影片
更多
2015-04-24
883 瀏覽
今次到親愛的搵餐廳興祝, 嘿嘿, 原來你靜靜地早一個月已經book咗餐廳, 等我仲好緊張添, 銅鑼灣區都有講究菜式烹調, 氣氛好, 價錢合理嘅餐廳! 分享吓食咗咩先 平日六點黎到, 由門口到走廊行入黎, 有種花香味, 餐枱都以黑色為主, 鎢絲燈影照係白色牆身, 簡約温暖嘅裝修, 有五張四人枱及兩張二人枱, 暖色嘅燈光暗暗地, 帶點浪漫氣氛 生蠔一般日子有買一送一, 星期三特設oyster night, $180有半打 好抵食呢!每兩個月轉一次Menu, 價錢$598-698, 份量超滿足!!! 包你抱住個肚走 法包+自制茄子醬餐包有Rosemary嘅香味, 裏面好軟心, 外皮就好脆每日用新鮮茄子加香草煮成蓉, 再焗香!!少少辣, 似咖喱 由檸檬嗰邊開始食第一隻係美國蠔, 每啖咬落甜味好出, 食落好爽口鮮甜, 好容易入口第二隻法國蠔質地較實, 咬口會多啲, 海水味較重, 微咸, 整體黎講最好食嘅品種最後算係較新嘅品種, 食完嘅時候有種回甘, 海水亦比較輕, 每款蠔都好大隻!!!!風乾金槍魚柳, 蘋果火箭菜沙律配濃香黑醋汁 (4/5)配搭包含晒甜酸苦辣外加咸咸地風乾金槍魚柳嘅tu
銅鑼灣區都有講究菜式烹調, 氣氛好, 價錢合理嘅餐廳! 分享吓食咗咩先
平日六點黎到, 由門口到走廊行入黎, 有種花香味, 餐枱都以黑色為主, 鎢絲燈影照係白色牆身, 簡約温暖嘅裝修, 有五張四人枱及兩張二人枱, 暖色嘅燈光暗暗地, 帶點浪漫氣氛
生蠔一般日子有買一送一, 星期三特設oyster night, $180有半打 好抵食呢!
每兩個月轉一次Menu, 價錢$598-698, 份量超滿足!!! 包你抱住個肚走
法包+自制茄子醬餐包有Rosemary嘅香味, 裏面好軟心, 外皮就好脆
每日用新鮮茄子加香草煮成蓉, 再焗香!!少少辣, 似咖喱
由檸檬嗰邊開始食第一隻係美國蠔, 每啖咬落甜味好出, 食落好爽口鮮甜, 好容易入口
第二隻法國蠔質地較實, 咬口會多啲, 海水味較重, 微咸, 整體黎講最好食嘅品種
最後算係較新嘅品種, 食完嘅時候有種回甘, 海水亦比較輕, 每款蠔都好大隻!!!!
風乾金槍魚柳, 蘋果火箭菜沙律配濃香黑醋汁 (4/5)配搭包含晒甜酸苦辣外加咸咸地風乾金槍魚柳嘅tuna, 有酸酸嘅檸檬橄欖油, 苦澀嘅火箭菜, 香甜嘅黑醋汁, 五味陳雜! 十分偏好火箭菜 所以菜式都好高分 哈哈
風乾金槍魚柳, 蘋果火箭菜沙律配濃香黑醋汁
23 瀏覽
0 讚好
0 留言
呢個龍蝦有肉地好新鮮, 拆哂肉! 食得爽得黎好濃膏味, 好滿足, 醬汁用乳酪做成, 食完龍蝦, 藍莓同士多啤梨嘅清甜品浮返上黎
波士頓龍蝦配配鮮什莓他他
27 瀏覽
0 讚好
0 留言
好香濃龍蝦味, 感覺用咗好隻龍蝦攞去煮咁, 最細心係湯上面加個"A"字裝飾表達Amina!!
法式龍蝦湯
47 瀏覽
0 讚好
0 留言
有啲攪爛嘅蔬菜粒粒, 味道好似lasagna, 我想講好好食
煙番茄紅菜頭忌廉濃湯
28 瀏覽
0 讚好
0 留言
酥盒有手掌心咁大, 上枱時聞到好香牛油味, 裏面嘅海鮮一啲都唔馬乎, 有蝦, 蜆, 帶子及青口每樣都厚切, 口感好滿足, 白汁亦唔覺膩, 店長主動請我地飲返杯, 酸甜白酒更加配合
海鮮酥皮盒
37 瀏覽
0 讚好
0 留言
海鮮酥皮盒
27 瀏覽
0 讚好
0 留言
鵝肝煎到完美嘅八成熟, 外面脆脆地, 中間就半熟狀態, 好似鵝肝醬咁creamy, 味道甘香, 有些人唔接受嘅鵝肝味, 就用紅酒葡萄去中和, 兩者好完美, 要特定厚度同埋温度嘅控制, 做法好講究功夫
香煎鵝肝配砵酒燴葡萄
35 瀏覽
0 讚好
0 留言
香煎鵝肝配砵酒燴葡萄
26 瀏覽
0 讚好
0 留言
喜歡選用番石榴沙冰有種清淡濃香感覺, 清一清個味蕾, 迎接main course, 淡粉紅色嘅賣相亦都好討人喜歡
法式油封鴨腿, 松露薯粿配車厘子蜂蜜燒汁 (5/5)去法國旅行期間學咗用油封鴨腿, 去除多除脂肪後焗薯蓉, 鴨腿嘅油脂甘香包補令你回味 , 所以一見到一定要點黎試吓!! 可以學到唔同做法
煮過嘅車厘子甜味增添咗鴨脾嘅味道
薯波係用薯蓉加麵粉, 整成形後煎成嘅, 好煙韌感覺, 離奇地食到黑松露味, 原來真係加咗松露!! 大愛哈哈
法式油封鴨腿, 松露薯粿配車厘子蜂蜜燒汁
62 瀏覽
1 讚好
0 留言
法式油封鴨腿, 松露薯粿配車厘子蜂蜜燒汁
48 瀏覽
1 讚好
0 留言
法式油封鴨腿, 松露薯粿配車厘子蜂蜜燒汁
58 瀏覽
1 讚好
0 留言
用青蘋果中和油份, 多咗份甜味, 味道唔會單一, 完全唔怕肥膩
係點菜嘅時候店員都提示我地呢個菜式比較肥, 但都無法抗拒中菜就稱為五花腩嘅豬肋肉, 要keep住肉質入口即溶, 所以選材第一要點就係要脂肪夠均勻, 上面有青蘋果蓉, 中和豬肉有油膩感, 燜到好淋, 簡直係法式東坡肉!!
秘制美國極黑豬脊肋肉配焦糖燴蘋果
20 瀏覽
0 讚好
0 留言
秘制美國極黑豬脊肋肉配焦糖燴蘋果
35 瀏覽
0 讚好
0 留言
黎到甜品時間~ Tiramisu
一般餐廳做法會用手指餅, 吸收咖啡汁, 放在中層, 而呢做法破舊立新, 有傳統元素之餘, 又會做啲變化, 用咖啡啫哩代替, 味道香濃, 而忌廉層都好creamy, 奶味好香, 三角形千層酥好脆, 口感好豐富!
砵酒啫哩, 菠蘿肉, 花生焦糖脆脆配椰子雪糕黎嘅時候一大陣白煙, 原來上放咗一小杯乾冰, 煙霧彌漫睇唔清甜品係咩東東, 哈哈
煎菠蘿味道比較甜, 掩蓋咗椰子雪糕味, 上面有啲開心果粒, 同脆脆好夾!
苿莉花茶已經食到十一點幾, 好滿足嘅一餐, 最後安排清香花茶, 暖下個胃, 舒服晒!
推介此餐廳 5/5 首先服務好細心, 當我傷風感冒搵紙巾, 佢哋仲快手就遞盒紙巾俾我, 亦會安排好上菜時間, 令我哋唔會食得咁趕急, 成餐飯都好輕鬆自在, 因為有時食高級小小嘅餐廳, 都會好侷促, 令人感覺唔舒服, 而Amina絕對比到你屋企嘅感覺, 環境有情調, 用料新鮮,好似我哋咁嘴刁都滿足到! 而且份量絕對夠食, 飽到抱住個肚, 代男朋友講值回票價 ,嘿嘿聽聞之後會推出lady night優惠, 各位女士們不妨到呢間餐廳gathering^^ 店長仲有啲森美 哈哈
平均消費$714.5, 2個人, 每人6個course + 半打蠔
Amina² Cuisine
星期一至日: 19:00-00:30
銅鑼灣富明街2-6號寶明大廈4樓J室
Tel: 6222 9405 / 6642 1870
張貼
