味滿

營業中

休息中

同阿女去天后地鐵站交收，又是落雨天，唔想去買餸煮飯，阿女話唔想食飯，同我去咗附近嘅粉麵粉食嘢。味滿地方不大，但整潔乾淨。主打粥粉麵飯。餐廳有套餐亦有散叫。套餐（如想豐富一點，可用優惠價加配其他食物和飲品）艇仔粥：粥底綿滑，配料有魚肉、瘦肉、花生、蔥花，海蜇、魷魚等，十分足料。奉送油條及腩汁蘿蔔油條香脆，蘿蔔清甜。脆脆炸兩：醬汁分開上，客人可依自己的口味調味。腸粉好滑，包住油條食口感唔錯。凍檸茶：茶味濃郁，有檸檬香，不太甜。及第粥：有豬潤、粉腸、豬肚、肉片、豬心。材料都煮得剛剛好熟，新鮮爽口，配綿滑嘅粥底，每啖都係精華。雲吞麵：麵條彈牙、湯底鮮甜，燕尾雲吞以豬肉及蝦肉作饀，皮滑餡鮮好好味。水餃河：河粉滑溜，水餃足料，有蝦、木耳絲等，十分爽口。