個甜品啦，我哋叫咗椰香朱古力花生醬牛角包窩夫配雪糕！花生醬配朱古力呢隻味好正，不敗之選！再加埋雪糕個口感，簡直係Perfect match！最後我哋仲叫咗兩杯嘢飲，一杯係糖餅咖啡，老公話呢杯嘢飲好正，第一次有糖餅喺杯咖啡上邊，啲糖餅溶咗落咖啡入邊甜甜地幾好飲！而我就叫咗洛神花茶，開胃解膩，酸酸地，又可以消脂減肥！正！

觀塘多嘢食就係人都知，我就搵到個嘢食又好味，打卡影相又靚嘅Cafe！香煎安格斯牛小排野菌菠菜酸種麵包配炸薯條牛小排好香牛味，但最令我驚喜嘅係薯條，條條鬆脆，食到停唔到！自家制焦糖餅咖啡朋友最鍾意飲甜嘢，呢個焦糖餅唔係死甜，反而係好香焦糖味，正呀！和風味噌燒特級豬梅扒配菠蘿蜜桃醬平時我唔太鍾意食豬，因為怕有鬚味，但呢個豬扒配上蜜桃醬，酸酸甜甜好開胃！法式焦糖卡士達梳乎厘班戟甜品可以話係每餐嘅必備，我就鍾意食焦糖，所以就試試呢個疏乎厘班cake，佢唔係空氣疏乎厘嗰種，而係好有口感，食完超級滿足！

近日我造訪了位於觀塘的「be leaf」餐廳，這家餐廳以裝修花草系主題打造，讓人有種置身於旅行中的感覺。首先，我點了餐廳的招牌菜之一——水牛城雞翼。這道菜以香煎的方式烹調，雞翼表面酥脆，內部肉質鮮嫩多汁。它的調味料相當獨特，帶有一絲微辣的風味，讓人回味無窮。接著，我嚐試了他們的北海道刺身帶子黑蒜黑松露野菌忌廉意大利飯福袋。這道菜以帶子為主角，搭配黑蒜、黑松露和野菌忌廉，味道豐富而濃郁。意大利飯福袋則是軟嫩可口，充滿了忌廉的香氣，給人一種奢華的享受。餐廳的另一道招牌菜是火熱皇牌椰香叻沙波士頓龍蝦海鮮盤。這道菜以波士頓龍蝦為主要食材，搭配扇貝、粟米、青口、蝦和蜆肉等海鮮，形成了一道豪華的海鮮盛宴。叻沙湯底酸辣開胃，椰香的味道令人陶醉，讓人愛不釋手。最後，我品嚐了他們的熱飲之一——黑糖焙茶鮮奶。這杯飲品結合了黑糖和焙茶的香氣，加上鮮奶的濃郁口感，帶來一種獨特的風味。這杯熱飲適合在冬天享用，讓人感到溫暖舒適。總結來說，「be leaf」餐廳以其獨特的裝修風格和精緻的菜餚贏得了我的讚賞。水牛城雞翼香脆多汁，北海道刺身帶子黑蒜黑松露野菌忌廉意大利飯福袋口感豐富，火熱皇牌椰香叻沙波士頓龍蝦海鮮盤則是