火山石石鍋手打烏冬專門店 (已結業)

火山石專食石鍋烏冬，有唔同湯底（辣、咖哩、豚骨…），加埋烏冬滾住上。 真係冬天食完成個人都暖哂。 今日我係下午時段去食，揀左咖哩烏冬拼雞翼餃子。 咖哩烏冬一上台已經bulu bulu 咁起泡，夠哂熱！食落烏冬彈牙，冇煮到糊左。咖哩湯底熱辣辣，亦都好濃咖哩味，佢呢個係日式咖哩，唔食得辣既朋友都可以一試。 雞翼配上燒汁甜甜地。炸餃子有驚喜，應該係即炸既，所以好脆口，餡料尚算豐富。佢下午茶時段同午餐會有套餐，比較抵食。如果時間許可，下午黎食會平D!